蠔飲蠔食~ 三井日韓料理


這個位於兆萬三樓的日韓料理,主打的竟然是蠔放題~

雖然位於人流擠迫的旺角,但佔地也不少,而且座位都很寬敞~


甫坐下,店員便送上了這個類似韓食的前菜,有很多小盤
當中有即食的,亦有用作食蠔的醬汁~ 
可喜的是這些小食質素都唔錯,係食得入口,仲幾美味,而唔係得個放字~

有雪糕任食


不過飲品就要加30蚊任飲~ 
坐下,店員很快便替你落好ORDER, 而且有紙出,方便睇到叫左咩~ 
有一個桶仔同夾,是食蠔用的,很來發現這個桶有點兒少,裝了3個蠔殼已經滿滿,要勞煩店員時常更換~ 

這個蠔式任食,包有生蠔同燒蠔任食外,仲有京蔥,番薯仔同蜆任食架~ 


想食豪D,仲有其他海鮮叫,不過都係要加錢的~ 

蠔任食除左上面的任點外,仲包含一個蠔湯同蠔飯添,真係超飽的~ 

蠔湯有很重的蠔味,不過調味過咸了,浪費了這碗湯~ 
京蔥和蕃薯仔都係我的燒物至愛,兩者都幾新鮮,蕃薯仔是超甜的~ 


蜆的SIZE 唔算大,但肉反而幾大粒,而且係新鮮的
睇住佢一隻隻咁燒到彈開,好得意~ 
蜆肉的話第一無沙,第二燒左一段時間都唔韌,幾有驚喜~ 

蠔飯用上珍珠米,軟軟綿綿,有香香的蠔味,唔會好咸
如果係屋企整呢個飯,我應該可以食到兩碗~ 

黎到主角啦~ 
呢款係燒的生蠔,唔係肥大既美國桶蠔 (我好怕)
而且瘦瘦長長的,啱我~ 
唔係CREAMY 個種,食多隻都唔怕漏~


蠔可以加上芝士 (黃色個PAT) 同另一款少辣的醬汁去燒~ 
芝士醬有幾濃香的芝士味,不過亦都較漏
辣醬就比較清新,唔算好辣,有少少吊味
最鐘意係醬汁唔會太咸,唔會蓋左蠔既味道~ 
蠔食落係新鮮的,而且蠔味很濃~ 

比起燒蠔,我更愛食生蠔~ 
一坐低,就會先送上半打蠔俾你,唔使等 (呢度得90分鐘食架咋) 
店員話呢隻係廣島蠔~ 

但我眼見應該有2款唔同既蠔,一款較修長,一款較細但深~
兩款蠔都有蠔味,但未算好濃個隻,新手都食到
附有少少的海水咸味~ 不過無咩金屬味~ 


第一次上枱的半打感覺放左一段時間,唔太爽口
第二次再ORDER 既蠔望落都感覺到新鮮好多
而且食落鮮甜爽脆度都比第一次既高~  

朋友想食魚生同其他野,於是又加錢~@@
加左30蚊魚生任食同 80蚊日韓任食~

魚生的質素算中等~未算好鮮,不過不失~
蝦連頭上,感覺較真實~XD 


應有的三文魚,吞拿魚都有甚至連虎蝦都有~~讚~


手卷的質素唔錯,紫菜是脆脆的,生菜也新鮮,可惜軟殼蟹唔夠熱~
燒牛舌也很好味,牛舌爽口,燒得剛好,而且調味也不錯~
荔枝煙肉亦燒得好香,荔枝仲好甜,唔乾~ 


人參雞湯人參味是有的,可惜又係咸到不得了,而且亦好油膩~
炸物方面,炸得很鬆化,如果炸粉再薄D就更好~ 

基本上,食個蠔套餐已經可以好飽了~


三井日韓料理
旺角西洋菜南街1N號兆萬中心3樓301室

如要聯絡本人,請電郵至: smonkichi@hotmail.com

SKIN CARE

Make Up

Food

親子