Sally Ngai's Private Heart

今日同囡囡去左紀利華木球會 呢個位於銅鑼灣鬧市既木球會，經過好多次，但都未試過入去一窺究竟~ 今日多謝METALWARE 的邀請，終於有機會入黎見識下~XD 入黎當然唔係HEA 下咁簡單，而係參加 Metalware智能電子鎖的發佈會 LCI 係香港成立了40年啦，係呢個咁特別既時刻，就推出左 Metalware智能電子鎖 MW- 100 ~ 登登登，今日既主角  MW -100 智能電子鎖 智能鎖係好多家庭開始智能家居的開始 好多新建成的樓盤都預先安裝左智能鎖添呀~  發佈會現場真係人山人海，大家都對呢個新科技好有興趣 末開始前已經埋頭研究緊啦~XD  咁其實智能鎖同平時用開既傳統鎖有咩唔同？ 就係開鎖的方法啦~  傳統既開鎖方法就只可以用鎖匙~  但Metalware智能電子鎖 MW- 100 就有4種唔同既方法 除左用傳統鎖匙，仲可以按密碼 用智能電話同拍卡都開到門架~ 係今日個個都手揸智能電話既年代，開門，當然都可以好型咁用電話啦~ 只要你部機係行IOS或 Android 系統，係APPS STORE 度DOWNLOAD 左MW Manager 呢個APPS  就可以用藍芽模式黎開門啦~  咁你又會覺得，咁其實都無咩用者，用鎖匙都開到啦，使咩咁煩？ 唔好忘記，網絡世界係幾咁強大~ 而MW Manager 呢個APPS 都當然有番咁上下既功能啦~~ 第一個就係可以用電話SEND 個一次性密碼俾你老死 仲可以SET埋時限 老死黎到你屋企，按下密碼就入得屋企 現場即時SEND左個PASSWORD 俾現場觀眾，即時開門，得左。 呢個FUNCTION 好啱商業用添 好似出租渡假屋既屋主，酒店，SEND 個密碼俾個租戶，唔使下下要去攞鎖匙，大家都方便 除左租屋，迷你倉都啱用架 除左用電話開門，呢個MW-100 仲有拍咭功能架~ 張咭好似迷你八達通咁，超好袋~ 拍咭有咩用？咪好啱我個囡囉~HAHA  小朋友唔識用鎖匙開門，老人家唔夠力 用呢張咭一嘟就開到門，入到屋，超級

平時出街除左襯衫外，相信都會襯番D頸鏈裝飾下 但如果條頸勁多頸紋就唔單止無靚到，仲將缺點無限放大~ 所以，想戴靚靚飾物，就要注意下頸部既護理~ juice Beauty  Stem Cellular™ Lifting Neck Cream 有機幹細胞提升抗皺頸霜 平時我地護膚，好多時都只係針對塊面，但面以下的位置就成日都忽略左 其實我地條頸每日郁動數百千次，加上頸部脂肪又少，皮脂腺和汗腺數量係面部皮膚既1/3，皮脂分泌較少，所以好容易乾燥同鬆弛，形成皺紋 此外，今日既大家，個個都係低頭族，長期向下望既結果，咪搞到條頸既皮膚打哂摺囉~  所以一定要注意頸部既保濕同滋潤~ 上面都講過，因為頸既皮膚同面部皮膚結構好唔同，所以唔好諗住搽面時搽埋條頸就算 咁係完全唔夠針對性架~ Stem Cellular™ Lifting Neck Cream蘊含獨家的水果幹細胞、維生素C綜合物溶入有機、富含白藜蘆醇的葡萄籽配方、胜肽及藻類，有效地緊緻和撫平頸部細紋和皺紋，及滋潤頸部肌膚。 頸霜含有既白藜蘆醇其實係多酚類抗氧化素既一種，主要來自於葡萄、莓果、花生等果實中，係植物所分泌的抗病毒素的一種。根據香港大學早年既研究證實，葡萄表皮含有的白藜蘆醇能提升幹細胞自我修復能力。 順帶一提，juice Beauty 的產品唔係用水做基底，係用有機果汁，抗氧化功效高出70% 而且無化學成份、色素、礦物油、起泡劑、防腐劑等等。 通過臨床驗證功效，普遍一個月至兩個月見效（好少有機產品做到架）產品孕婦及敏感性皮膚適用。 因為成份天然既關係，佢既保存期都好短架咋，得2-3個月，所以要快D用哂佢呀~ 成枝抗皺頸霜都係以密封的包裝，減少接解空氣氧化的機會~ 而呢個特大按鈕好啱手型，又容易唧，設計部值得讚下~  唧出黎的抗皺頸霜質感唔算薄 同平時既晚霜質地差唔多~  推開後會見到CREAM狀成份較重，唔係水狀即吸個隻~ 因為係抗皺頸霜，所以滋潤度超高的~ 聞起來有淡淡的水果味添~XD  搽上頸後可以用手向JAWLINE 方向推進按摩~  (方向記得要由下向上呀，向下推只會越推越多

