超大份量的西餐 ~ Sous Vide Factory 慢煮工房


近年生活流行慢活,飲食就流行慢煮

而呢家位於官塘工廈的餐廳,就以慢煮為主打
推出一系列的慢煮系列~

Sous Vide Factory 
慢煮工房


雖然位於工廈入面,但門面很歐陸餐廳FEEL ~

入面則一排是開放式廚房, 另一排就係枱椅~


呢度以套餐為主打
由平幾到三百幾都有
全日不設加一
以食扒黎講,又唔算好貴~


先來一個蒜蓉餐包,很脆,很香


湯是很濃濃的,還有粒粒的口感呢~ 


前菜的沙律,芝麻醬雞肉


雞肉也是慢煮的吧,雖然係雞胸部份但亦嫩滑~


反而那個菜,很大塊,似墊底多過似沙律~ 

跟餐的果茶,估唔到SIZE 係勁大杯
有茶味而不太甜,飲左呢杯唔使再另外叫野飲了~ 


慢煮.法式小鍋燉牛脷
HKD 198 

整個餸以成個鍋上
感覺好RAW, 好屋企FEEL 


賣相的話其實麻麻,因為PAN 好大,顯得食物好散好少
但其實牛脷的份量一D都唔少~ 
配菜入面仲有好多紅豆,紅蘿蔔,如果配菜切大件D,感覺會豐富D~
牛脷燉得好淋,但亦有咀嚼感
至於個汁都好好味,有D蕃茄既甜酸,濃淡適中,用飯一流~

是日無粟米餅,改跟呢個蕃茄飯


蕃茄飯其實都好美味,可惜牛脷本身都有醬汁
2者獨立食都OK,混埋就有D浪費~


如果食呢個牛脷的話,用白飯仲好味~ 

慢煮.西班牙伊比利豬鞍.北印度乾果飯.蘋果薄荷慕斯
HKD 288 


呢個豬鞍,真係超級大份量
比我個拳頭仲要大~


淨係睇個面都見到烤得好靚,少少脆香而不焦~

切開入面,肉質依然粉嫩粉嫩
Juicy 而不乾,外脆而內淋
呈剛熟的嫵媚神態,令人好有咬落去既衝動~


這個蘋果薄荷慕斯,味道很淡,和淡味的豬鞍都屬於清新系


如果食慣濃味的,就覺得有點而寡

這個北印度飯是極之美味,因為加入了了乾果,甜甜的,
有點芒果糯米飯的感覺,大小朋友都愛吃~



最後的甜品,只要LIKE FACEBOOK 就有甜品送

這個朱古力MOUSSE,感覺真的很MOUSSE 
有點兒秥口,食2啖就膩了~


這裏的份量全部都超大份的
每款扒份量都不少,還要跟飯呢
說實話,一個人實在食不完呀

或者店鋪可考慮下將份量減少而調低格價
或者出個2人套餐,減少一個飯~

看出得小店的用心經營,對於食材和烹飪都有一定的堅持, 努力呀 !!


慢煮工房 
Sous Vide Factory
觀塘開源道60號駱駝漆大廈3期4樓T室



如要聯絡本人,請電郵至: smonkichi@hotmail.com






SKIN CARE

Make Up

Food

親子