週日食在蘭桂坊
星期日一早同阿囡蒲老蘭~
因為有個抵食BRUNCH 囉~
雖然大人 HKD398 好似又唔太平，不過如果係紅，白酒/香檳任飲
仲有生蠔，長腳蟹，龍蝦等等呢D海鮮食，係咪即係覺得抵番呢~
~仲要係六歲以下小朋友免費架~~
呢度佔成層，地方都幾大，成個感覺好玩樂FEEL
就連洗手盤下面都養左魚，阿囡食一次飯去左3次廁所睇魚~HAHA
HKD 398 其實係一個SEMI BUFFET , 包拘左手邊既前菜同一個MAIN COURSE
(小朋友免費無MAIN COURSE的)
話說帶住阿囡無得飲酒，咁飲啡啦~
佢開頭竟然答我無~@@ 唔是化，最基本的COFFEE都無
後尾話幫我問問，又有了~ 很奇怪呢~
COFFEE 真係必備架，無可能無掛 (除非壞機者)
前菜方面質素都OK，食物都幾新鮮~
係個拌好左既生菜沙律略嫌沙律醬太多~
主打既，當然係呢個咁豐富的海鮮盤~
我見D人真係食好多~HAHA
不過佢既REFILL速度好好，唔會吉左~
個蠔更有專人睇住，攞到咁上下先開新既，KEEP住D蠔都好新鮮~
當日眼見蠔有2隻，一款修長D~一款肥大D (無寫係邊度既蠔~HAHA)
2款豪的肉質都算係爽口，修長個款海水味濃D~
不過絕對唔痴口，食多幾隻都無問題~
龍蝦肉都好爽，好新鮮，唔似雪到霉個D~
另一個焦點就係呢個蛋系列
有溫泉蛋，有BENEDICT, 有奄列~
我就食左呢個蟹肉BENEDICT, 七成熟配上脆脆的多士底~
唯蟹肉唔係好有味~ 加番少少黑椒吊味更PERFECT~
阿囡要左個煙肉菇奄列(可以自己揀料) ，
要左全熟 ，不過都好滑同好香，阿囡成個食哂仲話要食~@@
再黎亮點 "鵝肝多士"~
中午食鵝肝，好似好奢侈 HAHA
不過呢個鵝肝多士煎得好香，外脆內滑，無根
配上紅莓醬的酸甜，減去左膩感，要ENCORE AR~
因為淨係食D前菜都食到好飽
所以主菜叫左個清清地既香焗芝士大蘑菇配羅勒汁
開頭以為係釀磨菇，原來係3層的~ 頭層芝士，中層菠菜同蘑菇
最底就係大蘑菇，
不過蘑菇比想像中細同薄~
菠菜好滑，不過成條無切過，(我仲諗住佢係釀，會打成蓉)
個芝士蓋都好香~
羅勒汁配個沙律好好味 (開頭以為係醋)
不過汁太少，可唔可以多少少~XD
食飽飽之後就到甜品時間啦~
甜品基本上得3款
2款CHEESE CAKE 同一款蘋果批
蘋果批有少少酸，唔係死甜，幾開胃，個批底都好香好脆
CHEESE CAKE 2款有少少同
雲石面個款口感嚡少少，呢一款就滑身D~
2款的芝士味太濃~
甜品方面仲有一個即制的窩夫，很脆，就算放涼左都KEEP到脆口
加上楓糖同牛油，甜甜的，很讚
當日所見都有唔少帶同小朋友黎食野
不過餐廳的用具都偏大，刀，水杯等都唔太適合小朋友用
如果要帶小朋友黎，自備會方便D~
總括而言，對於大人，呢個餐都幾抵，海鮮新鮮，食蠔飲酒都回本
但對於小朋友，尤其係要俾錢的，就不太劃算，
因為唔係太多野適合小朋友食~
如要聯絡本人，請電郵至： smonkichi@hotmail.com
Fanpge : www.facebook.com/smonkich
Instagram : https://instagram.com/smonkichi/
留言
張貼留言