魚湯的魔力~鯛魚魚湯專門店
天未黑，已經摸到鰂魚涌食晚飯了~
未夠六點，已經有人排緊隊等食~@@ OH MY GOD~
今日，就係特登黎食呢個
鯛魚魚湯專門店
鋪頭入面以日式設計為主
餐廳以鯛魚湯底馳名，有拉麵同湯飯~
鯛魚可以補充補充豐富蛋白質及礦物質~
一般人都啱食，尤適於食欲不振、消化不良、產後氣血虛弱者食用
而魚山頭部膠質含量豐富，含有大量脂肪，煨湯味道最佳~
餐牌的選擇很多，有小食，湯飯，拉麵，定食等等~
本黎想一嚐這個皇霸氣皇帝蟹腳海膽湯飯，但竟然六點就賣哂了，果然夠哂霸氣~
天未黑，叫左3款野都沽清~
真係食好野要趁早呀~
象拔貝魚湯烏冬
HKD 72
,主角係象拔貝黎，細細條，幾爽口，略帶有少少腥味
配菜都好多架，有黃菜絲，木耳絲，京蔥，油揚絲，海草
配合成個麵一齊食，有多重口感~仲好健康添~
魚湯呈奶白色，除左有魚的鮮味，仲有僻腥的胡椒味
不過好彩只有胡椒香而無胡椒的辣，阿囡都食到~
鱈魚魚腐
HKD 38
38蚊有5件，仲有很多沙律伴碟，很抵食
魚腐炸得不錯，即叫即炸，上枱還是熱辣辣地，很香口
入面則略嫌粉太多，有D實~
煎炸餃子
HKD 38
同樣即叫即煎，還有大量沙律，
雖然賣相就無咁靚，但餃子皮薄，但餡美味~
意外有驚喜~
花膠烏冬售罄，改叫了這個日本帶子魚湯烏冬
HKD 78
同樣有一大堆的配菜
帶子隻隻都好大粒，很嫩滑，唔痴牙
麵方面其實都有幾個選擇，有素麵，羽衣烏冬，稻庭手打烏冬
如果無特別講，就會幫你預設係稻庭手打烏冬架啦~
本黎呢個改左素麵，但黎到時都係烏冬~ @@
幸好，烏冬係爽口彈牙那隻，很有水準的
也不介意食多一碗
除左主菜外，都可以有好多野追加
阿囡揀左呢個墨魚丸 HKD 18蚊2粒
墨魚丸size 唔細，不過質感偏粉，唔夠彈牙~
跟餐的飲品半價
叫左呢個熱滴奶茶
16蚊, 半價，即係8蚊
估唔到係呢D日式餐廳，竟然奶茶咁出色~
有茶香，有茶味，真係茶記奶茶~ 驚喜驚喜~
餐廳以健康魚湯為主打，好適合現今追求健康的概念
價錢適中，仲無加一，而且選擇，配搭都好多
唔怪得周圍水靜河飛，只有佢門庭若市~
絕對稱得上係街坊飯堂
餐廳地方細細，但客人極多，所以大家都快快手，食完就走~
人流多，好多好野都一早賣哂，想食就最好早D黎啦~
落完單，待應會俾張單大家，最好對一對有冇錯單，漏單~
鯛魚魚湯專門店
Snapper
鰂魚涌海堤街6-16號龍景大廈地下3A舖
如要聯絡本人，請電郵至： smonkichi@hotmail.com
Fanpge : www.facebook.com/smonkich
Instagram : https://instagram.com/smonkichi/
留言
張貼留言