親子DIY韓式小丸子飯,好玩又好食~

女女考哂試啦,要同佢去玩下食下
今日出左尖沙咀,見到呢間餐廳電視有介紹過,有得玩又得食

OPPA Coffee Bar Restaurant


呢間位於韓國街既小店,地方唔算好大~
我六點到,當時只有幾枱人,但有 D WALK IN 都無得入,因為已被人訂哂枱
七點過後,出面排哂長龍
原來呢間野咁受歡迎~HAHA 

餐廳佈置又唔算係好韓式,有少少簡約工業風咁~


一個小小的吧頭,放滿左好多韓式的飲品~


女女當然唔執輸叫左呢個韓國果肉果汁
HKD 25


有D似粒粒果汁,都係橙汁加橙肉。不過果肉就多好多

叫左呢個 JUMBO 拉麵


即係我平時最LIKE 既韓國公仔麵啦~
用個韓國鍋仔裝住,真係特別有FEEL (其實我想買呢個鍋仔好耐架啦~XD)


JUMBO 的麵就係辛辣麵既麵底啦~
佢話個湯底係韓國大廚每日煮3個小時的,幾濃稠,有少少辣
再加左唔少配料入去,有紫菜/蕃茄/芽菜/蒽
其實上都有幾豐富的口感
不過因為混左D泡菜落去,唔太飲到湯底原味了~XD


Jumbo 係因為有好多種唔同的餸
包括有泡菜/韓式魚蛋/芝士/年糕/太陽蛋


韓式年糕

拉絲芝士


成個麵直頭係辛辣麵的奢華版呀,味道很香濃,亦超級的飽肚~

再來呢個叫JUMBO 芝士蛋卷
HKD 158 

呢個蛋卷超級巨呀~ 比想像中大好多
除左好長之外,仲好高
D椰菜絲同個蛋卷高度係 1:1 呀~

併埋後面個麵鍋就知佢有幾大份啦~

蛋卷非常美味,層次整得好分明,有紫菜,仲有爆醬芝士架~


不過我就麻麻LIKE D椰菜混左D茄汁
可能我唔鐘意食茄汁掛~ 有冇得自己落架? 

 終於到戲肉啦~ 
<<整小丸子>>

本黎我地想整章魚小丸子,但待應姐姐話會有D辣
於是就改左呢個紫菜芝士雞肉飯小丸子~


首先將紫菜,芝士,雞肉飯混埋一齊啦~


將佢地放係個小丸子煎PAN度,再加入蛋漿


之後要將佢轉起一半,再落蛋醬,再轉~ 


咁就轉出左個小丸子啦~ 
呢個呢,係待應姐姐既示範黎~XD 


到我地啦~ 

心急既我地一黎就成底啦~XD 

咁重要既任務,就交俾阿女啦~ 
而佢都真係順利完成~


少少要注意係倒左蛋漿後要快D反
唔係熟左就唔似一個丸子架啦~ 


成品出黎啦,係咪都算唔錯~XD 


呢個飯入面有紫菜又有芝士,小朋友好鐘意
我女自己一個食左成個底~ @@
呢度有冇2碗飯~HAHA 


我地呢,因為落得太多蛋漿,所以蛋漿好快用哂
而另加蛋漿要加錢的
我見都飽飽地,唔想再加,但D飯仲有喎~
於是,我地就整左D波波飯
因為飯入面有芝士,溶左就可以將D飯粒痴埋一舊


俾D耐性煎到佢面有少少脆,都係一個幾好味既飯丸子架

呢度仲有好了GIMMICK 野,好似有火山蛋漿熔岩飯,枱枱都有叫
今次同女黎,唔食得辣,所以SKIP 左
下次有機會要再黎試試先~

溫馨提示:呢度既櫈背好大個窿,放唔到野
唔好帶咁大個袋去食飯會方便D~XD

呢度既餐牌無標明辣唔辣,同小朋友黎落單最好問清楚
呢度好多OPPA待應,有個女仔係香港人,易溝通D~

呢度有水供應,不過無主動俾,可以問佢攞~

OPPA Coffee Bar Restaurant
尖沙咀金巴利街1號F地鋪


如要聯絡本人,請電郵至: smonkichi@hotmail.com


Blog Link : The Ztyle *  Beauty Qooza * She.com *  U Beauty *  Beautylife

留言

這個網誌中的熱門文章

灰甲小知識 ~ Emtrix®安甲適®

帶女女徹底驗眼 ~ 理大護眼中心

輕輕鬆鬆踢走肚腩~ 【Kakki 活気-腹周燃燒 EX 錠】