夏日小涼伴 ~ Momax iFan 2

由芭蕉扇開始
大家夏天出街都會多左一樣野,就係手提風扇仔
經過數年黎既演變,手提風扇仔都出到各式其式,應有盡有
你諗到同諗唔到既都有~ 

而我今年就入手左呢部

Momax iFan 2 
便攜風扇連鏡


風扇仔隨街都有,咁呢部又有咩咁特別先?

電器野,最重要當然係安全啦~
呢部MOMAX的小風扇通過左電子RoHS測試, 有CE證書, 
比起坊間隨時叉到過熱既風扇仔有保障得多~



第二樣就係佢既MINI SIZE 啦
成個好似手掌心咁大  (我隻手係超細的唷) 
直徑只有 7.8cm, 同一個碎粉盒咁大咋~  


而且風扇同機身可以摺得埋, 變成一個盒咁,極之慳位,手袋細細都放得落啦~  


而我最鐘意呢部機既地方,就係佢個出風角度可以180度隨意郁~ 
可以座枱又可以掛頸用。 你想佢吹向邊都得


呢個功能有咩好? 咪就係掛頸時超好用啦~ 

隨機會送埋頸繩連扣一條~
(不過我唔太滿意條頸繩質量太單薄同無得調較長度,
可以的話改成織帶同加扣,會高檔次好多) 


將佢扣係機身上特設的位度就可以用黎掛係頸度~ 


咁你想佢吹向邊都可以自己調較啦~ 
呢個功能 比起個直出的掛頸風扇真係好好多~
呢款對應個位準好多,涼好多啦
(直出個D只係吹住下巴囉 XD ) 



夏天咁熱,隨時溶妝變熊貓眼,大家記得要不時CHECK住個妝,唔好嚇親人呀
i Fan 2 就好貼心咁將鏡加入左呢個小風扇的底部~


咁就可以隨時CHECK住個靚妝同補妝啦~
作為女生,真係不可一日無鏡架~ 


至於風力,i Fan 2  就設有3段式風速
基本上我都係開 1-2 度都已經夠~ 好少要用到3度~

而開關就仲簡單,只有一粒按鈕
由開, 加速,關都係按佢就得
公公婆婆都識用呀~ 


i Fan 2 用USB 叉電 (家下仲有人買用電芯既風扇嗎?)
隨機仲會跟埋條叉電線的
而每次充電有 2000mAh. 叉一次電,基本上我用成個星期都夠用~ 


呢款機除左有白色,黑色,仲有好GIRLISH 的粉紅色架
係咪好靚呢?


夏天熱到死,又要攞遮又要攞風扇
但我有左呢部i Fan 2 之後就完全無難度啦
睇下我行得幾瀟洒~XD  仲多隻手可以拖住阿女添~


部機仲有一年保養架~ 

想購買或睇多D詳情,可以到以下網站呀~

MOMAX

品牌名字「MOMAX」源自「Mobile」及「Max」二字,
喻意我們致力成為流動科技產品的先鋒品牌,
堅持不斷創新的精神,銳意設計極具魅力的產品,以追求無限大的遠景。


是次產品由品牌公司提供
如對產品有任何疑問,可直接聯絡品牌查詢
文章只屬個人意見,效果因人而異,只供參考

如要聯絡本人,請電郵至: smonkichi@hotmail.com

Blog Link : The Ztyle *  Beauty Qooza * She.com *  U Beauty *  Beautylife

留言

這個網誌中的熱門文章

灰甲小知識 ~ Emtrix®安甲適®

帶女女徹底驗眼 ~ 理大護眼中心

輕輕鬆鬆踢走肚腩~ 【Kakki 活気-腹周燃燒 EX 錠】