尋回一盅兩件的滋味~

前排由朋友帶路帶左我去呢度食飯
呢度係位於宜安街街市側的橫巷內
雖然住在官塘,我都唔知有間咁既野~@@
後尾成日黎,變左熟客

吉吉點 Gut Gut Dim Sum 
頂級手工點心專門店


如果夜D黎,離遠已經見到好多呢D燈,都幾八十年代~XD 

如果天氣涼,可以坐係出面食,都幾有風味架~

不過家下仲有D熱,所以都係坐番入去算~
眼望其實鋪頭唔大,廿幾個位度~
設計就幾年輕,所以都好多後生仔女黎呢度飲茶~



我自己就最鐘意食呢D度既蘿蔔糕~

因為佢真係好有心機,煎到個面脆卜卜,但入面仲係軟淋淋
有一條條蘿蔔絲~,同酒樓成舊粉頭個D完全係兩回事~ 

呢個,今次係第一次食,媽媽介紹的


辣度唔係好勁,正常都接受到, 而且佢既辣唔係死辣,而是有香蔥/芫茜的香味~
而最好係食到牛栢葉的爽,唔係雪到霉霉爛爛的~

呢度係我個囡既至愛
每次黎都必點~


飽皮好軟好香,無個陣麵粉的宿味~
最好係奶黃唔太甜,而且真係流的~
當然,要趁熱食呀,凍左就無咁香同唔識流架啦~

呢個就係媽媽既至愛
姜汁千層糕

上枱時個下震震震真係好得意~



話明係千層,糕真係可以一層層分開架~
姜汁味係好香的~ 唔係流架,因為阿囡話辣食唔到~

飲茶,點可以無蝦餃/燒賣~


蝦餸皮係彈牙爽的,唔係大陸貨D 淋滋滋又漿口
當然,舊蝦都係爽的~

同樣道理,首先望落去,D燒賣皮唔係溶溶爛爛~
而係真係一塊片~


燒賣入面混合左好多料,而且係有質感,一粒粒,而唔係用機打到一PAT 血肉模糊的~

唔知幾時開始,大酒樓已經好多係用大陸交貨
食咩都係淋PAT PAT,霉DUM DUM,   
所以點解咁鐘意黎吉吉點? 因為覺得自己係食緊點心,而唔係食緊垃圾~



呢個桂花糕呢, 就是小王子的玫瑰呀~ 
個賣相已經靚到唔捨得食

糕唔太甜,有桂花既清香
D 桂花係一條條架,唔係碎濕濕個D 頭頭尾尾~
最重要係,只要幫襯佢飲杯野,  加2蚊就可以換到啦~

當日叫左杯羅漢果蜜,只係15蚊,加2蚊就換到個桂花糕啦~
好抵呀~



不過,最抵都係  一至五 下午 叫夠 28蚊就可以2蚊加一個點心~
我媽媽同囡囡成日放學都走黎飲茶架~無我份@@ 



有機會,係吉吉點見啦~

吉吉點
觀塘宜安街7號財利大樓地下E舖
Shop E, G/F, Cheoy Lee Building, 7 Yee On Street, Kwun Tong

如要聯絡本人,請電郵至: smonkichi@hotmail.com


SKIN CARE

Make Up

Food

親子