Sally Ngai's Private Heart

自疫情以黎，真係好耐無出席BEAUTY EVENT啦~ 今日好榮幸獲邀請出席全球知名醫學美容藥廠 MERZ 年度頒獎典禮以及記者會 其實認識自我更加可以帶出自信。今年MERS 的年度企劃 【confidence to be】鼓勵更多女生要尋找自我，從內在開始發掘自信美，配上適合嘅醫學療程，由內至外都可以Keep 住靚啦！ 今日就趁住呢個機會，近距離認識MERZ四大皇牌醫美產品 (RADIESSE®️ 膠原美肌針 / XEOMIN®️ 肉毒桿菌素 / ULTHERAPY®️ 微聚焦超聲波拉提療程 / BELOTERO®️ 透明質酸療程) 睇得咁專注，究竟有咩咁吸引我？ 我睇緊既就係  RADIESSE® 膠原美肌針 RADIESSE® 膠原美肌針是可被人體代謝分解的CaHA (微晶球) 皮下填充劑 有效激活皮膚自身膠原蛋白及彈力蛋白生長  改善膚質彈性 ，即時撫平皺紋，優化輪廓，令肌底組織從內至外持續地得到改善。 可以用豐滿額頭 ，緊緻拉提，改善法令紋 ，填補皮膚凹陷 甚至改善樹根手架~  (*V*) 對於中女既我，最煩惱當然係流失骨膠原，令到蘋果肌都消失之餘，D虎紋，法令紋出哂黎 成個人都好似漏左氣既氣球咁，望落無生氣之餘仲好顯老添~ T.T 而RADIESSE® 膠原美肌針就可以快速同精準地幫我地局部補充番流失的骨膠原 好似幫我地皮膚吹漲番，個樣即刻後生十年架~ 美國製造的 RADIESSE®在全球已售出超過 1,000 萬枝 亦是全球第 一獲美國 FDA 認可臉和手的皮下填充劑1,2 獲歐盟 CE 認証及香港衞生署表列，絕對係信心的保證 1.RADIESSE® [Instructions for Use]. Franksville, WI: Merz North America, Inc.; 2016. 2. RADIESSE® [Instructions for Use for the dorsum of the hand]. Franksville, WI: Merz North America, Inc.; 2019. 當日MERZ 仲準備左好多活動俾大家參與同打咭 大會更邀請了Supergirls 的 Heidi 同大家分享下扮靚同護膚心得 頒獎典禮更有不少出色醫學美容中心得獎~ 大家都好支持 MERZ的產品呀~~ 當日活動真...

旺角長期人滿，間間餐廳都限時限刻 想舒舒服服地食餐飯，傾下計，真係要諗D計  金雞廣場的CAFE 算係一個唔錯既選擇，因為知呢度有CAFE的人唔多呀~ 今日約左朋友交收食飯，揀左位於金雞廣場19樓，新開CAFE  EIGHT STATION CAFE  金雞大廈有幾部電梯上落，所以唔使等好耐就上到黎 一開電梯右手邊就見到CAFE門口，樸實蕪華~ Cafe 有多個dinner set 可以揀 價錢由 $90-$198  除左套餐，CAFE 當然唔少得小食，小食價錢豐儉由人，由$42到$188都有 日式和風沙律菜 $68 菜很新鮮爽脆，配搭胡麻醬，清新不俗 套餐的餐湯同多士好快就上枱 多士烤得幾香脆，是日粟米湯就有DD 行貨~  主菜未到，小食先上 吉列炸魚配脆炸薯角 $58  附炸物細心地跟上茄汁和沙律醬  剛炸起炸物非常香脆燙口的 吉列炸魚細細的一件，方便係CAFE 邊玩邊食，好有心思 魚柳外皮炸得非常香口，魚肉很滑溜~ 餐廳主打西班牙黑毛豬，當然要試試 黑毛豬全部都係無骨，有2款揀，可以揀比較肥或比較瘦，好講究呀~ 我揀左比較瘦個款 扒西班牙"DUROC" 無骨黑毛豬扒 $ 146  成塊扒SIZE 都唔細 ，而且無骨，都幾抵食 外表煎到金黃，入面的肉好粉嫩~ 入口鬆化軟腍，有肉味  隨黑毛豬上的，還有一個汁 不過我覺得唔沾汁既黑毛豬都依然好好味呀~ 海鮮燴意大利粉 $ 103  海鮮方面，除左大大隻既青口外，仲有好多切成粒粒的海鮮架 有魷魚，蝦，干貝..... 料幾豐富 意粉都煮得不錯，軟淋適中，不過略嫌白汁太稀同太多了    柑桔話梅蜜  一直都好鐘意飲加話梅既飲品, 甜甜地又咸咸地，好得意架~ 呢個柑桔話梅蜜帶有少少甜，少少酸，好開胃呀~   跟餐的熱飲，可以揀蜂蜜柚子茶~ 唔使加錢的~ 呢間CAFE 的食物不錯，而且新開，客人並不太多 和朋友3, 5 知己傾下計，坐成晚都幾舒服 不過CAFE的設計還停留在90年代的感覺, 有點點過時 其實以CAFE的食物質素，配上亮眼的裝潢，是很不錯的晚餐地方。 第八站咖啡廳 Eight Station Cafe 旺角洗衣街39-55號金雞廣場19樓15-17號舖 文章只屬個人...

