重遊舊地新嘗試~ 新泰東南亞餐廳
今日婆婆放假，當然出街食飯~
阿囡最開心，因為又有得出街食飯~ @@
諗唔到食咩，於是去番之前去過既
新泰東南亞餐廳
Sun Thai Restaurant
因為身處銅鑼灣，又老又嫩有排行啦～
所以坐左叮叮過去，係正門口就有得落啦～
隔左幾個月無黎，地點環境不變，但竟然 FULL HOUSE~><
FULL HOUSE 既其中一個原因係 呢度好多大枱，好多成家十幾人一早訂哂枱~
有D枱仲坐成20人都得呀~ OOO
一心黎呢度諗住地方夠大，又無咩人，唔使等位。
好彩我地行早少少，仲有一張四人枱
不過靚靚既蚊帳枱就無得坐啦~
一心諗住帶阿囡黎坐下蚊帳枱，點知無得坐~ 唯有影張相當坐左~:P
帶阿囡食東南亞野真係一個大考驗
因為咩鬼都係辣同煎炸佢唔食得，最後揀左呢幾味~
馬沙文牛腩
個餐牌無標係辣，問左都話唔辣，不過對於小朋友就唔得了
因為都係CURRY黎，入面好多花椒八角
但對我黎講就好....................甜
而且D牛腩唔係瘦肉同根，仲有好多肥膏
食左2舊，頂~ 滯左~ @@
唔好睇佢碟仔細細，其實好襟食
每人食少少已經好夠~
用黎撈飯或食包就更正~
不過我自己對於呢D咁甜既CURRY就麻麻了~
第二個就係蜜糖燒肋骨~
呢個就一定無辣 (唔計個汁)
不過感覺有D燶，而且肉真係唔多
但值得一讚係個辣汁超超超超好味呀~
沾上汁食，完全唔同感覺。
我最愛食金邊粉，所以叫左個泰式炒金邊粉 (牛肉)
牛肉好林，不過無咩牛肉。
好多菜，我至LIKE
個金邊粉好彈身，唔會炒到一PAT野咁。
唯一係好似唔夠咸味, 多加幾滴魚露效果會更好。
最後當然要黎個甜品拼盤
其實平時好少叫呢類甜品，不過要就阿囡
小朋友最愛就係食呢D啦~
綠色有粒粒既係蘭香子，下面係椰汁糕黎~清香有咬口
全綠色係椰汁千層糕，好依UN~
黃色係芒果大菜糕咁，阿囡至LIKE
白色半透明係龍眼大菜糕黎，第一次食，入面仲有龍眼肉添，
不過小朋友就麻麻鐘意食呢種味
最正的，當然是呢個椰汁糕
椰汁部份好軟，似CREAM狀(同平時食開的有少少唔同)
入面就有超多料 (粟米，芋頭，椰子肉)
椰汁糕香軟，料爽脆，形成2種好唔同的感覺
好好味呀~
呢度既沙律係超正，可惜全部都係辣，阿囡食唔到，就有唯放棄
幾時，都係以小為尊~ @@
如要聯絡本人，請電郵至： smonkichi@hotmail.com
Fanpge : www.facebook.com/smonkich
Instagram : https://instagram.com/smonkichi/
留言
張貼留言