平民價法國藍帶印度餐廳 ~ Jashan Indian Cuisine

相約在中環返工的朋友食飯,佢約左我去呢度
開頭係樓下望見,以為係間酒吧添~


 一上到去,未食已經好興奮,個環境勁靚~ 


顧客好多都係外國人,同本地人既比例係一半半度~ 


一坐底,未叫野食,已經送上了兩人份的WELCOME DRINK 同小食~ 
講緊既係2杯有少少咖喱味的湯 同 薯仔餅


薯餅入面混左唔少香料,食落唔似平時既食既薯餅咁DRY~ 而且焗過,好香口~


餐廳位於二樓,落地大玻璃窗對住中環特色舊建築,好有殖民時代既風味~ 


望住咁有FEEL既景,飲番杯印度 MANGO LASSI,又可以傾成晚啦~ 
LASSI 夠凍,唔算好甜,有濃濃的芒果香味~  

朋友叫左杯印度生啤,同平時飲開既LOCAL 啤分別不大~


雖然食左個WELCOME DRINK 同FOOD,  但指定既胡椒餅依然不缺~ 


胡椒餅既胡椒味唔算好濃,薄荷醬唔算太薄荷,另一個好似燒汁既醬,比起平時既奇怪印度醬更易入口~ 

係睇緊食咩既時候,經理好開心咁同我講佢地間餐廳攞左法國藍帶餐廳的殊榮
今日去左攞獎~ 佢好興奮咁俾我睇佢今日攞獎d 相添~XD 


原來呢間餐廳都開左好多年,而且城中好多名人都黎食過,又係經理SHOW 相既時間~XD 
我話呢度既裝修好靚,可以係度影結婚相,佢話係呀,有唔少人借呢個場黎拍結婚相架~HAHA 

人少少,又唔知揀咩好,叫待應推介下
呢個好似草餅咁既物體,其實我都唔知係咩黎~


佢同初初食個WELCOME FOOD 差唔多,不過最特別係加左個好似生果蓉的SOURCE, 甜甜地,好野味~
令到成個餅變左另一種味道~ 


成個餅以菜蓉,豆蓉,薯仔混合左,食落好似食菜餅咁,入面加左左少少芝士調味
感覺幾新鮮,因為全菜既關係,食左2件都唔覺好膩


再黎個咖喱羊先

開頭以為係一兜兜咖喱加入羊
原來係成隻脾咁上架~


待應好好人咁教我地點食,原來要先將羊脾起左骨
之後混合埋D印度飯一齊食


羊肉好淋,無咩羊騷味,待應話呢個羊醃左十幾個鐘架啦~ 所以先咁淋咁入味~
咖喱唔係算好辣個D, 之前問過佢話係MEDIUM SPICY, 不過對我黎講就係小小辣咁囉~ 
印度飯混合埋肉同咖喱食,同豉油撈飯咁,可以食幾碗囉~XD 


最後黎一個BUTTER CHICKEN~ 
勁CREAMY的汁~ 少少甜,好輕好輕既辣


雞肉雖然係啖啖肉,但好滑~ 似先處理過D雞再混合咖喱汁~ 


咁CREAMY 既咖喱汁當然要加番個 NAAN
待應推介 ONION NAAN~


NAAN 一客3件,幾大塊,個底有少少焦味~ 可能係佢既特色黎~


平時去中環食飯,想搵間靚少少既餐廳,閒閒地都幾百蚊一個人
呢間印度餐廳環境夠哂正,價錢都係百鬆D蚊一個主菜
下次約朋友去中環食飯唔使怕個銀包赤啦~

Jashan Indian Cuisine
中環蘇豪荷李活道23號金珀苑1樓

如要聯絡本人,請電郵至: smonkichi@hotmail.com