有家的感覺~~


無啦啦又凍番,當然就好就係打邊爐啦~
放工同老公出左長沙灣,見到呢間門口幾靚仔
入面又光猛舒服~干淨企理~
 個格局有D似食日本野既打邊爐鋪頭


一坐底就拎左個配料盤黎 
配料幾新鮮,尤其係辣椒,堅辣喎,平時個D都無咁勁~

呢度個湯底除左平時食開既
仲有一D較特別的,有海底椰白肺湯,冬瓜瑤柱燉乳鴿~ 
仲有雞煲添~ 

至於海鮮方面老實講好似無咩選擇
有成條既活魚刺身 不過2條友點食呀~ 

諗住叫個主打海鮮既2人餐,但當日又無鮑魚,又無象拔蚌,
即係2個餐都無啦~ 
不過海鮮既野好難講,可能店主有宗旨,唔靚唔入呢~ 

食之黎先黎個竹庶茅根水
呢個水真係超讚,首先,係超冰凍,用黎打邊爐係一流的
二黎,佢好有家的味道,真係煲出黎,唔太甜,亦無人工化學野~



叫左個最普通既芫茜皮蛋湯
估唔到黎到有咁多野,勁多雜菇係入面,開頭仲以為佢拎錯左添~


而且湯的味道好清甜,下次自己屋企打邊爐都可以參考下呢個做法喎~


因為得2個人,叫左個細細地既平平地特級安格斯肥牛 88蚊碟
好彩佢既肥牛係雪花均勻個隻,唔係成片肥膏個D~
牛的色澤有少少暗淡,唔太靚仔
不過肉質好嫩,入口溶化
唯一係牛切得有D碎,好易爛同唔見左,最好用個兜盛住黎碌~


食完牛當然要食下特級黑豚肉
近年黑豚肉成為我既打邊爐新竉,無肥牛咁肥,但又有肉味

不過呢度既黑豚肉切得勁厚
等到佢熟時D肉質已經嚡左,同有D韌~ 有D失望~ 


打邊爐又點少得丸同餃~

相拼蝦丸加墨魚丸~ 彈力十足,成個乒乓波咁彈既~
可惜味道就無乜囉~




又黎相拼韮菜餃椰菜餃~ 
因為之前雪得勁,等我地食左肉再食個時,D皮已經開始溶溶地添~



兩種餃黎講韮菜餃比較有香味,椰菜餃就無咩特別
椰菜太碎,無左爽口的口感 

打邊爐一定要食既菜,皇帝菜,平時街市賣都要廿幾蚊札
呢度賣35蚊,又唔算貴。而且仲幾嫩,幾靚仔~



稻庭鳥冬,18蚊個,有少少細個,不過質量OK
扁身的鳥冬,幾幼滑彈身~

打邊爐黎講呢度坐得幾舒服
抽風都唔錯,唔會食到成頭煙 
而且最LIKE係佢D 料無咩味精,起碼我食完無狂飲水

不過作為海鮮打邊爐的鋪頭但海鮮無乜 感覺欠左D特色~ 

漁一番海鮮火鍋料理 Ryo Ichiban Seafood Hotpot
長沙灣青山道195A號雅怡居地舗


如要聯絡本人,請電郵至: smonkichi@hotmail.com



SKIN CARE

Make Up

Food

親子