全牛燒 ~ 浦井韓食居酒屋 Pojang Korean Izakaya

好耐無去i square 啦~ 
估唔到呢度既食肆都依然咁多
(我本人係極唔鐘意行呢個商場的, 至多都係黎食下飯) 

今次就黎試左呢間韓食


就到門口,已經有待應姐姐出黎迎接
好有heart~haha 

是夜七點未到上黎到,都仲有唔少吉位
(香港人都慣左要ot,夜食飯~T.T) 

天仲未黑呀,一大排大玻璃窗仲見到有D光
感覺好開揚~ 唔似平時韓食個D黑黑沉沉FEEL 

雖然中間有條柱隔開左,但放上了唔同啤酒樽,又係一種視覺享受~


每張櫈下面都可以放野架~ 


因為一早訂位,枱上面已經SET 好野D餐具
仲有前菜,醬料~
韓式燒肉醬 (右上角) 比平時食開既韓式醬較甜~


前菜黎講,酸蘿蔔粒係最好味,少酸,又有蘿蔔的甜味
反而個泡菜就有失色,唔夠辣亦唔夠味~ 


呢度既吸煙罩都好細個,所以要放到好底黎吸,燒個時其實有少少麻煩~ 
感覺好阻住咁~@@ 


開爐時,待應幫我地放上蛋漿,有泡菜/原味~
仲有2舊蘿蔔,但唔好食呀,用黎抺爐架~HAHA


是夜,待應推介呢個炸雞餐 
平時叫半份都要 HKD 128 
「歡樂時光優惠」
HKD 138 就可以有炸雞同包埋2杯飲品~(啤酒都包架) 



半份炸雞有4件度 (應該係半隻雞,有一隻雞脾,一隻雞翼同兩件雞胸~


炸粉幾脆,不過有D地方會厚左少少~
好神奇的,就係雞脾同雞胸位都唔嚡喎,反而雞翼位有D乾~


不得不讚下呢個蜜糖醬
無錯,係蜜糖醬,無芥辣的~ (雖然個樣一D都唔似)
但佢甜甜地既味道又真係特別,自己都唔覺食緊蜜糖。

跟餐叫左2個沙冰,份量都係超大杯的~

青檸沙冰,味道很清新,用黎食韓燒一流,非常解渴


芒果沙冰,沙冰比青檸凍幼滑,味道亦甜少少
但都很清甜,唔係勁糖水個隻。


再黎就係呢個全牛餐~~
上牛烤(PrimeBeef Grill) 
HKD 288

分別有牛肩胛脊,牛舌,小牛排,腹胸肉。




前面,後面,都滿佈牛肉~


仲伴有勁多的蔬菜~ 擺放得好有心機,要讚下~

牛肩胛脊既肉質好嫩,燒幾燒都食得~ 


食既時候,會先搽上燒醬同加埋蒜頭包住一齊食,無咁滯嘛
呢度既菜好珍貴,每次都只係拎3塊黎,我地3個人,一轉就無左,又要叫人架菜
感覺待應們都應該好攰~@@
(不過佢地度全程都笑笑口,好有禮貌,值得一讚呀)

朋友好鐘意食呢款腹胸肉
話佢好淋,而且醃料味道都好好

牛脷黎講,係超級大塊的,切得好薄
又係燒幾下就食得~ 
不過過薄既質感無左牛脷的爽脆質感~
我都係鐘意牛脷要厚切番少少~ 

呢排小牛排,真係好堅
成個立方體咁,要首先將佢四面燒熟先~


之後,就將佢切開一片片


中 間的肉還是嫩紅的,再2面燒幾下就食得啦~ 

呢塊牛小排就無腹胸肉咁淋
好有牛既質感,有咬口,有少少韌韌地!


伴碟的蔬菜都很多,
有金針菇、冬菇、南瓜、青瓜、翠玉瓜、紅蘿蔔,洋葸
全部都好新鮮~

仲有呢條咁長的辣椒,真係好少見,少少辣,幾好味喎~


食過新派韓食,當然都要試試傳統韓食~
至於傳統韓食,當然要黎個人蔘雞湯補補啦~

高麗人蔘燉全雞
HKD 188 
真係有成隻雞架~仲有成條蔘添~
而且仲有好多松子仁係面~


待應好好人地幫我地分雞~


一鍋湯大約分到六碗 (只計湯,未計雞喎) 

入面有好多料架,除左雞同蔘,仲有大粒紅栆,杞子~
超多松子仁


蔘既味道唔算大濃烈,唔鐘意食藥材既人都應該接受到
湯很有膠質~加多好多料,超級飽肚~

湯本身無味,可以自己落鹽


如果有埋淮鹽點雞食就仲好啦~


呢度既食物份量都算大份,啱三五知己一齊黎,可以食多D唔同既野~ 
以韓燒價錢黎遘,都算實惠~
是夜3條友,每人都係食左二百蚊度 (其實係食唔哂既) 
以環境,價錢黎計,係ok的~


浦井韓食居酒屋 
Pojang Korean Izakaya
尖沙咀彌敦道63號iSQUARE國際廣場7樓705號舖


如要聯絡本人,請電郵至: smonkichi@hotmail.com