玩味七彩餐廳~ LITTLE VEGES
上星期四經過銅鑼灣時代廣場，見到有個小朋友至愛既吹氣彈彈床
唔使錢，每節10分鐘。見無乜人排，即刻同阿囡去玩啦~
跳到攰，又肚餓，即刻走去時代廣場後面既百樂中心搵食~
LITTLE VEGAS
呢間餐廳以拉斯維加斯為藍本設計
無論場地，布置，枱櫈，甚至餐牌都充滿玩味~
無論牆上，地上，甚至枱，櫈都畫上了七彩繽紛的畫作~
就連BB櫈 (左下紅色)同SALT & PEPPER 樽都精心挑選過架~
入到黎無論大人小朋友心情都特別亢奮。
上網見過很多人在早上黎，感覺真的天地比。
早上的餐廳就像一個素顏的家庭主婦。
但入夜後，燈光亮起，就像抺上了彩妝的靚女~
有心去既朋友，強烈強烈強烈強烈建議要夜晚去呀~
這裏的每一個角落，都見到店主的心思~
就連平時很少注意的餐牌都加入唔少有趣既畫作~
(好鐘意張綠野仙踪呀)
女女跳到口干，一黎就要叫野飲。叫左呢個士多啤梨沙冰。
平時我好怕飲士多啤梨味既野，覺得好人工，好藥水
但呢個沙冰我都幾鐘意
佢唔係太甜，有淡淡既士多啤梨味，感覺好清新。唔錯唔錯。
阿囡唔使講啦，成晚話好口渴，要飲，要飲，要飲~@@
野菌長通粉。一上枱已聞到好香既野菌味
長通粉熟度啱啱好，唔太熟亦唔會太硬。
沾上了 (應該係橄欖油) 同醬汁，好野味
再加上上面既配菜中和口感，無咁膩
成個菜我俾90分。
差十分係醬汁稍多，食到底時感覺會咸左少少。
當然，如果你鐘意食濃味既，呢個唔係問題~ ^^
再黎就係迷迭香羊架~
上碟時真係好靚，羊架望落燒得色澤均勻咁~
薯仔角同沙律雖然係配菜，係都做得好出色
薯角面好脆，但又一D唔油膩，我估係用焗既方法黎整
ANYWAY, 但無咩油，我LIKE ~
配菜都唔係只放幾條菜上去，而係加左黑醋汁MIXED過既沙律
開胃好味, 個黑醋汁仲較得唔錯添~
至於羊架呢，望就好正。食入口就差左少少
香草唔夠香。令到羊既膻味比較重。
而且可能佢想遷就我有小朋友，所以整得比較熟。
變得無咁滑，有少少O鞋。
如果係大人食，建議唔好全熟啦~
變得無咁滑，有少少O鞋。
如果係大人食，建議唔好全熟啦~
食完個羊架，見到人地D PIZZA 好靚，忍唔住又叫左一個。
PIZZA份量係中批份量。好足料，芝士都好香好厚。
批底係屬於厚批啦 (中厚啦, 唔係薄個D)
不過可能個皮熱放得太耐，個底有少少硬。
食完正餐，當然有阿囡既至愛~
甜甜圈。
其實即係DONUT ~ 賣相很討好呀~
灑在上面的彩色粒粒，很多M & M ?
但原來係自家製的糖果, 以M & M 既彩色脆皮包裏著瓜子粒~
其實，我好想問佢有冇得外賣呢D粒粒~HAHA~
就連士多啤利都切得靚靚~店鋪的心思就在此呀~
這個店雖然是樓上鋪，但當天都超多人的 (只係平日的夜晚呀~)
而且很多都係一大班朋友黎
呢間店既氣氛很好，很適合一大群朋友嘻笑
如果你鐘意2人世界安安靜靜就不要選這裏了
這裏雖然很爆場，但服務員個個都好有禮貌，又NICE
仲會同我囡玩同傾計，又會詢問下我地食成點，食物如何
感覺好窩心。很值得加分呀~
最後再一次強調，想見到靚靚既VEGAS, 一定要夜晚喎~
如要聯絡本人，請電郵至： smonkichi@hotmail.com
Pls follow me :
Fanpge : www.facebook.com/smonkichi
Instagram : https://instagram.com/smonkichi/
My Blog Link :
留言
張貼留言