空中泰菜~ 新泰東南亞餐廳

朋友要轉工,離開尖沙咀這個工作了十多年的地方
以後不能一起食LUNCH 了~
唯有臨別秋波,食個DINNER 細訴~

無黎一排北京道,估唔到又多左一幢美食大廈~

今次就揀左位於8樓的

新泰東南亞餐廳

一開LIFT 門,已經見到好有泰國FEEL的裝置,證明無去錯地方啦~

雖然位於尖沙咀呢D租金昂貴的地段
但座位依然寬落,仲有適合一大班人的圓枱添
圓枱,真係除左中菜外,算係少見的了~


兩邊窗都有落地玻璃卡位,感覺開揚又私隱,我食飯最鐘意就坐呢D位架啦~


望出街外,真係有居高臨下的感覺,好彩我無畏高者
呢度望到少少海邊,打文時突然想起,放煙花時唔知睇唔睇到呢~ 


甫坐低,泰待應就送上了暖水,在呢個天寒地凍既日子飲到杯暖水,真係好貼心呀~


餐牌的食物多,圖片又吸引,選擇困難症又病發了~ @@


價錢方面,由七十幾的小食到百幾蚊的主食~
唔算特別平,但價錢合理~ 
(無忘記呢度係尖沙咀區呢)

點左菜後,唔使15分鐘,全部菜都送上了,速度真係快到驚人~@@
第一個送上的,竟然係馬拉盏通菜~ 有D意外~HAHA

就算一個通菜,都係有造型架~ 
高高地一個,尤如一座小山丘~


菜炒得很鮮綠爽脆,馬拉盏唔會太咸~ 亦唔太辣~ 
話明馬拉盏啦,真係有唔少蝦米仔係入面架~


作為第一個菜,印象分加了不少~ 

泰式炒河~

個蛋網賣相當然羸哂~ ~


河粉用上金邊粉,好煙韌,見到仲係一條條,唔會炒到碎濕濕~ 
料都唔少,有蛋,蝦,芽菜....
但整體味道則略嫌唔太特出~ 味道有點兒太單一


冬蔭公
細SIZE 份,用碟上,好似飲法式湯咁~XD 


有兩隻開邊大蝦,蝦肉仍很嫩滑~ 


仲有唔少冬蔭公料,有香茅,草菇等等,味道偏酸,唔夠辣
(可能之前落單時我朋友話唔食得辣,所以辣味減淡了)
如果再多點兒辣勁就更PERFECT 了~


有冇發現,拼盤係食泰菜必點的~XD


蝦餅粉很薄,炸得很香脆,蝦肉味亦很濃~
春卷的皮尤其一讚,超級鬆化,而且一D都唔會油淋淋~ 


魚餅,好多料係入面,但比起蝦餅,味道略淡,稍欠魚味~ 

生菜肉碎,必食,超好食
肉唔老,仲好JUICE,睇個樣無咩野,但越食越辣,越辣越刺激
我一個朋友怕辣,食左一啖後話辣,叫佢放棄啦~但佢又死話好好食,最後忍住辣都食哂~HAHA~

附拼盤上的兩個汁,紅色係平時食的甜酸汁
黃色的,類似芒果醬咁既生果醬,朋友就覺得呢個醬好新奇同幾FRESH ,我就略嫌佢味道平淡
真係口味有不同~ 各有各喜好~

晚餐後,當然要黎個甜品作結

芒果糯米飯~

糯米飯有白糯米和黑糯米~ 
前者較煙韌,後者較綿
配上濃濃旳椰汁,但甜味很適中~
驚喜係灑在上面的芝麻,令到這個甜品有種新鮮的口感~
估唔到一粒小小芝麻竟然有咁出色的效果~

Girl's talk,食飯的環境真的很重要
係呢個咁靚咁舒適的環境下,就算訴說著激心的事,食舊芒果,全部吞下,消化了~

明天,又係新的一天~

新泰東南亞餐廳 
Sun Thai Restaurant
尖沙咀北京道12A號太子集團中心8樓

如要聯絡本人,請電郵至: smonkichi@hotmail.com

留言

這個網誌中的熱門文章

灰甲小知識 ~ Emtrix®安甲適®

帶女女徹底驗眼 ~ 理大護眼中心

輕輕鬆鬆踢走肚腩~ 【Kakki 活気-腹周燃燒 EX 錠】