串串燒

韓燒,網燒,鐵板燒,好多燒都試過
今日就去試下串燒放題先



每個座位前都一座電爐, 一半包左鍚紙,一半無包,但其實2邊都可以燒架~ 



全部食物都串上,好似新年街頭擺檔個D咁
仲有孜然粉等等的調味~



一坐低,姐姐已經拎左幾串野黎俾我地燒住黎點餸,因為係限時,驚我地食少左會蝕底喎~XD

仲有一杯雞汁,可以一路燒一路搽,等D 食物無咁乾之餘又有D味道。

除左雞汁,呢度仲有好多款自家製的特色"混醬",款式多到呢~


話明串燒,全部都係一串串上
有肉,有丸,最特別係竟然有成條韮菜上~


叫左五款混醬,味道都較清淡,無想像中咁濃味
尤其檸檬蜜糖,酸酸甜甜,配合燒過的肉食,好滋味

亦都全靠呢D醬汁令到平時食開既食物都有唔同既感覺。

除左平時食開既丸外,呢度既肉都醃製得幾好~
大大舊白色既,竟然係牛舌。真係估佢唔到
雖然咁大舊,但一D都唔韌,仲幾爽口


羊扒都出乎意料之外的有水準,味道唔太重,但仍食到羊的味道~

另一個好鐘意食既就係呢個台灣腸,細細條,燒完後有D肉汁係入面,係出面比較少食的
我ORDER 左3 ROUNDS


另一個好得意既就係迷你BURGER, 將肉同包底,面都分別燒下再合體
漢堡的肉唔係死肉,幾JUICY, 
本黎打算放棄個包底,好似好飽咁,但試過覺得內軟內脆,竟然成個食哂~


至於午餐肉嘛,燒起上食,真係另一番風味
荔枝煙肉,甜甜地又脆脆地,幾合味道,唔使沾醬都已經好夠味~

豬頸肉嘛,本身都已調好味道, 再燒下就好香口美味~



食得太多肉,黎D菜先

呢個芝士金菇,真係有夠多芝士的~


反而牛油粟米既牛油就唔係好夠了~ 

登登登,最好玩的
DIY 薯片~

切得接近透明的鮮薯仔片
放係鍚紙上等佢烘乾,烘脆~


就成為超好味,不經油炸的脆脆薯片了~

因為已經食得好飽,所以最後要左2個甜品
都係平時比少食的~
依依韌韌,又唔太甜~


除左以上的肉, 丸外,其實仲可以加98 任食海鮮的
不過實在太飽啦~ 海鮮要留待下次先黎試了~



值得一提呢度既姐姐好好招呼,笑容滿面,好怕我地食唔飽,成日問我地要唔要加野~

後尾經理仲同我地解釋話因為有幾個聽障人仕,怕對我地招呼不週
但想講呢度既待應比起D妹妹仔更週到,更有HEART 呀~

呢度既串燒無火,簡單易燒,同小朋友黎一齊玩就啱啦~


同人燒
Together Yakitori
尖沙咀山林道29-31廣利樓1樓及地下4號鋪

如要聯絡本人,請電郵至: smonkichi@hotmail.com




SKIN CARE

Make Up

Food

親子