Sally Ngai's Private Heart

護膚保養品，台灣都係一個好好選擇 唔單止價錢抵用，而且選擇都好多。以前去台灣，都會買好多返黎架~ 今次就等我介一套抵用又好用的台灣產品 Angel Cat 天使貓 包裝超靚超吸晴呀，啡黑色底配以大理石紋，好高貴呀, 一D都唔似平時台灣的包裝 成SET放係洗手間，連洗手間都即時UPGRADE 埋~  滋潤柔滑香茅精華沐浴露 300 ml 我老公好鐘意用呢款香茅精華沐浴露, 香茅味非常清新同FRESH。 感覺清爽，好適合夏天的悶熱天氣使用。 香茅精華沐浴露有助於補充肌膚水份，唔知佢既香茅味係可以驅蚊添呢~XD 滋潤柔滑玫瑰精華沐浴露  300 ml 加入了玫瑰萃取，可以鎮靜皮膚, 令肌膚更柔滑，更健康亮澤 當中的蘆薈，屬抗敏成份之一，可有效舒緩肌膚的不適，降低沐浴過程中，因皮膚障壁功能不佳而可能引起的傷害。更有抑制細菌生長、防止發炎、增加傷口癒合速度及修補肌膚組織等功效架~ 沐浴露帶有淡淡的玫瑰清香，沖完涼仲有陣淡淡的香氣，老公都話香呀~XD 2款沐浴露過水超易，一沖就乾淨。一D都唔痴立立架~ 護膚黎講，我最緊要就係潔面 好既潔面程序可以令到護膚的效益增加唔少 但好多人以為成日去角質，磨砂就一定係好乾淨 但其實過份的清潔反而會令皮膚角質層變薄，令皮膚鎖唔到水，變得更乾更敏感。 平日洗面，只要用上溫和的潔面乳就可以了 溫和綠茶潔面乳 溫和綠茶潔面乳,  佢可以深層潔淨肌膚毛孔髒污，溫和保濕柔滑，清爽不緊繃。      少少份量已經足夠洗全面~    温和香茅潔面乳 獨特的香茅味令人好醒神，朝早用佢黎洗面，成個人都精神哂呀~ 含香茅精華，有助於補充水份肌膚更健康~ 2款潔面乳其實係透明GEL 狀，加水後變白，只有好好好輕微的泡泡  好多人的壞習慣，就係將洗髮乳，沐浴液呀，洗面乳呀直接放上面或身。其實咁係錯架 我地要將呢D清潔液加水稀釋或搓成泡泡後才可以放上身體或面部 避免局部地方的清潔液太濃難以清洗外，搓成泡泡的清潔液才能發揮最好的功效架~ 用潔面乳係面部打圈後清潔，之後就可以沖走同抺乾 Angel Cat 的2款潔面乳都非常易清洗，用水過幾下就洗乾淨 避免了過多的摩擦，對面部皮膚都係一種保護黎。 唔講唔知，原來2款潔面乳都可以用黎卸妝架 將眼影，LIP GLOSS, 眼線筆，唇膏一次過做測試 初初將潔面乳放落化妝品度其實未混合，因為D化妝品既防水功能好勁架 只要加水後再輕

放假在家無事做，當然係網上Shopping 啦 最近發現左個網站 「 Muahlala 扮靚好物 」 www.muahlalabeauty.com ，有好多平時香港少見既外國品牌賣。 由HAIR CARE, BODY CARE, SKIN CARE, 甚至防曬同暗瘡產品都有。 網主係一個鐘意試不同產品既人 ，而且更係一個標準貓奴，本著愛護動物．零殘忍的宗旨，佢挑選的產品一定無動物測試，好有愛呀~ 係網站入面，店主仲自拍短片親自示範產品，大家安坐家中，都可以更準確地挑選適合自己膚質，解決皮膚需要的產品。 碌完佢網頁既介紹，就俾呢個澳洲品牌吸引左 Mukti  澳洲品牌就係其中一個。Mukti 除左選用有機的天然材料外，仲加入了醫學級的多種複方肽(peptide)、維他命、及澳洲原生植物萃取，令護膚品可以發揮最強護膚功效。 產品全澳洲製造，而且獲得ACO COSMOS有機認證。 對於中女既我，拿拿臨入手呢2款抗皺抗衰老產品試試啦~  MUKTI 維他命C精華 Vital C Elixir  MUKTI 逆齡抗皺日間修護精華 MUKTI Vital C Elixir 維他命C精華 (30ml) 其實我地既身體係唔識製造維他命C的。但維他命C 又係骨膠原的原料 所以想幫助皮膚緊緻Q彈，就要為皮膚補充維他命C啦~ Mukti Vital C Elixir 精華就含有超過10％的穩定維他命C。 記住，係要穩定，因為維他命C 容易氧化, 所以保存都係一門技術 Mukti的維他命C來自維他命最高生物植物來源— 卡卡度果，加上5% Magnesium Ascorbyl Phosphate (MAP)，成為強效膠原蛋白刺激劑 佢既功效超多呀~ 除左可以減少細紋，均勻提亮膚色，提高緊緻度, 仲可以提供深層抗氧化保護 除左維他命C，精華仲加入左澳洲原生植物 Finger Lime Caviar手指青檸和沙漠檸檬的活性提取物，可以溫和地重塑皮膚質地， 另外CoEnzyme Q10和維他命E提供抗氧化保護，免受自由基的侵害。 蘊含Knotgrass提取物，專門針對紅外線引致的衰老。 整體而言，呢枝精華對於年輕女生有抗氧，抗衰老既功效 對於中年熟女，有延緩衰老，膠原蛋白刺激，重塑膚質，以及提高肌膚緊緻度~ 精華的質感界乎係水同cream 狀之間。顏色橙橙黃黃的~  推開後會發現其實精華是很

