中日大戰放題~ 櫻花中日料理
約朋友食飯，最就腳當然係旺角
今日2個女人仔去左兆萬3樓
櫻花中日料理
呢間有日食，仲有中菜，啱哂我地多心的C9仔~
七點時，入座率得半場，到走個時發現滿哂座
原來呢度有分時段收費，8點半後就一路平落去~
大家都好精打細算下 😁
呢度除左有卡位，仲有一個半隱蔽式既房，
如果有得7，8個朋友，叫哂野食一齊起動都幾開心架~
呢度既飲品係自取，而且貨源充足，讚~
試過有放題係話得番d未雪既汽水，點飲呀大佬 ~@@
飲品種類除左汽水外，仲有一系列既康師傳
有紅茶，蜜桃，雪梨，同埋番石榴，好新奇呀
我都係第一次見/飲，味道唔錯喎~
話明係中日料理，除左日式料理外，真係有好多中式菜架~
呢度既上菜速度真係一讚，超快就放滿成枱了~
而且收碟速度都係超快的。證明員工們都好勤力呀~
不過放食物上枱時最好輕力少少，同埋放埋少少，
唔係好易跌落地浪費食物架~
青瓜比想像中差，青瓜太淋，辣椒太油
雞肉串好ok,燒汁少甜
雞肉好淋唔干唔嚡~
燒菠蘿如果加少少糖水黎燒會更好
辣油煮螺辣味ok, 但d螺唔得，螺肉淋pat pat。
叫左2個沙律，本人鐘意食麻醬個個多d, 雖然佢d菜感覺唔太新鮮~
另一個日式蟹籽沙律其實都好清新爽口，不過落得太多沙律醬了
變得好溜 (可能我本身唔like食沙律醬 😅)
日式代表既刺身
刀功唔錯，厚薄適中，而且好欣賞佢將北寄貝卷起，好靚呀~
壽司飯醋味較淡，未能帶起鮮味，
整體的刺身好似放左係度室溫一段時間咁，
有少少缺水現象~
熟食方面似乎較好
羊扒唔un 唔膻
雞翼外脆內滑
炸三文魚賣相精美，不過我本身唔like食，覺得有少少腥~
同埋D骨真係骨，唔係脆個隻~
天婦羅炸物吉列粉漿幾脆，不過相對亦較厚身
同埋無左炸天婦羅個個汁跟埋既？
不過唔會好油膩，值得一讚~
八爪魚丸似番正常水準
呢個雞煲正呀，佢係堅辣的
如果唔食辣人仕就唔好點了
份量好多，2個人都真係食唔哂, 有少少浪費添~
雞煲香香辣辣，雞肉夠滑
如果可以加個爐黎打埋邊爐就正啦～
呢間餐廳主打係中，日
個人就比較鍾意佢既中菜部，色，香，味俱全
日式部份則有更多的改善空間
不過，以百幾蚊的放題，這個質素算過關了。
後記: 上菜速度真的很快，所以食完刺身，熱食都變涼了，這樣很影響食物的質素呀
建議先叫全凍野，食到一半再叫熟食會好好多呢~
櫻花中日料理
旺角西洋菜街1號兆萬中心3樓301號舖
Fanpge : www.facebook.com/smonkich
Instagram : https://instagram.com/smonkichi/
留言
張貼留言