星期天，無無聊聊的 帶著囡囡出去旺角走一轉~ 帶佢上了信和，雖然好多鋪頭都未開，但阿囡都睇得好開心~勁興奮 睇完一輪，搵地方食飯 搵左呢間 係信和隔離，以紅白為主題的 Nardo's cafe  等囡囡快D體驗下年青人的生活~XD  一入門口，囡囡就話好靚呀~ 估唔到一個少少的角落都佈置得咁有特色,咁有心思。 整個餐廳同張相一樣，都係紅/白為主 牆上一個個紅色盒入面有唔同年代既玩具，好似一個小型玩具展咁~ 我估呢D都係店主既收藏，可以將自己的收藏公諸同好，真係一件幾開心既事~ 除左大廳外，呢度仲有一間好長的房~分左兩邊 可以包場成班FD 玩都得~  黎得CAFE, 又點會無TABLE GAME~  阿囡已經老實唔客氣地開始玩啦~ 呢度有SET LUNCH~ 一杯飲品加一個MAIN COURSE  價錢都係幾十蚊~  想要埋頭盤同甜品，就加多30蚊~ 飲品都好多選擇，因為大細都咳， 叫了兩杯花茶 Charming ( 洋甘菊，杞子，桂圓肉) Raspberry Tea ( 紅苺，芙蓉花，薔薇果，蘋果) Raspberry Tea , 味道較濃，帶酸，加入少少糖漿後，感覺好似食緊紅莓糖 Charming 味道較淡，唔使加糖，味道剛剛好~ 是日未瞓醒，諗住食少D，叫個沙律醒下胃 煙鴨胸野菜沙律配意大利黑醋~  HKD 98 一拎黎，嘩，個沙律好鬼大呀，係一個湯碗咁大呀~ 煙鴨胸做得好粉嫩，唔會干爭爭~  意大利的黑醋微酸帶甜，份量適中，唔會越食越酸 沙律菜好新鮮，無發黃無锈邊，雖然份量好大，但我竟然食哂呀~~~~~~ 再黎一個蜜糖雞翼 HKD 58  竟然有8隻咁多~ @@  雞翼無雪味，做到皮脆肉滑，係CAFE黎講，算係高質~ 佢將蜜糖放係底後再鋪上菜，雞翼唔會俾D蜜糖整淋，好聰明呀~ 再叫左個套餐的忌廉野菌煙肉長通粉 HKD 58  煙肉超多，個白汁煮得幾好，唔會水汪汪咁，可以痴住D長通粉 阿囡一路食一路話好味~ 比例圖，真係碟碟都勁

最近和朋友特登過灣仔食飯 因為知佢鐘意日本同食 ....吞拿~  一入黎帶我地去左呢個卡位，2條友，坐咁大個位，好爽呀~XD  呢度既和風指數真係超高，周圍都放滿了日式的畫作~  盤同用具都一樣都有和風~  呢間樓上餐廳都真係幾大，更大既係呢個飲品雪櫃~  呢度既選擇係好多，由刺身，壽司，定食，熱食，以至成日條魚刺身都有 而且每個種類既選擇都好多~ 價錢都無想像中咁貴，壽司都係十幾廿蚊有交易, 刺身更係幾十蚊就有 同連鎖店價錢差唔多~ 落ORDER後 ，估唔到會黎左個定食先 蔥吞拿魚海膽丼 HKD 175  蒸蛋，很滑，又不會水汪汪~ 麵鼓湯不會太咸，真有感到麵鼓的味道呀! 沙律加上胡麻醬很清新~ 海膽，係超大的2塊~  海膽味很濃 而且質感是很新鮮的那種，不是霉霉爛爛，一夾就散個種~ 吞拿魚蓉的份量很多，基本上可以撈勻成碗飯~ 每一口就有吞魚蓉的香和壽司飯的綿，很滿足，很實在 加上這個特製櫻花汁一齊食，淡淡的醬油味~不會太咸~  特選鮪盛 HKD 220  來這裏，就係為了要食這個~  三個不同FATTY 程度 的吞拿~  腩肉（大吞拿魚腩）、腹肉（中吞拿魚腩）及背肉赤身 一上枱看到那種亮麗的油光，就知我沒有來錯~ 原來不同肥度的吞拿，肉質有那麼大的差別 越肥美的，肉色越淡，相對肉質亦較淋 那個大吞拿魚腩真係有入口即溶的感覺 不過就係那個大筋令到肉散開了，刀功上有點兒扣分~  雖然吞拿有 7 種層次，但就食這3款，已經過足癮了 不得不提，這裏的WASABI 係即磨的那種， 有新鮮WASABI的清香  這個刺身我覺得係好超值 HKD 195  有6種刺身，每款2件，但件件都切得超厚的~  尤其那隻蝦，更是喜出望外~ SIZE 和虎蝦一樣大呀~  壽司的質素每款都很高，絕對超值抵食~  熟食方便點了這個自家低糖燒玉子 (HKD32)  呢個玉子燒仲有凍同熱揀架 我揀左熱食，這個燒玉子燒得很香，蛋味超濃的~  低糖得黎仍食到玉子特有的甜甜味