料靚湯甜~謙記火鍋 Him Kee Hot Pot

閏蜜的生日飯,由12月約到2月
真係有夠忙的 
終於約到啦,天寒地凍,最啱就打住邊爐黎傾計啦~
揀左介乎銅鑼灣同灣仔交界的謙記打邊爐


謙記其實開左好耐,由2003年第一間鋪到依家發展到有3層
今日去左2樓,裝修較新淨,環境感覺幾高級

九宮格的醬料好靚,任加任添~ 
特別的有白醋,待應話,連陳醋都有,可以問佢攞
麻油超香~

呢度主打靚料,所以全部散叫
食物方面由貴價海鮮到平價丸都有


呢度既湯底都係其中一個賣點
有好多特別的湯底,水魚窩/坑腩窩/鯊魚翅骨窩等等
而我地就揀左椰子雞鍋


呢個椰子雞鍋不得了
首先,有成半隻雞,而且仲有步驟架
等水滾,落雞,滾到雞剛熟,即起,食落超嫩滑
飲左個頭啖湯先,湯頭超級鮮甜
之後,就可以加入椰青水落鍋一齊滾黎做邊爐湯底


呢個湯底,望落雖然好清,但味道好夠
用黎打邊爐,夠味唔使沾醬油,仲食到食材的原味
我整左碗醬料都無用武之地添~@@


待應推介我地呢2個前菜
見佢咁有誠意,即管試試

鮮蝦刺身,蝦肉勁有膠質
個醬辣得黎又好清新,食到濃濃的香草味,比好多泰式生蝦醬還要好


蝦餅都超爽超彈牙,中間仲食到一舊舊蝦肉架
食得出係鮮蝦膠打,而且唔會成舊粉頭
如果上碟時厚切番少少,彈牙感應該更強烈

估唔到係中菜廳會食到咁有水準的泰式菜喎~

至於料方便,新奇又新鮮



四寶丸全部手打,爽彈到不得了,每一口咬落去都很有勁



那個蝦丸內,真係有成隻蝦,佩服佩服~ 

至於我至愛的餃子,餡入面多菜少肉,好啱我
而且有款西洋菜餸,用上了澄麵皮,透出內裏鮮翠嫩綠
口感煙煙韌韌~


女生們,當然要補充下膠質啦~

呢幾塊魚唇翅,超級大塊之餘,只係46蚊,勁抵食
咁既價錢,敷塊MASK 都無咁多膠質啦~



呢度仲有好多健康之選,有鮮淮山,秋葵,冰豆腐等等
又低卡,食多D都無有怕~




黎呢度打邊爐,一定要試呢2款

水晶叉燒飽
奶黃水晶飽


煮熟後的外皮會變成透明,煙煙韌韌
比起咸的叉燒飽,我更加鐘意奶黃飽
外皮好滑,奶黃唔太甜, 有D爆出黎的流沙感
估唔到係一片咸食同湯底下加入個奶黃飽竟然都夾

食飽飽後,竟然送上甜品~
雪山叉燒飽,椰絲奶黃卷
我自己就比較鐘意椰絲奶黃卷,椰絲好香,奶黃唔太甜
而且糯米好夠軟熟


平時打邊爐都係飲可樂或者茶多,待應推介呢個青檸薑梳打
少甜但青檸味好出,好清新
就連少飲凍飲的姊妹們是夜都不停添飲
3個人,飲左2JAR~HAHA~ 推介呀~


呢度既價錢中等,唔係話超級平
但食材好靚,夠新鮮,待應們好好招呼,上菜收碟都好快手
見我地有一粒淮山係碟都唔敢收,唔會亂收人野~
姊妹們非常滿意,可能下次聚會,又係呢度了~HAHA

謙記火鍋 
Him Kee Hot Pot
銅鑼灣謝斐道408-412號華斐商業大廈1至3字樓


如要聯絡本人,請電郵至: smonkichi@hotmail.com




SKIN CARE

Make Up

Food

親子