水門雞飯好受歡迎，每次經過旺角，尖沙咀門口都見有人排隊 一入門口，鋅鐵餐桌加上泰文的雞檔，已經感受到濃濃的泰式大排檔風味 在這個不能旅遊的日子，來一趟水門雞飯，又真係可以解下泰國鄉愁 泰國的水門雞飯，出名在平啦 香港的水門雞飯 $54 一碟，雖然比泰國貴，不過係香港算係經濟 除左海南雞飯，鋪頭仲不斷推出新菜式，都係貼地價。 落單無耐已經上哂菜，速度一流~  我一直都有疑問，點解南雞飯係星馬泰都咁出名 佢唔係海南島出產架咩？  上網搵資料，海南雞飯真係源自海南，不過當時只係叫 「雞飯」,  後尾 移居南洋的海南人開始在在南洋賣，漸漸才有了「海南雞飯」的稱號 細心留意，星馬泰的 海南雞飯都各有特色架 正宗馬來西亞海南雞飯,  D飯係一個個波的，再加上薑蓉，黑醬油同辣椒醬 星加坡的海南雞飯係雞同飯分開放，亦伴有3種不同醬汁 而泰國的海南雞飯就方便，將雞同飯放埋一碟 最重要的當然要配番個雞骨冬瓜湯和秘製辣汁啦 雞肉已起骨，食落啖啖肉，好方便，而且仲幾嫩滑，雞皮皮薄少脂肪，好爽口 配埋個辣汁，送飯一流~ 唔覺唔覺就會食哂成碟飯 (OMG)   以54蚊的價錢，我覺得雞肉的份量都幾多~ 個人感覺，泰式海南雞飯的味飯比較清，無星加坡的雞油飯咁油膩 食落比較清新，無咁膩~ 除左主打的海南雞飯，當然要叫番幾個泰式食物 秋日限定 冬蔭雞湯粉 $54 (仲可以用優惠價加配其他食物)  冬蔭公湯底，望落兇狠，其實食落唔太辣 冬蔭公湯偏酸，辣味輕微，用黎做湯底係幾MATCH的~ 雞肉類似雞胸肉，無海南雞咁滑，但又唔係嚡既，其實都OK  $20 加配的串燒 (可選豬/雞) ，幾抵食 豬肉雖然燒得有少少乾，不過醃得幾入味 最鐘意個甜酸配菜，真係開胃又醒胃 木瓜沙律 $ 48  開胃清新又爽口的一道前菜 唔算好辣，微辣朋友都接受到  前菜黎講，呢個份量3-4人都足夠~ 每次必點的芒果冰，有好香的芒果味，而且D冰攪得好幼滑，推介~  水門雞飯 (豉油街) 旺角豉油街21C號地舖 文章只屬個人意見, 只供參考 如要聯絡本人，請電郵至：  smonkichi@hotmail.com   Fanpge :  www.facebook.com/smonkichi ...

呢間位於淘大的日日香鵝肉飯店 經過左幾次，今日終於都忍唔住入去試下 估唔到傳統食品，但入面的裝修咁CYBER~  價錢都幾親民，唔離地 叫左2個雙拼餐 ，食物都好快上齊 鵝肉拼餅腸 (可跟飯/ 瀨粉或米粉)  $75  雖然雙拼無得揀鵝片，不過鵝肉都好OK，厚肉，入味，唔韌 連D皮都唔覺肥，好爽口~  滷水味唔會好咸，可以食到食物的原味又可以食到滷水的咸香，不錯~ 鵝腸係肥腸黎，好爽口，入面真係有肥膏~鐘意食肥腸既人唔好錯過~ 雙拼除左自選的2款餸，仲會跟埋滷水蛋半隻，豬肉條，豆卜，咸酸菜同時菜 圓圓一塊係豬肉條，好似泰式扎肉咁~好特別 淨係呢堆配菜都好吸引同好送飯 (家下先知原來漏左咸酸菜俾我~ ><)  一個全鵝，另一個就叫左全豬 豬腩肉加豬耳雙拼 $75 豬腩肉薄切，肥瘦適中，中間舊豬軟耳簡直點晴~好脆口 豬耳十級正，入哂味，又軟又脆~ 值得再ENCORE 跟餐的米粉都好好食，份量超大，米粉爽口，仲有乾蒜香~比預期出色 枱頭的調味除左了醋外，還有滷水汁可以外加，用黎撈飯都不錯~ 跟餐其實包埋飲品，如果特飲就另加8蚊 紅豆冰，很懷舊呢~ 味道適中，唔會過甜，紅豆都煲得爛，不過紅豆香味就未夠濃，俾椰汁蓋過了風頭 咸檸七，自己調的呀~HAHA  店鋪坐位未算很大，反而見到好多街坊黎買外賣~ 外賣仲有7折優惠添~ 呢度既食物質素唔錯，價錢都OK  不過堂食的座位有很大陣醋的酸味，剛入去時未適應會有少少唔舒服 通風方面相信改善下，會吸引更多堂食呢~ 臨走時有一枱客人一入黎就叫叉雞飯，姐姐唯有同佢講，我地呢度無叉雞飯架 我笑左～HAHA 其實呢度係食百年承傳的滷水食物，唔係賣燒味，大家唔好搞錯呀~ 日日香鵝肉飯店 (淘大商場) 九龍灣牛頭角道77號淘大商場二期地下G254號舖 文章只屬個人意見, 只供參考 如要聯絡本人，請電郵至：  smonkichi@hotmail.com   Fanpge :  www.facebook.com/smonkichi   Instagram :  https://instagram.com/smonkichi/ Click below for my sharing platform : *  Blo...