發表文章

目前顯示的是 4月, 2015的文章

香水,就像愛情~~ Gianfranco FERRE ROSE

圖片
香水,就像愛情~ 每個人都有自己獨特的喜好~  正如你喜愛的男生並不是我杯茶~ 我喜愛的香水味對你卻似毒藥~ 有人喜愛轟轟烈烈的愛情~  有人喜愛細水長流的香味~  你選了,不代表是最好,只是因為覺得佢適合~ 在這個深春初夏 如果你愛安逸恬靜的浪漫 你會愛上 Gianfranco  FERRÉ ROSE 喜愛尋求刺激,愛追夢的女孩,未必能明白平淡感情的好處~ 西瓜、蜜橘及桃子組合清甜果調就如清新愛情的開始~ 街角的偶遇,車站的等待~ 沒有大花大火,但卻細膩動人 中調揉合橙花、小蒼蘭及粉紅玫瑰浪漫怡人的花香 就像牽手在月色下漫步,相擁在渡輪上看風景~ 看似很簡單,也會成為最浪漫的事,你體會到嗎? 以檀香木、雪松木及琥珀作為尾調 浪漫另一半已成為了你的厚實的肩膞 為你風雨中護航~   這枝 Ferre Rose, 沒有大刺刺的攻心 亦不能讓人一刻傾倒 但她的香味是細遠的,綿綿的 在這個早晨還是清涼的初夏,灑上一些淡淡的香氣 步履也輕快起來。 當然,淡淡的來總是無聲的走~ 中午飯後,記得要噴上一下,才能將愉悅感帶到下班呀~ Gianfranco Ferre 是意大利的時裝界天才 除了服裝外, 還有包包、鞋履、美容產品等等 今次為我們帶來 Gianfranco FERRÉ ROSE FERRÉ ROSE 的香水於全線莎莎獨家發售 如要聯絡本人,請電郵至:  smonkichi@hotmail.com Pls follow me :  Fanpge :  www.facebook.com/smonkichi Instagram :  https://instagram.com/smonkichi/ My Blog Link : The Ztyle   Beauty Qooza   She.com   U Beauty   Beautylife   Blogspot   BE   We Share

中環FINE DINING 另類平價選擇~Rang Mahal Authentic Indian Cuisine 傳統印度菜

圖片
每次去到中環街市個頭都唔知食咩好 餐廳是好多 唔係排滿人就貴到嘔 試過有次同老公由中環街市行到去蘭桂坊都諗唔掂食乜,最後去左食快餐~ -.- 不過今日我就去左一間平靚正的印度菜 Rang Mahal Authentic Indian Cuisine 傳統印度菜 呢間位於中環街市後一條街既印度食肆,地方其實都有少少隱閉 不過佢既門口就放左好多BANNER, 牆上仲有七彩的油畫,要搵其實一D都唔難~ 呢度其實是一D舊樓黎,開始都驚驚地會唔會好地茂~ 點知上到黎有大發現呀~ 呢間細細的印度餐館,以紅色為主打 加上好多印度傳統裝飾。加上昏黃的燈光, 好有FIND DINING 的感覺呀~  呢度的MENU 實在好多選擇,就係連咖哩都有5種, 有印式椰汁,甜酸,辛辣...... 就連印度飯都有唔少選擇~ 對於我呢D有選擇困難既人,最好當然是叫套餐啦~HAHA 叫左2人套餐  HKD 318 /2 人餐 前菜, 就是呢D免費的胡椒餅 呢度既胡椒餅食落胡椒味都幾重,不過聞就唔太覺 (可能唔係熱住上枱)  不過依然脆口同香口~  醬有三種口種 綠色薄荷醬感覺乳酪奶味太重  紅色的醬有少少中國辣椒醬的感覺 但香料味重D 而深啡個隻就感覺有少少甜加辣~  飲品當然要叫LASSI , 即係乳酪,  我個杯係咸味乳酪, ,清清地,味道唔算好濃,唔錯 但佢加上加孜然粉,搞到我好似FEEL到有羊肉味咁~XD 黃色係芒果乳酪,一貫的濃味同甜,我都係鐘意咸個杯多D~ 再黎一個小食~ 呢個小食其實已包含2人餐的1-3號 有炸咖哩角,炸雜菜同青瓜乳酪~ 呢度既乳酪都缺少D酸味,所以感覺唔夠FRESH~  炸物反而唔錯,無油膩感,皮都很鬆化 不過尼,個薯蓉咖哩角真係超大舊,入面全部都係薯仔~ 食一個好似食左大半碗飯咁飽。 再黎就係 4號同5號既 無骨燒機同烤魚~ 個賣相已經好不得了啦,雕哂花咁~  其實每款只係有3舊,但望落係超大埋頭。 2個人黎講,每人2舊其實都夠~  因為真係啖啖肉 魚既肉都好實,真係無骨。不過入口有少少咸~ 雞

