兩母女的歡樂時光~ La Postre


大家係咪好耐無幫襯過地鐵站既即影即有呢?
原來即影即有除左影證件相外,依家仲有得意相影
只要10蚊影一張, 有唔同相框,唔同SIZE, (3R, 2R,同迷你相) 
兩母女傻傻地又去影張,玩得幾開心架~


影完相就去撐枱腳啦~

今次去左上環呢間小餐廳~
(係上環站A2出口一出轉右,行過馬路就見到佢條BANNER啦) 
我就係俾佢個BANNER吸引左上去~XD


雖然呢度好多甜品,不過裝修竟然係走簡約的工業風,估佢唔到~XD


父母,是小朋友既模仿的對象,
我成日影相,阿囡睇得多,都要影埋一份
呢D就是阿囡既作品啦,影成點呀?


天氣咁熱,當然要飲番杯凍野啦~

呢杯叫士多啤梨 MOJITO~ 

我本身其實麻麻飲士多啤梨既味道,不過呢杯MOJITO 又唔錯,起碼唔會有藥水味
因為佢係用新鮮士多啤梨加薄荷葉,好FRESH ,唔同平時個D士多啤梨飲品,幾有新鮮感~


講到新鮮感,當然要點D特別D既俾阿囡食

今次就點左呢個
大蝦墨魚汁意粉
想俾阿囡試下黑色既意粉嘛~



估唔到阿囡一D都抗拒,仲好鬼鐘意食
食到成個嘴,成條脷都黑哂,好搞笑~


其實個意大利粉本身加左少少胡椒粉,用黎僻走墨魚汁既腥味
所以唔單止無腥味,仲幾香添
不過阿囡都食到幾啖就要飲啖水,話有D辣,不過一路話辣一路食哂~XD

個蝦大隻,而且煎得幾香,彈牙唔干身, 一碟有3隻,都幾抵食~XD 

話說呢度係超多甜品
千揀萬揀,阿囡都係要揀士多啤梨~@@

最後揀左呢個

士多啤梨沙巴翁


睇個樣我都覺得唔錯

點知................................................

個層紫色既皮唔知係咩黎,好似糯米咁,但又硬過糯米喎
而且仲加入左冧酒~ @@
對於一個唔鐘意酒味同一個小朋友,呢個皮真係災難~

好彩中間既吉士唔太甜,好滑,入面仲混左新鮮士多啤梨,當係食士多啤梨吉士啦~XD



兩母女的快樂時光,就是如此簡單~


La Postre 
上環永樂街50號昌盛大廈3樓

TEL :2668 5802


如要聯絡本人,請電郵至: smonkichi@hotmail.com







留言

這個網誌中的熱門文章

灰甲小知識 ~ Emtrix®安甲適®

帶女女徹底驗眼 ~ 理大護眼中心

輕輕鬆鬆踢走肚腩~ 【Kakki 活気-腹周燃燒 EX 錠】