紅鶴終於飛到九龍了~ Flamingo Bloom


今個夏天,這隻紅鶴真的紅到不得了,朋友間都說了幾次要去試試~

約了幾次都未成行, 畢竟九龍人過海, 都是需時的 ~
但紅鶴終於飛到九龍了, 而且,還在我上班的地點 
尖沙咀 



Grand opening 的那天, 已急不及待去試了 
遠遠的已看到這隻超巨大粉紅鳥靜候客人

入面仲有一隻裝左好多mini 紅鶴的大鳥,好想全部攞哂回家呀~HAHA~ 


餐廳一面牆以熱帶雨林為題,綠綠的樹葉配襯著粉紅的大鳥,很有熱帶風情~ 


呢度既座位其實唔算多,廿來個,星期六,日,大家可能要TAKE AWAY 了~

到處都佈滿了紅鶴的蹤影
咁多隻放哂係度,都幾震撼架~


那些一罐罐的, 就是來自不同地方的茶葉


店主本身愛茶, 很希望將茶的文化推廣俾新一代, 所以就誕生了 Flamingo Bloom 
店內的飲品選擇真的唔少, 除左有茶的選擇外。還有加入水果為題的飲品。



呢d水果茶, 不單色彩繽紛, 而且賣相仲好靚添~


今日我就揀左呢款 
奶蓋胎菊普洱 (凍)
HKD 36


等到啦,等到啦,終於見到我隻紅鶴啦~
咁可愛,真係好難唔相機先飲

非常喜歡呢個蓋既設計,飲個時可以將個塞放係另一邊
飲完一啖又可以塞番住,買大杯D慢慢飲都得~ 


一打就係滿滿的奶蓋
奶蓋非常出色,極度CREAMY,入口超綿滑~ 


今次飲既普洱來自雲南的西雙版納
普洱是全發醇的茶葉,所以要用高溫98度的水黎沖泡,先可以焗出茶味~ 
胎菊就係BB菊花,即係 "花冧", 比菊花更珍貴。除左可以清肝明日,仲有抗氧化的作用架~


茶色好透徹,入口菊花味更突出
就好似飲緊菊花茶咁~ 
味道甜得黎好清,唔係一味既死甜糖水

冰塊都唔少,下次要記得小冰先~ 

呢間鋪比起舊鋪多左一樣野,就係小食

小食又以雞蛋仔最受香港人歡迎~


加埋雪糕的雞蛋仔更為女生瘋狂~ 

雪糕有多種味道可揀,我當然揀最愛的綠茶~ 


雪糕係有冰冰的那種,超級凍入心
綠茶雪糕味奶味偏重~再加上OREO 粉,絕對無得輸~

就咁睇以為個雞蛋仔係硬的
原來係軟軟的鬆軟質感,就好似PANCAKE咁~
好啱用黎配雪糕同食


又要讚下佢個包裝,一路行一路食都無漏,唔會食得好LEA HEA~
好啱 LUNCH 買個TAKE AWAY 一路食一路行返公司呀~


Flamingo Bloom
尖沙咀金馬倫道18號萬勤商業大廈地舖


如要聯絡本人,請電郵至: smonkichi@hotmail.com






SKIN CARE

Make Up

Food

親子