少油少鹽的泰菜~Orange Elephant Thai Restaurant
今日又去左九龍城食泰菜 見到呢面門，都知係新派個隻~ 大家都俾呢個招牌吸引~ 當然，入面燈火通明，地方 干淨整潔都好及吸引~ 牆上面都有D好現代化的泰式裝式~ 比舊泰鋪個D黑媽媽又掛哂面譜既裝修更吸引~ 除左卡位，仲有好多大圓枱，高朋滿座都無問題啦~ 店員好細地換上兒童餐具，仲有好有特色的BB椅坐添~ 至於食物方面，選擇真係好多，樣樣都想食~~ 先黎個凍冰冰既芒果沙冰~ 沙水夠滑，芒果好香甜，感覺加入左新鮮芒果一齊打咁~ 有好香甜的芒果鮮味~ 椰皇係超冰凍清甜的~ 仲可以有椰子肉食添~ 今次的椰皇有D D老左，D肉硬左DD，不過反而無左椰皇個隻嫩青味~ 呢個就係一蚊雞的香茅豬扒啦~ 雖然只係一蚊，但絕對無欺場，仲有2塊咁多~ 豬扒好鬆化，加上香茅的味道，就算唔沾汁都已經好好味~ 雖然係全瘦，但一D都唔嚡~ 而且雖然係炸，但無食到成口油的感覺~ 點埋個泰式辣汁就更不得了，個辣汁辣得黎又越辣越想食。 (伴碟的青瓜蔬菜係醃過架，酸酸甜甜，用黎配炸物一流~) 呢個一蚊，真係超值~ 菠蘿海鮮炒飯 阿囡見到D肉鬆已經超開心~ 成個飯真係塞到實~份量勁多~ 入面真係有海鮮架，有2隻大蝦，魷魚，魚肉之類 當然仲有D菠蘿粒，粟米粒，青豆，同埋蛋~ 飯炒得唔太干同硬，啱小朋友同我食~~ 雖然望落去好重色，其實無咩味，一D都唔使擔心過咸~ 咖喱海鮮麵包盅 個麵包係超香脆~ 就算裝住D咖喱汁，外層都依然脆卜卜~ 用黎沾咖喱一齊食超正 (小店仲好細心附上較剪俾我地剪開個飽) 海鮮呢，基本上同之前海鮮炒飯差唔多，都係個D料~ 咖喱係溫和個隻，不過食得多後都感到有D辣意~ 可惜同個飯一樣，都係覺得有D淡淡地 咖喱淡淡地，海鮮又無味~ 好似師傳唔記得左落鹽咁~HAHA~ 呢間餐廳其實之前都有黎過，今次明顯比之前人多了~ 水準基本上都KEEP到 依家大家都鐘意少油少鹽，呢間餐廳就正正係當中的表表者~ 如果你鐘意溫和D，無咁重手既泰菜，可以試一試呢間~...