發表文章

目前顯示的是 9月, 2020的文章

食物有進步~ Urban Cafe

圖片
 之前同老公黎過,一直心思思都想帶阿女再黎~ 趁開學前就黎食個LUNCH 啦~ 門口放有自動鞋套,入面仲有個自動消毒液噴手機 入去前記得要先自動自覺穿上鞋套同消毒雙手呀~ 因為一早12點就黎,仲未好多人 不過半個小時後,呢度已經坐爆了~  如果要黎既朋友最好先預約啦~ 呢度係工廠大廈,本身空間都幾大 座位之間都有透明隔板架~ 呢度有個抵食2人餐,不過同我上次夜晚黎係一樣的 今次我想試試其他,就散叫~ 呢度採用電話QR code 自助下單都幾方便 落完單仲可以睇番自己叫左乜~連總數都幫你計埋 電話下單,因為未瞓醒既我 想叫金沙雞翼,叫錯左水牛城雞翼................... 雞翼size 好大隻,水牛城雞翼加入了Tabasco, 少少辣中帶酸,係惹味既 不過就要快手食,個汁會好快整淋個脆皮 對比起上次,今次既食物無疑係進步左 呢個煙挪威三文魚水煮蛋黃金卡邦尼扁意粉就做得唔錯 佢既汁濃度剛好,可以緊緊沾在麵上而又唔會太水 卡邦尼醬咸淡適中, 水煮蛋半成熟,MIXED 埋個汁味道好夾 意粉亦處理得好好,唔好偏軟較偏硬~ 美式熱香餅配精選是日雪糕 賣相很吸晴,碟同擺盤都好靚 熱香餅亦熱辣辣同好軟熟 雪糕雖然無得揀,但今日是我最愛的COOKIE & CREAM 呀,正~  食品的質素提高了,不過今次既飲品就有少少失望 上次的400次咖啡好香濃幼滑 但今次的400次薄荷朱古力就偏淡,唔夠香濃 另一款的鐵觀音拿鐵亦同樣味道偏淡,唔太飲到茶味 餐廳駐有唔少貓貓,全部都好乖,只在四周遊走,唔會亂撞亂叫 顧客都好有愛心,只會遠觀或好溫柔摸下佢地。 人同貓係度都好和諧共處

淨化,修復同防禦 一take 過~luminesce™ 賦活系列

圖片
敷面膜,係美容護理不可缺少的一環 不論是平常的護理,還是美容療程的後續護理,都必須加上面膜黎加強功效 尤其作為步入中年的我,肌膚細胞的接收力會因內在因素和外在環境的影響而下降,從而減慢皮膚對護膚品的吸收力,要KEEP住皮膚年輕有活力,更加要敷一D針對性抗衰老的面膜,為肌膚提供抗衰老及保濕修護的動力 luminesce™ 賦活超涵水肌淨面膜  luminesce™賦活肌因系列由世界著名的皮膚科權威Dr. Nathan Newman研發而成;加入獨有婕斯 APT-200™配方,配合專利技術,可以一次過幫皮膚淨化,修復同防禦 一盒五片,每塊面膜均以獨立包裝。 面膜紙是採用天然椰子生物纖維而製作的奈導膜,配合獨家超導水防護科技 導入天然乳木果以及七草金質珍貴植萃草木 七草金質珍貴植萃配方包含七種天然植物的萃取  (光果甘草根,積雪草,洋甘菊,茶葉,虎杖根,迷迭香葉,黃岑根)  幫助皮膚淨化,加強肌膚新陳代謝。 每片面膜都有一塊網狀固定膜及纖維布膜包裏住 使用前先將網狀固定膜撕走,並將凝膠光滑面敷在臉部。再將最外層的纖維布膜撕下。 溫馨提示:最外層纖維布膜能使面膜更易定位。請將面膜服貼於臉部後再撕除 面膜是薄薄的半透明狀,100% 貼面,面膜內的水份及養份都可以完全被皮膚吸收 面膜不單止非常貼面唔會滑落,仲唔會水滴滴,敷住黎做家務,睇電視,做乜都無問題。 面膜加入獨有婕斯 APT-200™配方,可以幫助皮膚修復,促進細胞新生 敷完20分鐘後,皮膚感覺即得柔軟,而且可以去暗啞,敷完後皮膚會顯得有光澤,無咁顯倦 唔好講笑,除左毛孔細左之後,真係D紋都淺埋架~ 平時敷完面膜後我會清洗面部一次,但呢款面膜就唔需要 因為面膜敷完20-25分鐘後其實已經半乾,會在肌膚表層形成透明防護層,幫助肌膚抵抗環境的傷害,提升皮膚修護力抵抗環境傷害。敷完後搽上一層薄薄的面霜就可以去瞓 lu。 敷完後第朝起身皮膚依然KEEP 住咁柔軟呀 尤其呢排長戴口罩,用左幾塊面膜後,發現真係改善到口罩帶來的出油及敏感泛紅現象呀~ 最近天氣開始有秋涼既感覺,除左面部護理,身體護理都唔可以忽視呀 luminesce™ 賦活肌因美體霜  luminesce™賦活肌因系列連身體都照顧埋,推出左呢枝賦活肌因美體霜滋養及保濕肌膚,特別為粗糙與乾燥的部位提供溫和的滋潤。 年紀越大,皮膚的天然油份真係會減少 以前後生時真係可以乜

