湯底濃郁,麻香而不死辣 ~火鍋英雄Hot Pot Hero

天氣凍,最啱約朋友食飯打邊爐~
近年香港人都愛食辣,麻辣湯底好盛行
今日去的火鍋英雄Hot Pot Hero都係以麻辣湯底為主

位處樓上的火鍋店,少了街上的繁忙擠迫感,多左一份閒適感
食餐飯都安樂D~

呢度佔地極之廣,裝修以中國風為主。除左有一個大堂外,眼見仲有2間房間,
十個八個朋友就可以包間房傾下計~ 

每張枱都超級大張,除左坐得舒服,枱面仲有好多位放火鍋料


呢度既細節位都做得好好,每人都有件圍裙,以防打邊爐D汁彈到~

冷凍的洛神花茶,係成枝雪的,無加冰粒
香甜濃郁,酸酸甜甜,用黎解辣一流~


超級欣賞呢個調味百子櫃~
富有中國風,傳統而清雅~


醬料款式多樣,擺放整齊,乾乾淨淨
仲有D特別的辣椒油添~


呢度的前菜,同其他川菜一樣,都有八小碟~
係一D傳統的風味小食,青瓜,海帶,木耳,豬耳,豆芽,豆腐干等等
有D加有少少辣調味~但辣度清新~ 
既開胃,亦消膩~ 


呢度有款唔同的鍋底
今日就叫左麻辣味的
跳水田雞鍋
由店中大廚的秘製香料而成
雖然望落去血紅血紅,但我地叫左少辣
湯底香味濃郁,麻而不死辣
最重要係唔會咸到嘔~ 


湯底入面的料都唔少
當然有主角 田雞
田雞肉很多,脾位都唔少,食落同雞肉一樣都係啖啖肉,但比起雞肉更嫩更滑,
就算煲耐左,依然口感嫩滑,唔似雞咁會越煲越嚡~
除左田雞外,仲有大量萵筍,豆芽

手打墨丸和芫茜豬肉丸

粒粒都好大粒, 墨丸入口夠哂爽
豬肉丸有好香的芫茜味,無混粉,真材實料全部豬肉,食到啖啖豬肉香


新鮮牛頸脊肉
色澤鮮紅,好新鮮
無平時的雪花牛咁肥,牛味香濃,
質感較實淨,有嚼勁,適合輕灼即食


鴨血 
豬紅,鴨血呢d食物係麻辣火鍋必備
雖然本身不太愛食,也湊一湊熱鬧嘗嘗


鴨血比想像中爽好多,無咩血腥味~感覺和豬血差不多,只有更爽。

蒙古羊肉片
羊肉片賣相好靚,羊羶味唔算好大,
肥瘦適中,混入辣鍋灼過後比牛頸山脊滑
但肉塊比較易碎,最好用兜裝住灼。


食辣鍋,這兩個是必點的

凍豆腐 / 酥炸響鈴



凍豆腐比普通豆腐更索味,將湯底的精華全部鎖住在一個個窿入面
咬落去,湯汁爆口,非常過癮

響鈴亦係索湯底必備,輕輕一灼,沾上了湯汁之餘還有脆口的感覺
但感覺這響鈴油份也不少,再加上滿佈辣油的湯鍋,覺得太過油膩了。

兩款蔬菜都很新鮮,而且啤水,切碎,好干淨,一條黃同爛都無~


黃帝菜仲幫我地分開左葉同莖,方便遷就不同煮食時間。


最後黎一個飽肚的,呢D係四川紹粉,係薯粉的一種
質感好滑,煮熟後會變透明
比較煙韌,唔會煮爛
配合麻辣湯底食,越食越有味,越食越起勁~

食火鍋的地方很多,這裏地方坐得超級舒服
服務亦很好,叔叔姐姐都好有禮貌~
抽風都不錯,唔會成場煙霧彌漫。

火鍋英雄Hot Pot Hero
銅鑼灣駱克道491-499號京都廣場三樓

如要聯絡本人,請電郵至: smonkichi@hotmail.com

留言

這個網誌中的熱門文章

灰甲小知識 ~ Emtrix®安甲適®

帶女女徹底驗眼 ~ 理大護眼中心

輕輕鬆鬆踢走肚腩~ 【Kakki 活気-腹周燃燒 EX 錠】