要排毒就要排得徹底~科學家5天體重管理 (5 Day Detoxer)

圖片
近年的食品好多都加入左好多人工的化學物 食得多,會將呢D毒素累積係身體 所以開始出現左排毒呢個名詞。 前排好多人飲DETOX 水,不過呢D水的效果其實都仲成疑 如果真係決心要排毒,我地當然要信科學~ 科學家5天體重管理 (5 Day Detoxer)  我地先黎了解下呢個品牌既背景先~ 科學家有限公司是一間自資研發、採購、生產、質檢、出口及零售的健康產品公司。研發團隊由擁有超過20年從事健康、抗衰老經驗的美國專家所帶領, 於世界各地搜羅最新與及最具權威性的研究報告, 以開發創新及具功能性的健康產品。 產品着重提昇健康、針對慢性健康問題的根源。產品研發極注重「創新」、「獨一」、「份量足」及「具科學研究支持」四大元素。亦都不斷將現有的產品優化, 與時並進。 科學家在本港、印尼及馬來西亞等地的電台及電視頻道均製作及播出健康資訊節目, 零售連鎖規模遍蓋香港、澳門、中國廣東省、印尼及馬來西亞等地, 以滿足當地觀眾的需要。 產品包裝上有清楚的產品資料,對消費者都係一個良好的保障~ 由盒上可見成個盒野總共有1號 10包,2 號20包,其實呢D係乜東東黎架? 呢個係一個5天的排毒療程 整個療程需時要15日 前5日就閞始逐步減食,跟住5日就以5 DAY DETOXER 代餐,之後5日就要逐步恢復番食量 呢個療程除左排毒,其實仲其他功能~ 5日療程中 早晚會進食 1號,而中間就會進食4次2號~ ,當中可加入生果泥或水果~ 但其他野就唔食得啦~ 至於1號主要成分有 全部都係天然的萃取物,有效增強身體的排毒功能 1號因為有小麥草,螺旋藻粉等,所以顏色都以綠色為主,味道都係草草地咁 1包加入250ML 的溫水攪勻後就飲得。 早餐飲一杯,瞓前飲一杯~  因為有250ML 既水,一次過飲完一杯都幾飽架~ 至於2號既主要成份就有 有大量既纖維,唔單止會飽肚,仲會幫助腸道蠕動添~ 不過一包2號有成20g, 要加入400克既水去飲用~ 400克,即係2杯呢D玻璃杯 而且2號的質地勁吸水,沖調時都要有少少技巧 要先加入粉

