爆瀉丼~ 丼瀛 J-city

官塘的工廈,真係百花齊放
食極都有新驚喜~
註:我已經成為朋友間的官塘詢問處,成日問我官塘有咩好食~XD 

今次,就想介紹下呢間最近去過既
丼瀛 J-city
(丼 讀 "噹 "呀)


呢間鋪係間係正APM 後面條街,由APM一穿出黎就到 (如果你識)
好方便,唔使行到好入好遠的海皮個邊

店鋪入面都以日式裝修為主~

而且佔地都唔算細,枱櫈又可以自由組合,一大班人都OK


有番5-6個朋友,更可以坐入呢間半開放既房 
(半開放係因為上面有個窿囉) 
而且仲唔使另外收費架~


此外,呢度仲有個大大的露台
又有風,又有景~
可惜當晚有D凍,唔係既話,老公一定坐出面呀~


這塊玻璃,盡顥老闆的幽默~XD


第二個賣點,呢度做緊開業優惠
龍蝦刺身爆丼又大碗又抵食, 只係賣緊 228
其他丼,都係講緊百多蚊鬆d
(絕對滿足香港人既心態,大件夾抵食) 


開始以為佢送錯,都未叫野食就有菜上
原來呢個炸物係前菜黎架
係炸三文魚黎,味道酸酸地,好開胃
第一次食咁樣的前菜,真係好特別喎~



今晚同老公食飯,俾D好野佢食下啦~XD

中吞拿刺身~

食件刺身者,咁有仙氣~必影打咭位呀~


淨係望住D分怖均勻, 縱橫交錯的紋理,就已經感受到個份油脂滿口的甘香


入口果然不失所望,味道鮮甜~肥腴適中~ 
入口有少少冰凍,再放暖一陣食會更回鮮~

久仰大名的海膽杯
終於見真身了

北極光海膽杯

高腳杯內放滿了不同的材料,砌得實實的~


最吸引,當然係杯面上那2塊超大加拿大海膽
還有一埋黑黑的魚子和橙橙的三文魚子~
墨綠的沖繩海葡萄爽爽脆脆的,中和了的海膽的膩
不要錯過了那片脆脆的餅,是由魚乾仔燒烤而成,很有心思和心機呀~


這杯是餐廳的招牌菜,來自網上的資料 "老闆樂師傅是國際北極光協會的香港區大使,
他為了這活動創作了幾款菜式,「北極光海膽杯」,真係別具意義呀~

  除了面層的各種魚子,原來裡面還有松葉蟹、蟹膏豆腐、海膽豆腐和紫薯等,
七彩繽紛,淨係睇顏色都食慾大增呀~
不同的食材,不同的口感共冶一爐

看似平常的橙色三文魚子,由店家自家醃製
竟然有一股清香,比起坊間的死咸魚子,這款顯得尤其鮮活香甜~


係啦係啦,就係呢個爆丼啦~

呢個滿到瀉的丼只係賣緊 228
每日限量六個,朝早賣哂,夜晚就無架啦~
今日好好彩俾我食到~


一拎出黎已經感受到要爆出黎個種威力
原隻龍蝦加有多款刺身,多到好似跌出黎咁~

最吸晴,當然係呢隻大龍蝦
原隻上架~ 
自己買都要百幾蚊啦~
而且蝦肉爽口,並唔係雞雞貨~


再來的刺身,我都數唔到有幾多款
每款刺身都係原片厚切,鮮甜肥美


連個北寄貝都靚過人,唔單止肉厚爽甜
師傳仲將佢切開扭花,好有心思呀~


刺身下就係大大碗的飯,飯粒用上圓圓的珍珠米,口感帶黏性
師傳醒目的加上青瓜粒,口感變得清爽~



呢度,其實已經食左一半架啦~ 
係咪超多呢~@@ 
基本上,呢個丼要2個人先可以KO得哂

我仲用丼上的紫菜個刺身整左個迷你手卷~XD 


唯一要彈下就係個飯醋味唔夠,變得好快飽滯
飯味酸D,我應該可以再食多D~XD 

我有問過經理,咁大碗丼,又咁多飯,咪好易飽
作為生意人,咁快質飽個客,唔係好啱數
佢話因為老闆跟足傳統,丼一定要爆,少D都唔得~
好有堅持~XD

呢度雖然係居酒屋,但佢既串燒又唔係主打,不過老公話想試下,就叫左三串

水準有驚喜

賣相,已經加分,每片肉都燒得好均勻
面有少少脆同焦香,但入面依然飽滿帶汁

牛舌好爽口


呢個秋葵真心好食,秋葵用上了細細的嫩芽,唔係老粗
咬落無渣,亦唔食一條條硬骨
燒過後,食落潺潺的感覺已經消退左好多
連我呢個唔LIKE食秋葵既人都覺得好食喎~


反而呢個燒牛肉就麻麻
燒既功夫同味道都無問題,仲有好濃的牛肉香
只係牛的質感有點爛爛地~


唯一可惜係幫襯當日未有酒牌,唔可以同老公對酌兩杯
希望下次再黎時可以再飲過~

丼瀛
J-City
觀塘巧明街109號榮昌工業大廈5樓A室


如要聯絡本人,請電郵至: smonkichi@hotmail.com

留言

這個網誌中的熱門文章

灰甲小知識 ~ Emtrix®安甲適®

帶女女徹底驗眼 ~ 理大護眼中心

輕輕鬆鬆踢走肚腩~ 【Kakki 活気-腹周燃燒 EX 錠】