是夜西班牙~ La Postre
話說，今次算係我第3次幫襯 La Pastre
啦
之前去過一次上環，一次銅鑼灣
但我都係鐘意上環多D
其實以裝修黎講，2 間風格都差唔多，都係以古舊歐美風為主
但我就好鐘意上環呢個落地玻璃窗的設計，感覺好開揚，就好似同街外連成一線
但又有自己獨特的寧靜感~
餐廳的其中一個特色，銀紙餐巾
上次係美金，今次係歐羅 XD ~!
前菜
西班牙沙律
HKD 118
其實LA PASTRE 係食西班牙餸的，所以今次要試一試呢個西班牙沙律
MENU 的西班牙沙律就以一粒粒的豆為主
實物就椰菜同洋蒽較多 (我未食過西班牙沙律，唔知邊個先正宗D)
最特別係呢個沙律係辣的，係沙律中加入了TABASCO
辣度亦唔係微個隻，加埋D生洋蒽，都真係幾辛辣和酸辣~
我呢D食慣辣的人當然無問題，但朋友就唔係好頂得順。
而且酸度亦較高，淺嘗幾開胃，食多左會太酸~
西班牙，當然要食海鮮炒飯
HKD 268
2人份量
呢個絕對唔止2人份量囉，我覺得4人都夠。
海鮮黎講，都以傳統大路的青口，大蝦同蜆為主~
不過全部都係鋪係面，無混入到飯中~
蝦係超大隻，而且好爽口~
飯就好多汁，似意大利飯咁，混入左茄汁
不過唔會好糊口，食落仲食到粒粒飯既感覺。
不過飯入面就無海鮮，感覺，似西炒飯多過海鮮炒飯
本黎係前菜的菇，因為要焗，所以遲來了~
烤香菇蠔肉
HKD 138
呢個同平時的烤菇有少少唔同，就係加入左蠔~
菇烤得比特別淋，可能要遷就煮蠔的時間吧~
蠔比想像中大隻很多，但較淋身~ 比較黏口
就係整個烤菇都以淋為主。
是日不適
叫了熱飲的水果花茶
甜中帶有茶味，但水果味不太強烈
滿滿的一壺很耐喝~
這裏的MOJITO 有很多味道
朋友點了荔枝味的
荔枝味很重，薄荷味沒有想像中的濃
感覺像荔枝SODA ~
豐富的晚餐當然要加上甜品~
朱古力布朗尼窩夫
HKD 78/ 半份
尼個，係半份的份量~
但已經好豐富了~
圖圖的，是一個雪到變冰的雪糕球
沒有了雪球的幼滑，但帶來了陣陣的超冰凍口感~
BROWNIES 是小小的一粒粒，沒有平時一整塊的膩~
還有棉花糖/OREO 及吉士 ，一大堆的，很豐富~
窩夫做得外脆內軟，很有水準
加上這個濃度極高的朱古力醬，非常的可口~
就為是夜的晚餐劃上了完美的句號~
La Postre
上環永樂街50號昌盛大廈3樓
如要聯絡本人，請電郵至： smonkichi@hotmail.com
Fanpge : www.facebook.com/smonkich
Instagram : https://instagram.com/smonkichi/
留言
張貼留言