貪心的餐廳~ 樂園 HAPPYLAND
朋友約去食飯，地點：尖沙咀"樂園"~
吓？茶記嗎？
此樂園不同彼樂園~
呢個樂園叫 HAPPYLAND，所以入面所有佈置都好色彩繽紛，仲有好多GAME俾大家玩
務求令黎到既客人好似去左樂園咁好開心~
就連個MENU 同食物都色彩繽紛，令你好似置身遊樂場咁開心~
睇前菜既沙律就好睇到一間餐廳既心思
有D只係兩塊菜，仲要成塊上，加兩PAT 醬就叫沙律
松子仁有機蕃茄豆腐沙律
HKD 88
豆腐好滑，蕃茄好甜，呢個菜由頭食到尾，食主菜時又可食少少清下個口腔~
再黎三個小食，分別係
炸魚手指，芝士豬肉釀雞翼同日式豬軟骨豬肉捧餃子
HKD 68 /款
唔同既炸物配合唔同既醬汁~
想讚一下師傳的炸物功力，香脆得黎又唔會成口油，食落只有炸物的香脆，一D油膩感都無~讚讚讚呀~
3款之中我最鐘意魚手指，雖然魚肉並唔係好滑個隻, 不過配合個喼汁食，好好味呀~
朋友就好鐘意食個雞翼，有好香既芝士味~
日式豬軟骨豬肉捧餃子的餡就感覺麻麻，不過個皮都炸得好好
再黎呢個又係好好味的~
芝士焗有機大傘菇
HKD 68
焗完後D菇味出哂黎，又好滑，配合芝士一齊食，一D都唔溜~仲好清甜添~
香草牛油焗特大帆立貝
HKD 78
海鮮中我最鐘意就係食貝殼類
呢個帆立貝焗得啱啱好，肉質嫩滑之餘又唔會過熟好韌
而且香草味亦調得好好，唔會太過濃蓋過左帆立貝本身的鮮甜味~
2個女仔，食D咁多小食，其實已經飽左八成~
不過呢個咁吸引, 又點可以唔點黎食下~
黑松露香煎鵝肝意大利飯
HKD 168
鵝肝煎到兩面香脆，內裏香淋 (即係外脆內軟啦~HAHA)
意大利飯混合了大量芝士汁，超香，不過唔知係咪開始飽，覺得有少少滯~
美滿的晚餐又點會少得甜品呢~
怪獸雪糕黎啦~
呢個咁大杯既雪糕 有好多隻唔同味既雪糕，仲有香蕉，朱古力脆片，威化餅~
絕對好啱成班朋友爭下，搶下~
生日食蛋糕食到悶，不妨點呢個怪獸雪糕
樂園仲會送上即影即有同心意咭俾大家寫上祝褔字句送俾壽星，等大家留下一個美好的回憶~
呢度除左西餐，其實仲有BBQ 可以揀~
係尖沙咀可以BBQ的確是少有~
不過呢度既BBQ其實只係有個爐供一個人燒野，其他人等食個隻~
而且係後巷燒，燒個個其實都幾辛苦~HAHA~
樂園的西餐其實很有心思，睇得出大廚的功架~
不過因為店主想走多元路線，又想做西餐，又想搞BBQ, 又想做GATHERING ，所以定位變得不太清晰
以如此的西餐質素同價錢，其實可以走高少少格調的西式餐廳或主題餐廳
可惜因為要走CAFE BBQ 路線，D位好迫，環境同食物又不太相襯~更會被外面BBQ的煙煙親~
多元發展的確可助開展客源，但定位不清楚便有兩頭不到岸的感覺。
樂園 HAPPYLAND
尖沙咀北京道65-69號環球商業大廈2樓205-06室
如要聯絡本人，請電郵至： smonkichi@hotmail.com
Fanpge : www.facebook.com/smonkich
Instagram : https://instagram.com/smonkichi/
留言
張貼留言