新式概念 x 傳統美食 - 四季文昌
秋風起，又到大閘蟹和打邊爐的好日子
更是我的大日子，生日呢~XD
朋友帶我黎呢度，可以一次過滿足3個願望的地方~
大閘蟹，打邊爐，慶生~
我係咪去錯地方？點解好似去左圖書館架？
呢度真係好多打咭點，迸棄了傳統火鍋的裝修格調，變得年輕化
除左裝修特別外，呢度仲超級大呀，有2個大廳
而且樓底夠高，打邊爐唔怕會煙霧迷漫啦~
每一個角落設計都花左唔少心思
夠新式之餘又提醒番大家餐廳的特色。
雀籠燈，令人諗起十二爺的紈絝氣呢~XD
一入門口就有成排的大閘蟹等緊我
呢D唔係來自問題多多的大陸蟹，而係來自日本呀~
第一次聽日本都有大閘蟹，感覺，好KAWAI 呢~XD
平時蒸蟹都係用紫蘇葉多，但呢度仲有其他創新選擇
包括菊花，龍井和薰衣草~ 愛嚐新的我真係款款都想試呀~
精緻的碗筷隔離，有一粒花生，剝花生應該係海南人的嗜好吧~
每人都有一盤預設的醬油，唔似廣東式既自己混醬
左手邊似係加入左雞湯而成的醬油，有少少油膩感
中間類似食泰式海南雞的醬，味道不錯, 配雞同食很能提升雞味~
右邊就係普通豉油，可以自己加入配料
配料有呢D，一堆的係姜蓉，但有D薄荷味，唔太食得慣~
呢度係文昌雞出名，所以先要一個雞煲呀
記得廣州也有條文昌街，專食文昌雞，遠近馳名
依家，文昌雞威到黎到香港啦~
成隻雞加椰子，放入煲內大火滾
滾多久？我地不知，交給這個沙漏吧~XD
這個時候，先來個飲品潤一潤喉
這樣喝椰子沙冰，還是第一次呢~
沙冰很幼滑，椰子味很香，不太甜，非常適合打邊燼伴喝呢~
朋友的菠蘿沙冰，賣相同樣精美，很有熱帶風情
這個菠蘿沙冰，甜中帶少少酸，很開胃~
今天的前菜，就係這個來自日本的大閘蟹呀~
蟹約3-4兩~ 蟹身帶有光澤，肚皮也是白白淨淨的~
這個龍井蒸，真的跟隨龍井葉上呢~
入口時真的有點點茶味呢~
朋友的菊花蒸，配上幾片菊葉，頓添雅興
3款蟹都係蟹乸，在這個九月時節來說，蟹膏也不算少了
膏香未算很濃，十月打後應該更美味~
KO 了大閘蟹，雞煲也好了~
先來一口椰子煲雞湯，清甜得很呢~
雞肉嫩滑不說，就看那層雞皮，沒有肥膏之餘還超級爽口
海南文昌雞果然有料到~
雞煲食完，雞湯還可來打邊爐呢ق
餃子，一看都知係自家製的
還像剛包好便送出來的樣子呢~
每隻都塞得滿滿的，
韮菜餃的韮菜佔了九成，非常合我呢個韮菜控
蟹粉鮮蝦水餸， 滿滿的蟹粉，新蝦爽口彈牙
不用再點其他醬料已很美味~
打邊爐又點可以無牛呢？
再來這個就四季牛肉拼盤
包括有手切安格斯牛頸脊，A4和牛肉眼, 黑安格斯牛小排，牛舌粒，生舌長切，牛柳粒
牛舌粒超爽的說
牛小排很淋淰
A4和牛肉眼入口即溶
安格斯牛頸脊很濃的牛味~
整個牛拼盤都非常吸引~
日本直送野菜籃
每棵菜都新嫩脆綠，雖然很飽，但我們都把這個給KO了
海膽蟹粉煲仔飯
超大一窩，金金黄黃的，很有遍地黃金的好意頭
海膽和蟹粉已混合在一起，分不清你我
但入口仍會食到甘甜的海膽味
是夜真的非常滿足，不僅能食到來自日本的大閘蟹
也食到了爽脆嫩滑的海南雞
最開心，還是你們的心意呢~
四季文昌
Coco Kitchen
旺角荔枝角道33號百匯軒地下及1樓全層
留言
張貼留言