Sally Ngai's Private Heart

紅磚場，曾經係少女時影沙龍的指定背景 個種歐洲貴族式的貴氣，係現代建築搵唔到的 而同樣是紅磚場的西港城，係香港法定古蹟，已經有百多年歷史 係西港城坐扶手電梯直上到2樓就會見到好靚的花花拱門 穿過拱門，就踏入左2樓全層的 CLUB ONE大舞臺婚宴場地 穿過拱門位置，就會見到迎賓的前台 一上到黎，就見到呢個咁有懷舊色彩的STAGE  呢個SETTING 就係俾人證婚用的 一對新人隨音樂步進，在浪漫的燈光和熣燦的水晶燈下，受到親友們的祝福 係何等開心又感動的時刻~ 呢個臺最特別的地方就係夠哂深 入面可以擺放鋼琴，仲可以放埋證婚枱/蛋糕等等 最好就係成大班親戚朋友企哂上台影相，排3/4排都無問題 唔使一字排開，遠到WIDE 鏡都影唔得哂嘛~ 至於成個場當然夠哂廣闊壯麗 全場最多可以擺41席 請哂全部街坊都無問題呀~ 樓高2層，無柱無阻，樓底超高，感覺極有氣派~ 無論坐邊一個位都會見到臺上的一對新人 而係另一角，有個中式佈置的龍鳳大禮堂 紅絲絨配上紅磚，真係好有以前拜天地的感覺 呢個場景，方便有長輩黎可以即時斟茶， 櫈都仲話搬到，背景真係一時三刻轉唔到架 有左呢個龍鳳大禮堂，隨時中西合壁，想影咩效果都得啦~ 2樓座位, 開席前可以做埋麻雀耍樂 可以一邊留意婚禮影相進行，一邊打住麻雀 唔會錯過左影大合照嘛~ 新娘房夠哂舒適方便，仲有獨立冷氣 唔使熱到溶妝，又唔怕凍到傻 大家或者會覺得新娘房都無人見，無咩所謂 其實錯哂 新娘成晚留得最多既地方就係新娘房 而且晚禮服通常都好大件，又要人幫手著 仲要人幫手戴首飾，除首飾 唔夠人手，搞到遲遲出唔到場就唔好啦~  所以新娘房係成個婚宴入面真係好緊要架~ CLUB ONE 既OPEN DAY 除左可以親身參觀場地外， 仲有好多婚禮資訊同即場優惠 就好似呢部即影即有相機 可以預設新人背景，加有大量道具，俾在場賓客影相留念 即時攞得走，唔使再等睇相啦~ 小禮物係依家結婚必備的 唔想再送蜜糖/朱古力，特別D，...

去大角咀探朋友食飯 開飯前行一行奧海城先~ 順便去睇下呢間大減價中的首飾店鋪 MALL RIVER  MALL RIVER  品牌的標語係  Love for Brilliance™ ,  一閃︱鍾情™ 入面既產品全部都好閃呀~ 店員介紹呢個創新產品．「星晴．躍動」系列 設計師利用獨家懸浮鑲嵌既技術，將閃石懸浮在吊嘴上 讓主石隨身晃動。好輕微的身體擺動，已能令方晶鋯石來回振動多次， 一動一閃、光芒四射。 就算個人靜止左，粒石都仲閃閃閃個不停，好得意架~ 店內的鑽石以奧地利製水晶石及方晶鋯石為主 再加以 925 純銀 或 其他金屬製造  所有飾物均電鍍上三層鉑金，更光滑、耐用、防止敏感及易於保存 今年 2017 雙春兼閏月，是結婚的大好年份。 MALL RIVER 為此亦推出多款婚嫁晚裝系列。 除了一向受歡迎的珍珠系列外，另外亦有由奧地利製成的方晶鋯石和高級水晶系列， 用作新娘拍攝婚照或大婚日子就最啱啦~ 之前我結婚時淨係諗首飾都諗左好耐 買CHEAP CHEAP 個D 假野，輕飄飄，又唔閃 去租個D，都成千幾二千蚊一條 講淨只係租咋，用完要還架~陣間唔小心整甩粒石仲要賠添，真係好肉赤~ @@ 呢度既婚嫁系列 價錢同出面租既差唔多咋 而且閃爍度勁高~ 最好當然係買啦，買左就係自己既~~HAHA  呢度既款式都係獨家設計，每款做幾條 唔怕同人撞款咁尷尬~ 我勁鐘意呢條頸鏈呀，好有時代感，一D 都唔娘 用黎襯 TUBE TOP 魚尾裙真係又型又高貴呀~ 家下結婚都流行簡約，低調 呢D簡約款就好啱啦~  款式簡單d，平時都可以用黎襯下衫添呀~ 婚嫁系列除左有防敏感處理仲設有鋯石保養服務架~ 除左婚嫁系列，呢度仲有好多日常款~ 有呢D金襯銀既款式~ 仲有粉色石系列，好靚好可愛呀~ 想成熟D既，用黎送俾媽咪長輩既，都有~ 仲有好多海洋之心呀! 而綠寶石系列，係街見到...

表妹要結婚啦~ 作為表姐既我真係好感動 話哂由佢BB開始睇到佢咁大 仲記得佢細細個出頭髮個3執毛好搞笑 同埋著住片行路磴下磴下既搞笑樣 話哂快，已經亭亭玉立嫁人啦~  T.T  星期日同左佢地一家大細去睇下結婚場地 表妹話唔想大搞，都係攞十幾圍度， 但又想BOOK哂個場, 唔想有其他閒雜人等出出入入 於是住九龍東既我地就去睇左呢間 CLUB ONE 德藝會 呢間係正九龍灣上蓋，穿過德福商場就到 地點超級方便，唔使D姨媽姑姐 e e 哦哦話遠啦～ 入黎到既感覺好舒服 窗明几淨，典雅大方~ 呢個門口位咁闊落，迎賓送客都好大體 影相出黎唔使迫迫夾~  一入大堂，即刻俾佢既色調吸引了~ 藍襯白的簡約配搭，係咪好有仙氣呢~  依家新一代人都唔興要大紅大金的結婚場地啦~ 呢D簡約富現代感的設計就更啱心水~  問番經理，原來呢度係新裝修 掛不得裝修咁IN 啦~ 唔似舊式個D結婚格局~ 牆上既掛畫都係一樣咁清新，不落俗套~  酒席包埋基本迎賓的基本佈置~ 雖然話簡單，但油畫架，枱布，枱花，水晶燈咩都齊哂 而且同入面既大堂既設計TONE 一樣 除左包門口佈置外，呢度本身既BACKDROP 都已經好靚 蛋糕，白色琴，布幔，全部都襯到一個點 酒店仲會送埋新人的名牌放係中間 我覺得呢度送既佈置已經好足夠，太多野，只會落得庸俗 唔使搵人重新設計同佈置，咁又慳番幾千蚊啦~  婚禮當日，新娘房都幾緊要 事關我結婚個時既新婚房細到不愖，連換衫都無位咁濟 而我就超級鐘意呢度既新娘房啦~  須知道，新娘既裙係無可能一個人著到 即係往往要搵埋伴娘一齊入去廁所換 而平時個D只夠一人企既廁所，真係迫到，人入左，裙都入唔到~  好多時，要趕哂D人出去新娘房關門換衫~  而呢度既廁所，真係無限大，三個入去都無問題呀~ (點解要3個人？)  第一個新娘啦 第二個，伴娘/姊妹幫手換衫 第三個，伴娘/姊妹...