堅尼地城的冬日下午~

放假和囡囡入一趟數碼港,在堅尼地城站轉車

話說99住西環,但入到黎堅尼地城都係第一次
中午時間,搵個地方醫下肚再入去都未遲

行過見到呢一排落地玻璃窗就被吸引入去了~ 

Lex Coffee 
西環堅尼地城卑路乍街100號地舖


很喜歡落地大玻璃的裝修,最衰當日天陰陰
如果曬住個太陽係度嘆番杯COFFEE. 睇下書,真係爽爆 (好似返返去讀書既年代咁) 

個水機好OLD SCHOOL ,但又好精緻,屋企裝個呢D,水都飲多兩杯呀~

呢間COFFEE SHOP 令人目不暇及,因為佢好似格仔鋪咁放左好多唔同野係度寄買
由朱古力到皮革用品到茶葉,種類超多~ 



待應姐姐話原來呢度仲有樓上,八卦既我當然要同囡囡去睇下
嘩,真係爽爆呀~


最衰當日幾大風,怕阿囡吹親, 如果幾個朋友HEA係張SOFA, 曬下太陽傾下計,超RELAX呀~

呢度既MENU 共2頁紙 以COFFEE SHOP黎講都算多~
因為佢既熟食都唔少~


阿囡見到呢SET野口水都流埋~HAHA~樣樣都好細件,好精緻~


因為怕陣間肚餓,都係食個意粉穩陣~

Prawn Capellini with Lobster Sauce


龍蝦味超濃的意粉,待應姐姐介紹原來真係成隻龍蝦放入去熬汁~
我鐘意佢個意粉係硬身,夠正宗
最怕 個D煮到淋PAT PAT, 發哂水咁既意粉~ 
值得一讚佢既蒜片好香,好脆。蒜味好夠~

黎COFFEE SHOP 當然要飲COFFEE, 
我無得揀,一定要飲LATTE, 因為阿囡要佢D泡~HAHA 


唔知係咪開頭問過佢有冇低咖啡因咖啡
所以呢杯LATTE 咖啡味唔太濃,奶味好重,缺少左咖啡個陣香味

待應姐姐好好人請我試飲左手工咖啡
隻杯係咪好靚呢,係老闆親自在外國訂返黎架~


手工咖啡偏酸,類似藍山咖啡~

2母女,當然要食甜品啦~HAHA

Waffles with Chestnut Passion Fruit Ice Cream
(栗子窩夫配熱情果雪糕)


雪糕是很特別的熱情果味,比較少食,味道亦很清新
栗子蓉亦唔太甜,唔會好溜
反而窩夫有少許失望,唔太脆,亦無咩蛋香
如果做到外脆內軟咁就正啦~
不過佢唔係空心,超級飽肚,用黎當餅咁食都真係會飽架~HAHA 

當日係假期,呢間COFFEE SHOP都幾繁忙,門口仲有人等位添
所以如果想HEA 番2, 3 個鐘,假日就未必得了~

食飽飽就向數碼港出發
點知阿媽大慒,原來個聖誕嘉年華都未正式開始
(明明D廣告已經係咁介紹話12月4日開始啦~><) 
去到烏蠅都無隻~
好彩有個海邊行下, 好彩有帶吹泡泡入黎玩下~
(話說當日係入冬黎最凍個日,阿囡無吹親都偷笑,我呢個阿媽~HAHA) 



以前放假會約一大班朋友呢度去,個度去,
家下放假唔使再約人,同阿囡兩個周圍去下街,食下野,都幾開心

不過阿囡好快大,當佢有自己既朋友,唔知仲會唔會陪我去街街呢~ T.T 


如要聯絡本人,請電郵至: smonkichi@hotmail.com








SKIN CARE

Make Up

Food

親子