生日大快樂~

 朋友生日,我呢個搞手又要諗地方食飯~
又要就腳,又要坐得耐D方便吹下水,又有小朋友同BB,最好坐得舒服D~ 
真係諗爆頭

醒起無耐前同阿囡去過既AMICO 1890, 係旺角,地點問題已經解決了~

因為有小朋友,所以揀左食LUNCH~ 呢度開中午12點架,我地係第一枱客~XD 
同夜晚比較,中午的確差好遠,只有2-3枱客,但夜晚係排哂隊囉~ 
不過無咩客對我地黎講幾好, 坐得耐D又舒服D嘛~HAHA  

坐底阿囡已經要叫佢係門口揀定既飲品
士多啤梨奶昔沙冰~@@  但我不嬲都唔LIKE 士多啤梨既藥水味, 多次遊說不果, 都係焗叫~@@

成樽真係好鬼大樽呀~ 好彩我預左同阿囡一齊飲,唔係真係飲唔哂~
亦都好彩士多啤梨味唔藥水,加埋奶昔感覺幾FRESH~ 仲有D士多啤梨籽係入面添~


朋友叫的芒果乳酪奶昔沙冰(好似是~XD) 個樽無咁得意,不過都好大杯~ 
朋友話味道不錯呀~ 

另一個朋友叫左杯熱朱古力,估唔到朱古力都有泡泡同花花呀~ 
朱古力味唔太甜,有很濃的朱古力味~


先黎一個巴馬火腿沙律 (HKD 62)
沙律都幾大碟架,將個巴馬火腿砌成朵花咁,又一細心加分之作


沙律菜真係有貴價火箭菜,而且調味的醋汁酸酸甜甜,好醒胃~

有2個小朋友,當然要叫呢個~
香脆紐約薯條
HKD 48

薯條係粗薯,可以食到入面一舊舊既薯蓉,最重要係一D都唔油淋淋~ 

黑松露意大利粉
HKD 98


極重手的黑松露醬,每一啖都有濃濃的黑松露味~
雖然醬汁比較多,但幸好意粉唔係淋PAT PAT, 所以都唔會食到好滯咁
而且個意粉係疊到好鬼高,好多~ 

卡邦尼意大利粉
HKD 78 


呢個意粉分量依然好多, 醬汁都好多,不過無左黑松露,換來了白汁,感覺較膩
好彩我地有5個大, 2個小朋友一齊分~XD 一個人我覺得食完會勁飽~ 

薄餅叫左2款
森林雜菌薄餅
開頭以為雜菌會真係好清咁幾個菇係上面
點知呢個雜菌好豐富,同平時開既PIZZA 一樣有茄汁, 有大量芝士,唯一只係入加左雜菌
幾鐘意呢個PIZZA, 食到PIZZA既感覺,但菇菇的清香又蓋過左厚厚芝士既罪惡感~XD 

另一個夏威夷PIZZA, 入面有火腿,菠蘿同辣肉腸
味道其實大致同雜菌差唔多,只係無左D菇味
不過唔知係咪厚得滯,中間既醬汁仲好濕,感覺有D水水咁,如果再乾多2分就好了~ 

登登登, 生日蛋糕環節啦~
呢度可以幫你TAILOR MADE 個生日驚喜架~
中間可以任選甜品,再加一D 好靚既手繪花花~
送俾我至愛既"死婆", 生日快樂呀~ :3


呢度既雪糕好特別架, 應該叫乳酪手造雪糕, 似GELATO, 乳酪味超香濃,仲有咬口添~

不論食物, 環境,價錢,朋友們對我今次揀呢間餐廳都好滿意
好彩者,做搞手真係唔易架~@@

Amico 1890
旺角洗衣街24號地舖

如要聯絡本人,請電郵至: smonkichi@hotmail.com



留言

這個網誌中的熱門文章

灰甲小知識 ~ Emtrix®安甲適®

帶女女徹底驗眼 ~ 理大護眼中心

輕輕鬆鬆踢走肚腩~ 【Kakki 活気-腹周燃燒 EX 錠】