帶女女徹底驗眼 ~ 理大護眼中心
政府的小朋友驗眼一般去到4 歲就無
如果無事無干，就唔會再有FOLLOW
升上2年級後，眼見身邊唔少同學仔都開始戴眼鏡，所以我都決定帶女女去驗下眼
我講緊既，當然唔係去眼鏡鋪求其攞部機驗個D
而係徹徹底底咁驗一次
今日就黎左位於雅蘭中心的
理大護眼中心
PolyVision
呢個驗眼中心由2005年開始運作
唔少媽媽谷都有人提及，所以BOOKING 都好FULL
我十月頭打電話去預約，星期六，日的BOOKING 起碼要去到出年3月
平日的話其實都開到七點，建議可以平日放學去驗會快D
呢D位於雅蘭中心的頂層，地方好大好寬敞
可能係平日關係，人不太多~
中心會播放一D護眼既卡通短片，我覺得幾好睇，可以同小朋友一邊睇一邊學習護眼知識
另一邊則有一個遊戲天地，供小朋友等候時玩耍~
雖然遊戲都屬於幼童類，不過我囡都玩得好開心~XD
P.S. 個廚房仔對正個出風位，好鬼凍，小朋友係度玩要小心著涼呀~
小朋友玩，我就要做正經野啦，除左填左普通個人資料外，
仲要填一版應診者的生活，眼晴問題以及家庭病歷等等，等眼科視光師對應診者有更深入既了解~
填完後就開始驗眼啦~
首先會檢查視覺，屈光度，睇下有冇近視老花~
之後，就會轉呢部機測眼壓~
呢部機會吹D風落隻眼度，小朋友應該唔太習慣
好彩阿女好合作，好聽話咁完成了
此外，仲有色覺普查測試有冇色盲
呢個係立體感的測試，阿囡都順利過關~
之後，就要入黑房啦~ XD
呢度會幫我地眼球影相
透過眼底攝影機拍攝視網膜，血管等等
可以更徹底地檢查眼睛
呢個步驟對小朋友都有少少難度，因為佢要持續張開雙眼，拍個時有光會閃一下
呢個時候小朋友好易會合埋眼
不過工作人員都好有耐性，幫阿囡影完又影，直至影到為止~
經過左一連串既測驗後，我地可以拎住呢D數據去見眼科視光師啦
眼科視光師幫女女再用機CHECK 多次眼睛
之後就CHECK 下有冇近視，遠視啦~
\
仲幫女女滴左放瞳藥水，放大曈孔檢查~
眼科視光師好有耐性，亦都好NICE，同小朋友溝通都好好
阿女開頭都有少少緊張，但之後都已經無咁驚啦~
成個驗眼過程大約一個鐘
前前後後都驗左幾部機，加埋專業視光師的檢查同分析，非常詳細，亦都好細心~
女女既眼晴只有25度遠視 ，根本上係完全無問題
之前成日都怕佢眼晴有問題，依家安樂哂~
眼科視光師仲讚佢叻叻，叫佢要繼續努力KEEP 住~
呢度仲有一個配眼鏡分區
可以根據番驗眼的結果配埋合適的眼鏡~
小朋友眼睛正處於發育階段，有咩問題，早發現可以早改善嘛~
尤其依家咁多電子產品，眼晴好用神，真係要KEEP 住年年驗眼呀~
除左小朋友，家中的長者好多時都會有眼睛問題，佢地未必知咩事
大家都要多D關心同留意，或者帶佢黎呢度驗下架~
理大護眼中心
預約及查詢
如對產品有任何疑問，可直接聯絡品牌查詢
文章只屬個人意見，效果因人而異，只供參考
如要聯絡本人，請電郵至： smonkichi@hotmail.com
Fanpge : www.facebook.com/smonkich
Instagram : https://instagram.com/smonkichi/
留言
張貼留言