水產盛宴~ 焱丸水產 Flame Japanese Cuisine

星期六的下午
突然身在日本?


非也,其實是這家 "焱丸水產",令我產生了極之迫真的錯覺
無論外內,都充斥著濃濃的日本味~

呢度的食物款式真係多到唔知點入手
由大路的刺身壽司到鍋物,天婦羅都有
但更多的,是日本的熟食料理同埋出名的磯燒~


大熱天時,即來兩杯特飲降降溫

粉紅色的白桃特飲 (HKD 48),有濃濃的桃味,混合梳打,甜中帶清
綠色的青蘋果颱風乳酸(HKD 68),朋友說很清涼解喝,蘋果冰就是把蘋果雪得冰冰的~放在飲品中
保持乳酸冰凍之餘也帶有蘋果的香氣~ 

第一道,來個清新一點的沙律
蟹子蟹肉薯仔沙律
HKD 78


就咁睇,以為係雪糕添~XD 
薯仔整成球狀,但內藏粒粒薯同蟹肉,調過味再混和沙律醬,咸咸地又帶點甜,好滋味


薯仔愛好者表示,愛不釋口,瞬間清碟~

什錦天婦羅
HKD 150 


神奇的天婦羅汁,因為,有煙出架~XD 
(仙氣既野,真係好難捕捉) 


第二神奇,就係天婦羅,竟然唔覺油膩呀~
雖然粉未夠鬆化,但食完真係完全無油淋淋既感覺
食完一D罪惡感都無呀~HAHA 


再黎呢個 

梭子魚 + 象拔蚌刺身
HKD 228 / HKD 158


梭子魚外皮起哂花
輕輕火炙過,聞落去,竟然有清新的香味
原來落左柚子粉一齊燒,唔怪得咁香啦~


梭子魚肉因為燒過,介乎生與熟之間,多左一份半熟魚片的質感
無左刺身的滑潺潺感覺,換來更實在的肉片口感
好特別的一道魚生 

象拔蚌刺身,望落好似細細份,其實係超級多
因為一條條的肉疊起左幾層
食極都仲有~ 


量很多,而質亦很好
食落有一股蚌獨有的清爽脆脆口感,最重要係無腥味

蟹味噌甲羅燒
HKD 136 (2 pcs ) 


蟹蓋上裝住五顏六色的食材,好靚,不過未食得架~
要將所有材料連蓋燒過,拌勻後先食得~


 蟹膏加鵪春蛋
我個腦突然浮起 "膽固醇" 三個字XD 
any肥,食左先講啦~ 

充滿咸香的蟹膏加上鵪春蛋後變得幼滑無比
中間的蟹籽增加左豐富的口感

呢個膏都幾重味,最好就係跟碗白飯
一個人食哂,有D 力不從心~ 

帶子磯燒 + 殘酷活鮑磯燒
HKD 120  (兩隻) / HKD 136 (兩隻)


帶子,大得驚人
活鮑,上枱時仲係咁郁~@@

點殘酷法?燒個時,師傳會加上清酒
隻鮑魚係咁轉同扭曲,真係................好貼題~


鮑魚燒過後,肉質變得幾實
今日燒得重手左少少,有少少焦,但肉質仍有很嫩
新鮮的,就是特別鮮甜~ 


帶子加左清酒,上枱時仲有清酒的餘香
但入口時沒有酒味,只有帶子和清酒的熬出來的清甜


最後,眼闊既我地,竟然仲點左個牛肉鍋鍋鍋..........

日式甜醬牛肉鍋
HKD 108


首先,不得不讚下件牛肉
雖然望落好似好厚好大件,但食落超超超滑的~ 一D都唔韌
鍋物黎講,我最愛都係牛肉鍋,因為鐘意個甜甜的湯底,就連食條菜就係甜的~ 

鍋中,仲有呢D一條條透明的粉,沾上了湯底同食,滑得黎又唔會淋PAT PAT ~ 

其實淨係食呢個鍋,都真係可以食飽2個人~ 

銅鑼灣的日式料理好多
但下下刺身壽司,真係好悶
呢度既日式料理好有新意
用上磯燒令到海鮮的鮮味更濃,技癢既,仲可以自己落手燒添~ 

呢度每一道菜都令人有驚喜
日本野,其實仲有好多變化架~ 


焱丸水產 
Flame Japanese Cuisine
銅鑼灣謝斐道440號駱克大廈B座地下C2地舖


如要聯絡本人,請電郵至: smonkichi@hotmail.com




留言

這個網誌中的熱門文章

灰甲小知識 ~ Emtrix®安甲適®

帶女女徹底驗眼 ~ 理大護眼中心

輕輕鬆鬆踢走肚腩~ 【Kakki 活気-腹周燃燒 EX 錠】