無油的氣墊粉底霜~ Dr. G 水份精華氣墊CC霜
最近很流行氣墊粉底
看大家的分享
心裏痕癢癢的
於是, 又會覺得只係搞綽頭的, 最終還不是一個粉底~
今天，氣墊粉底終於到我家了~
Dr. G
水份精華氣墊CC霜
Moist Ampie CC Cushion SPF 50+ PA+++
HKD 256/13g
今次，不單是氣墊，還是今期流行的CC 霜呢~
Dr. G 的出品一直都很合我
佢的補水產品實在有夠功效的
應用在CC霜裏, 相信會更相得益彰
這款CC 霜有50度的防曬, 絕對啱哂我呢D懶人
真係好難接受化妝之餘仲要搽多層防曬
幾十層野係塊面度咁,~ ><
當然, 有埋生產日期同到期日就更安心啦
唔怕買到囤左幾年既倉底貨嘛~
氣墊CC CREAM 以粉盒包裝
但點解明明有蓋, 仲要加多層紙？
原來佢係蓋住盒後既海棉
而拎開張紙, 係見到有水份架~
即係話個海棉 同 個CREAM 水份好重
張紙係用黎防止水份蒸發走~
所以點解要有生產日期，放得太耐, 我估D水份都揮發哂啦~
終於見到D CREAM 啦~ 但點解, 好似咁深既~@@
我明明揀左自然色架~
不過, 搽上面後就完全無擔過~
呢張相, 唔使睇都知邊張係前, 同後啦~
氣墊粉底就係利用按壓海棉, 將氣泡泵入CC CREAM 度, 令到佢既質地更輕盈
所以佢既透薄度真係好高, 唔會變面具，完全可以打造一個無重既底妝
感覺上只係膚色即刻均勻左, 有光澤左~完全唔覺有搽左粉底架~
唯一美中不足係遮瑕度偏底，有瑕疵人仕請另用遮瑕膏。
不過如果好似我咁只係有黑眼圈同膚色不均，就可以一盒搞掂哂啦~
CC CREAM 既質地介乎干粉同濕粉之間~
基本上, 係可以唔使再補干粉~
Dr. G 既強項嘛, 就係補濕。所以呢盒CC CREAM 加入左保濕, 鎖水精華。
即係話搽粉底既同時, 都係搽緊保濕精華。
搽完粉底, 只須加番少少眼線同胭脂, 就係一個精神奕奕既返工妝
唔使怕被人話化到咁行，但係個人望落又好精神。
其實, 我今日就唔係返工,
只係去公司搞既BBQ,
我中午二點幾化完妝就入去
B到九點幾, 返到屋企都已經11點啦~
經過咁漫長既時間, 仲要對住D 火幾個鐘~
我個妝......................
EYELINER 溶哂~
個粉底, 其實都已甩左唔少~
不過最驚喜係我竟然無成面油~
(我今日仲要特登無搽到BASE,, 無用面油紙)
額頭鼻頭只輕微泛油,
但我平時眉心既卡粉現象就完全無出現過。
鼻翼位都無卡粉。
睇番一早一晚既相, 眼妝已經溶左, 但底妝依然見得下人架~
第二日, 搽多個BASA 去食日燒~(日日咁燒, 人都顛)
今次只係六, 七個鐘啦, 底妝依然KEEP得好好~, 無卡粉, 無咩泛油
面油紙都只係少少, (平時已經變透明了)
出咁少油好明顯係水份夠啦,
Dr. G 以深層海洋礦物, 透明質酸同, 蘆薈同乳木果為主既保濕精華, 加入CC CREAM 度, 真係想干都難呀~
只要保濕做得好, 又點會泛油呢~
連我D同事都發覺到我T字位出油少左呀~
呢盒咁透薄, 咁保濕既CC CREAM 已經成為我既返工必備。
只須薄薄搽上一層, 加番內眼線同MARSCARA , 成個人就精神哂
( 個樣精神D, 老闆見到都開心D啦~)
又唔會怕重妝被人是非。
真係十萬個方便呀~
想知多D或想親身體驗下，可以到各大莎莎試下架
莎莎獨家發售
以上資料由各客戶提供
如要聯絡本人，請電郵至：smonkichi@hotmail.com
留言
張貼留言