小小店員大任務 ~ 九號水產工作體驗~
佛誕嘛，本來是公眾假期放一天假
但我同女女一早就黎到左黃埔既九號水產~
因為今日女女會黎九號水產的超級市場返工呀~
我地參加左 <<果子．夢 (結伴同遊) >> -- 小小店員大任務
黎超級市場體驗下做店員
返工前，導師姐姐同大家講解下今日黎做D咩先~
聽完工作範圍，小朋友要冷靜咁合埋雙眼
諗下自己係咪真係想返工架
因為應承左人就要做架啦~
呢個環節對小朋友真係幾好
承諾並唔係口輕輕，要經過深思架~
而答應左就要做架~
好多人見左工，到返工個日又NO SHOW, 好無責任感
責任感，真係要自小培養
今日個個小朋友都好勇敢，無人逃走~XD
換過衫，就可以正式返工~
開工前經理 (導師姐姐) 會帶大家先行一次超市，俾大家熟習下環境先
睇完仲要答問題架，睇下大家有冇留心上堂
見小朋友個個都咁踴躍舉手，證明個個都好留心聽書啦~
日式店鋪，最重要係禮貌啦
大家第一件事就要學下係門口歡迎客人
仲要送D優惠劵俾客人用。(要講解點樣用架)
有個小朋友仲要同客人講國語呀~佢都好叻仔可以順利完成~XD
超級市場，當然要幫手SELL 下野啦~
同客人介紹產品
仲要叫人試食架~
小朋友都好叻呀，見到咁吸引既餅餅都無偷食~XD
面對住咁多客人，可以訓練下小朋友面對陌生人都唔使慌失失嘛~
平時我地見日本產品都有中文胋紙架，無錯啦
小店員仲要幫手貼貼紙
對於鐘意玩貼貼紙既小朋友，呢個工作實在好吸引
個個都好認真咁貼呢~
貼完咁點？咪要去上架囉
做超市，搬搬抬抬就一定架啦
阿女突然.............好英呀~XD
將D貨搬去上架~
小朋友分工合作，話哂快就搞掂啦~
見到成班小朋友你幫下我，我幫下你，將D貨物排得咁靚
媽媽我真係好感動呀~
咁勤力認真地工作，唔知有冇人工加呢~XD
成班小朋友又有新任務啦~
圍埋成堆搞咩呢？
原來係要同大家推銷波子汽水呀~
問我地買唔買，咁可愛，一定要買啦~XD
終於到阿女期待已久的環節
~收銀~
佢屋企有部收銀機，日嘟夜嘟 ，鞋又攞黎 嘟, 杯又攞黎嘟
今次有得玩真既嘟，特別開心呀~
睇下佢有姿勢有實際，真係嘟到架~XD
果然係平日有練習呀~HAHA
收左錢，唔好忘記要貼番張超市貼紙呀～
唔係人地當你未俾錢架～
終於完成左今日既工作啦~
導師姐姐問番小朋友既感受
攰唔攰？最鐘意做邊樣工作，邊樣工作最辛苦
小朋友們都估唔到平時行開既超級市場原來有咁多野做架~
當然，都要俾佢地明白父母出外工作唔係咁輕易架
小朋友都好鐘意呢份工作，睇下佢地講到幾興奮~XD
不過最興奮既時刻，當然就係出糧啦~
當日每個小朋友完成工作都有得出糧
而出糧有咩用？當然係可以去買自己心愛既野啦~
小朋友用自己的勞力賺番錢買番自己心愛既禮物
真係超級開心
睇下佢笑到見牙唔見眼個樣~
呢個活動俾小朋友明白
父母辛勤工作，屋企先會有錢
所以野都要付出先有收成
要懂得感恩，懂得珍惜，唔可以做大花筒呀~
同時，對於每個工作都都懂得尊重
因為大家都好努力去付出架~
再次感謝<<果子．夢 (結伴同遊)>>的邀請
令女女過左一個充實又有敎育的假期。
如果大家都想參加呢個"小小店員大任務"的活動
可以瀏覽 以下網址呀：
如要聯絡本人，請電郵至： smonkichi@hotmail.com
Fanpge : www.facebook.com/smonkichi
Instagram : https://instagram.com/smonkichi/
留言
張貼留言