星期六的下午到官塘碼頭走走，實在寧靜得很 在連接碼頭的宏利金融中心1樓內只有這間CAFE 還在營業~ 在悶熱的天氣走進來，看到一眼的海洋藍，實在非常舒服 Aspirations 因為疫情關係，小店只係做外賣~ 還有每天的特別推介 ~  除了單點外，還有DRINK + CAKE 的套餐, 由55-58不等  計算一下，套餐實在抵好多呢~ Salt Caramel Latte   聽個名已經覺得好得意，Salt  加 Caramel 的感覺會係點呢？ 即場同女試左啖~  奶泡是超綿的呀~ 入口有少少鹽咸味，不過只係好輕微。因為Latte, 奶味偏重~ 但2者混在一起飲又出奇的合襯呀~ 這個外賣杯，更係小店的特別設計 將小店的店鋪顏色，店名，花花和海獅LOGO全融合在一起，而且更係超隔熱的設計 一直拎住都唔覺熱呀，好貼心~  拎住去碼頭打個咭，係咪好有FEEL呀~XD  阿女就左另一款特飲  Jasmine pineapple Ice Tea  呢款特飲好Fresh 呀，佢帶少少甜，有菠蘿味，亦有淡淡的茶味 比平時的樽裝飲品多左一份清甜 阿女最開心個底竟然有椰果呀~不過因為外賣，食個時就麻煩, 要開蓋倒入口~ 除左飲品，我地既套餐仲有2個CAKE 呀~ 個外賣袋真係超級靚，唔單止可以睇到入面有咩，個封口都整得特別細緻 呢個MILK TEA CAKE, 望落以為好多CREAM, 好鬼甜 但原來錯哂，CREAM 只有少少面個D，入面係成個蛋糕黎 質感超軟熟，又有香草的香氣，同平時食開既雞蛋糕好唔同架~  而MUFFIN 都好有驚喜，好鬆軟的質地 入面仲有滿滿的藍莓CREAM, 好彩藍莓又唔會太甜，配合MUFFIN一齊食，好滋味呢~ Aspirations 觀塘偉業街223-231號宏利金融中心1樓10號舖 文章只屬個人意見，效果因人而異，只供參考 如要聯絡本人，請電郵至：  smonkichi@hotmail.com   Fanpge :  www.facebook.com/smonkichi   Instagram :  https://instagram.com/smonkichi/ Click below for my sharing platform : *  Blogspot  *  She.com  *  U Beauty  *  Beauty Exchange

以往老公放假，都係要帶住隻女 難得今晚可以同佢2人世界，當然要食番D成年人既野~ 唔好諗多左，其實只係想食下辣野者~XD 米走雞，之前係長沙灣食過２次，每次朋友都好滿意 所以今日就特登帶老公黎銅鑼灣的分店試下 位於渣甸中心3樓全層，一開LIFT 門就到~  原來呢間叫米走雞 DELUXE，裝修又真係DELUXE D。 走懷舊高格調路線，仲有唔少卡位，今晚同老公係度撐枱腳，感覺好似返去拍拖的年代 (可惜個死佬遲左半個鐘~ >< " )  又好彩係平日，無限時，唔使阻住人者~ 雞煲黎講，我就左火焰麻辣雞煲 細  (1隻辣椒) 難得銅鑼灣呢D地區，雞煲依然無加價，感動~ 姐姐乾炒左個雞煲後，就加火啦，好有視覺效果~  真心，呢個雞煲係超級抵食 百幾蚊，成個煲咁多雞，仲要舊舊都啖啖肉  其實我次次都食唔哂D雞................ 雞肉用上左雞脾肉，唔單止啖啖肉，D肉質仲好嫩滑 見唔見到雞肉上痴左唔少 D香料架，證明個煲真係落左好多材料~  麻得黎又夠香，辣得黎又有味~  枱面的餐紙有教點樣食雞煲啦~  通常我食到咁上下，就會撈起D雞件，叫人落湯  湯有得揀麻辣湯底或清湯 但本身個雞煲都好夠，所以我揀清湯已經好夠味  經過之前的經驗，今次我都唔敢叫太多打邊爐料 好彩呢度既邊粒爐料有得揀半份，啱哂人少少既我地 手切新鮮牛頸脊 雪花分佈均勻，非常嫩滑，根位又爽~ 每次黎米走雞，我都會叫一碟架~ 自家制炸響鈴又係必食 呢度只係半份，有3舊超大的 最鐘意呢度既響鈴食到腐皮的質感，又唔油膩，輕輕放落湯一濕即食, 吸哂湯底的精華 好大的一舊，食一舊都飽左~  菜亦有半份叫，我覺得油麥菜同個雞煲係非常夾 可以吸收到湯底的滋味，但又唔會太過吸水~ 當然仲贊下呢度既菜好新鮮~ 仲唔會有爛有黃  溫馨提示，呢度既醬料要每位收 $16 蚊的，雖然醬料無乜大驚喜，不過都乾淨整齊 每次都黎食火焰雞煲，一直未有機會試佢既芝士雞煲 阿女話下次要帶佢去試喎~  米走雞Deluxe 銅鑼灣渣甸街50號渣甸中心3樓 文章只屬個人意見，效果因人而異，只供參考 如要聯絡本人，請電郵至：  smonkichi@hotmail.com   Fanpge :  www.facebook.com/smonkichi   Instagram :  https://instagram.com/