街坊價抵食越式專門店

圖片
 限聚令下朋友很久不見了。在這個生日週,無論如何都要見一見面 選址在比較偏僻的太子一角,避開擠湧的人群。 說是偏,其實就是太子地鐵站D出口步行3分鐘, 也很方便。 當然,還有我喜愛的越式...... 這個是位於舊區的餐廳,比起街坊茶記感覺又高了一級 起碼乾淨整潔,令人坐得舒服 店主還刻意的加入了不少設計元素,令整體感覺更提升 雖然花了不少心思設計,但價錢卻很街坊平民 小食都係由2X蚊起,38蚊有5隻雞翼 越式特飲都係19蚊杯。而且仲有午餐和下午茶時段優惠,經濟實惠 東南亞食品,醬汁是靈魂 這裏除了傳統甜酸汁外,還有不少特色醬 有越南河粉必食的是拉差醬。這個比起平時膠樽裝的略有不同,店主加入了蒜片,更清香 (我成日傻傻地去泰國鋪好順口叫人攞是拉差醬~其實係食越南野先有囉~XD) 而另外2款深啡色的,是越式海鮮醬和河內沙爹XO醬 我較愛後者的XO醬,不太辣,和中式XO醬很相似。用黎伴小食或河粉都好OK~ 最先上場的,竟然係這個生熟牛肉河 HKD 48  2個女仔,還好只叫了一碗﹕份量實在大得有兒點驚人 不但碗大,內裏的河粉也超級多呢~ 湯底是很清澈的牛骨湯,望落已很喜愛,入口味香濃而不咸 特別一提這裏的熟牛肉是牛腩那種,雖然大大舊,但非常淋,絕對唔會韌~ 越式鳳爪青木瓜沙律 HKD 48 呢個沙律又真係不得了,份量超大的 上面那些大堆頭的配料非常越式地道 鳳爪是無骨的,方便食~  這個沙律以青檸調味,味道屬清淡式,但可以按自己口味另加越式的酸辣汁 這個份量 3-4人都夠~  越式炸蝦春卷 HKD 28  長長幼幼的春卷,雖然外皮色澤比較淡,不過入口很香脆。入面是滿滿的蝦膠,很足料 意大利黑醋汁蒜蓉牛油雞翼 HKD 38  初初看 MENU 時見到38 蚊 5隻,一度懷疑自己睇錯, 有5隻咁多呀~ 送到上黎,嘩,竟然仲係5隻完整雞中翼 ,唔係單骨的 雞翼是即炸的,新鮮熱辣,外皮香脆,雖然係牛油雞翼,但唔會好油,值得一讚 唯一係雞肉唔夠嫩滑,扣左少少分 手作扎肉米紙卷 HKD 32  米紙卷是越南名菜,點可以唔點 呢度既米紙卷又係超抵食  米紙卷是粗粗的一卷,入面有檬粉、青木瓜絲,扎肉片同生菜。  食既時候可以沾上酸辣汁同食, 我想講食一舊都非常飽肚。 呢個米紙卷既米紙厚左D,唔夠軟,如果薄番D 就更好。 呢度既特色飲品真係好抵飲呀。只係19蚊,我叫左咸檸七,D氣好漲,要快