養成良好的衛生習慣~everybody LABO 免洗消毒香氛洗手液

圖片
自從沙士之後,香港人突然醒覺衛生的重要性。 尤其最近又多左好多變種流感。 無論政府或私人機構都採取左好多措施。 除左公共衛生消毒既工作多左 唔少公共地方都設置左消毒搓手液~  不過個D 成陣酒精味的搓手液,唔單止氣味難聞 用完後隻手都好似老左十年咁,嚡到阿媽都唔認得~ 所以平時我都會自備清毒搓手液俾阿囡用。 最近就愛上用呢款~ everybody LABO  免洗消毒 香氛 洗手液套裝  ($ 98 ) 一套2件的免洗消毒香氛洗手液套裝,備有大支泵裝及細支可攜式小瓶裝, 分別適合在家及外出時使用 整個系列有4種不同怡人香氣 粉紅色:BLOSSOM GARDEN 秘密花園 (花香味) 藍色:CARIBBEAN BREEZE 加勒比海風 (清香味) 黃色:LEMON VERBENA 檸檬馬鞭草 (草香味) 橙色:MANDARIN CITRON蜜柑香櫞  (果香味) 我就試左佢既LEMON VERBENA 檸檬馬鞭草 (草香味) 同 MANDARIN CITRON蜜柑香櫞  (果香味) 香氛免洗消毒洗手液,採用認証消毒成分,可消除99.9%大腸桿菌、綠膿桿菌、金黃葡萄桿菌及海氏場球菌等多種細菌。 而且性質溫和,不傷皮膚,3歲或以上既小朋友都用得。 細枝包裝只有42ML,適合放係手袋帶出街。 MANDARIN CITRON 蜜柑香櫞  (果香味) 香香甜甜,小朋友最鐘意。 搽完後聞住,好似食緊糖咁開心。 至放我自己就比較鐘意用呢款 LEMON VERBENA 檸檬馬鞭草 (草香味) 佢的香味好自然,好FRESH 。 尤其早上用,好似可以REFRESH 個頭腦咁~   大隻裝既香氛免洗消毒洗手液有100ML ,放係屋企用就最啱~ 唔好諗住屋企唔使用呀~ 小朋友最鐘意四圍摸,返到屋企就算洗左手都未確定D菌真係無哂架~ 洗完手後再用上呢隻香氛免洗消毒洗手液就可以確保萬無一失啦~ 呢隻有香味的香氛免洗消毒洗手液可以吸引小朋友用。 對於培養良好的衛生習慣有一定幫助架~ 香氛免洗消毒洗手液質感介乎JELLY 同水之間~ 入面仲有D好似金鉑咁既物體,

TONKACHI 丼吉的另一選擇,日式涮涮鍋~

圖片
Tonkachi 丼吉曾經係吉列豬扒的始祖 但食吉列豬扒的風氣這陣子好像有減淡的現象 不過Tonkachi 繼續係尖沙咀赫德道地牢開左呢間 日本料理とん勝 Japanese Cuisine Tonkachi 餐廳裝修有別於其他分店,燈光比較光猛,但亦以日西式的設計為主 座位都好寬敞舒服~  TONKACHI 丼吉再開分店, 原來除左一直都好出名的吉列豬扒外 原來仲有至HIT 的日本涮涮鍋 而且其中既薑飃香涮涮鍋更是店中最受歡迎的第一名呀。 而且呢度仲有唔少涮涮鍋定食套餐,可以一次過食哂店中的皇牌食物~  入到黎店鋪,最注目的仲有呢D酒櫃~ 原來呢度既DRINK LIST 都唔少野,比起平時既食肆真係多好多~ 而且仲有好詳細既介紹同分析~ 價錢都好相宜~ 平時比較少地方係專飲日本清酒,所以如果鐘意飲,呢度都係一個好地方黎~ 不過尼,我都係鐘意食多D~ XD  呢度既擺設同平時既日式餐廳差唔多~ 食豬扒,醬汁通常都好多~  呢度主要有2隻汁 豬扒汁同日式芝麻醬~  我囡超鐘意個芝麻醬,連食飯都要加埋落去~ 不過裝豬扒汁個白色樽邊痴住一撻撻醬,有少少唔開胃~XD  有小朋友餐具,通常我都會加分。 起碼呢D心思係值得表揚嘛~  而且待應態度好好,很有禮貌,就算有小朋友多多要求都無黑面,讚呀~ 呢間TONKACHI 比起其他分店走的路線有少少唔同,價錢親民左好多,食物種類都多好多~ 除左有涮涮鍋都有幾款~ 仲有刺身壽司~  就連前菜,漬物都有唔少選擇,當然仲有著名的吉列豬扒~ 套餐由80蚊起咋~ 2大人,一小孩,叫左一個2人份的薑飃香黑豚涮涮鍋~  2人份包括一個姜味的湯底,一盤蔬菜 (有豆腐,生菜,紅蘿蔔,鮮冬菇同金菇)  當然,仲要主角~ 2盤鹿兒島黑豚肉~  就咁睇2隻肉好似有D唔同~ 一隻厚D,一隻薄身D 問過經理,原來2隻肉都係肩肉黎~  因為薄切的關係,放係水度一陣就熟哂啦~ 厚切的肩肉反而肉質好嫩滑,而薄切反而有肉既質感,真係估佢唔到~ 第一眼覺得點解咁多肥膏,但淥熟後D肥膏變得超爽口~