童年的回憶就是這一種 ~ Wah Yuen
如果你係香港長大
唔好同我講無食過下面既小食~ (除非你是 新。香港人)
華園的零食真係陪住我地大，陪住我地成長
不過，近年大家都特別鐘意外國進口零食
將呢d本地品牌掉埋左一邊~
星期六同囡囡去迪士尼，決定帶d 去，一齊懷緬下~
前一晚，深夜時份~ 你懂的~@@
真係好鬼口淡淡，要食番d野
二話不說，即刻就攞左包豬肉乾出黎~
依然係個隻味，個隻分唔清是沙嗲同咖哩既味~
個舊依然唔知點解咁實既肉~
又依然唔知點解，食幾食就ko 左一包
其實諗番起，當年對仲係學生既我黎講，華園都唔係平價小食黎架~
每次買都諗前諗後先捨得，食起上黎特別有感情~
當然舊牌都依然力求進步，推陳出新~
呢款就係華園的新出品~
法式蝴蝶酥
摒棄一貫華園零食的包裝
呢個蝴蝶酥改用了清新的藍白包裝，即刻變得可愛哂 ~
除左外盒外，仲有一個可以再ZIP 既膠袋，唔怕一次過食唔哂會淋~
雖然是一塊小小的酥餅，但層數已經數唔到有幾多~
如果你知道整酥餅摺一次係2層的話，你就知呢度幾多功夫~
酥餅既獨特口感，就係來自呢D功夫啦~
係餅邊加上了糖粒，少少甜，多多脆~
我地就食左呢個咁美味既早餐，再出發去迪士尼啦~
迪士尼最悶的地方就係等....
排隊要等，睇巡遊要等，連食飯都要等~@@
等......真係好鬼悶，攞番件蝴蝶酥出黎咬下，即刻有番D生趣~XD
去迪士尼成日流流長，又點止帶蝴蝶酥咁少呢
登登登： 燒三文魚鱈魚棒
一包有好多條，慢慢食，好襟食
鱈魚外層夾住三文魚鬆同芝麻, 煙煙韌韌
三文魚鬆一d都唔腥，最啱俾唔食三文魚的小朋友食~haha
不過，阿囡食到最後3條時話有d辣 (因為加左胡椒, 酒同辣椒粉)
車..................得番3條囉~
沙爹牛絲燒腸
呢條腸又的確幾珍貴，一包只有3小條~
每條都以0.3mm 的新鮮腐皮包裏住一條條的牛肉絲 (全人手製作架)
外皮燒得香脆，牛肉絲夠哂野味~
雖然叫做沙嗲，我囡都食到，仲搶埋最後一條食添~@@
開心得佢個衰樣~ ><
咖喱牛肉粒
呢個我可以獨享啦~
因為同阿囡講有咖喱，佢話咁唔食啦~haha
其實華園的咖喱又點會好辣，只係好香口啦~
不過呢包d牛肉粒比豬肉粒細粒，好難拎黎食，我成盤倒落口算了~XD
成袋零食黎講
呢個就真係麻麻
蜂辣花生
首先，蜂蜜係甜，辣椒係咸，感覺2個唔係朋友囉~
一開袋，成堆花生好濕，黏埋一舊咁~
味道都正如之前所料，甜甜地 又辣辣地，我覺得怪怪地
唔太接受到~
我都係鐘意食番平時個D花生~XD
想買華園的小食，依家可以上網買啦~
http://www.wahyuenshop.com/
買滿 100蚊有 9 折
買滿 200蚊有 8 折
香港、九龍及新界市區凡購物滿港幣$300 (折實價) 或以上﹐即可享有免費送貨服務﹐
否則﹐只需加港幣$30 亦可以享有送貨服務。
香港人，支持下香港品牌啦~
如要聯絡本人，請電郵至： smonkichi@hotmail.com
Fanpge : www.facebook.com/smonkich
Instagram : https://instagram.com/smonkichi/
留言
張貼留言