充氣彈床嘉年華 , 跳唔停，笑唔停~ 小欖燒烤樂園
最近天氣涼涼，又係BBQ的好TIMING,
相約了幼稚園的同學來一次聚舊
上次大家黎過小欖呢度玩水，玩到樂而忘返
水上樂園回顧 <請按我>
今次我地再ENCORE
小欖燒烤樂園
早上十一點度黎到，個場已經滿左一半啦~
大家都一早入黎霸番個靚位BBQ~
今日我地黎，又點會淨係燒烤咁簡單
當然都係因為呢個
充氣彈床嘉年華
佢就係BBQ場旁邊，小朋友一邊燒，一邊問，幾時可以去玩呀~XD
快速燒完第一ROUND , 填飽個肚
成班小朋友已經飛咁衝去啦~
彈床收費如下：
全日票: $220
3張 20 分鐘券: $140
20 分鐘彈床券:$60
一入去，成班就好似甩繩馬騮咁，叫都叫唔住啦~XD
超級大的充氣氣墊，用黎跑，跳，跌都無問題呀～
另一邊有個以海洋為題的充氣彈床
適合年紀較小的小朋友玩~
不過阿囡同朋友仔依然玩到依嘩鬼叫~ 好開心~
呢個海盜造型的吹氣彈床，又真係幾型喎
而且斜度都唔野少
阿囡第一次玩，話有D驚驚，不過玩玩下，已經唔記得驚
後尾仲變成大排長龍，最受歡迎的吹氣彈床添~
呢個好似迷宮咁既吹氣彈床，連我都想入去捐下呀~
呢個超巨大的西部牛仔，真係全場焦點呀~
有幾大？ 對比下咪知囉~
原來佢唔止大，仲好好玩架~
除左有條長長滑梯，仲有得左穿右插~
呢個好可愛的昆蟲彈床，用黎影相一流呀~
影張相啫~
使唔使搞咁耐~@#@ HAHA~
最尾呢個稻草人彈床都好靚同好刺激架~
雖然好好玩，但好開心小朋友都好有規舉，一個跟一個排排隊
現場仲有唔少工作人員係度維持秩序，所以大家都玩得好安全，家長都好安心~
溫馨提示
1. 進入充氣彈床範圍內要除鞋同著襪
就算陪同既大人都要架~
2. 彈床只提供予小朋友，家長請勿跳埋一份啦~
我地買左一個鐘既套票
小朋友未跳到氣咳，我地家長都企到攰~ HAHA
跳完即刻返去再補充下體力先~
呢個時候，伴住斜斜的夕陽，對住一面無際的海，吹住涼涼的海風燒雞翼
真係好有FEEL 呀~
要提下小欖新推重8款口味雞翼任你食!!
有土匪、南乳、麻辣、韓式、燶邊叉燒、香草、黑椒同埋甜酸味道
款款都好好味，夠入味又唔會太咸，雞翼控既我真係食唔停~
唔怪得成場都塞滿人啦~
食飽飽，叉滿電，我地又去玩啦~
今次玩係呢個小型賽單車!
係咪好型呢~
呢D好似賽車咁型既車，其實係單車黎架~
車有分大車同細車，仲有細細車，小小朋友都玩到~
呢度個場唔算超級大，但都夠小朋友玩
有直路，有幾個彎~
價錢都係30蚊，玩10分鐘
都算抵玩~
見到我尾燈當你贏啦~
除左彈床同賽車外，呢度仲有唔少小遊戲適合唔同年紀的小朋友玩架~
今日真係好盡慶，由天光玩到天黑~!
小朋友同大人都樂而忘返~
我地約定下次又再來啦~
小欖燒烤樂園:
電話: 2459 9928
Facebook : https://www.facebook.com/bbqbythebeach/
地址: 屯門青山公路小欖段 DD384,LOT253 (鄰近水警宿舍)
任食BBQ收費 (星期六/日)
成人 : HKD 140
小童 100-125CM : HKD 110
如要聯絡本人，請電郵至： smonkichi@hotmail.com
留言
張貼留言