入將軍澳食荳荳~

最近荃灣大熱的BEANS 終於係將軍澳popcorn開左分店
以一個商場食肆黎講,呢度都算幾大
好彩早d去,都係等2個人, 我地之後,人龍就開始出現了~


以商場食肆黎講,呢度既價錢算係相宜
一個主食都係70,80蚊度
仲可以加錢加沙律同cake
唔怪得出現人龍啦~

廚櫃放左是日甜品,就係可以叫主食加25蚊換的cake,賣相好吸引呀~

先黎一個 加20蚊的沙律
其實問心,加20蚊一個沙律唔算平囉
不過呢個沙律真係唔錯,菜好新鮮
醬又調得啱啱好,唔會成pat沙律醬溜死個隻~


呢度食飯係限時的,只得一個半小時
所以佢上菜速度都好快下,一陣已經上哂主菜
(還好佢既甜品唔會一齊上埋)

巴馬火腿,雜菌白松露油菠菜寛麵
HKD 98 
菠菜麵就無咩菠菜味,不過軟硬度控制得唔錯~
火腿亦無一陣噏味,不錯~



卡幫尼黑松露煙肉意大利粉
HKD 88
意粉彈牙,混合左卡幫尼白汁變得口感好滑
係最底既汁有少少過咸。


食完主菜,當然要食阿囡最期待既甜品啦~

呢個輕乳酪藍莓CHEESE CAKE 係阿囡去雪櫃位自己揀既
上枱時會係底加塊石頭碟同"BEANS"糖霜,即時高級左十倍呀~


賣相就WIN左,不過可能係輕乳酪的關係
CHEESE 既香和味道都感覺稍遜了~
口感就係NEW YORK CHEESE CAKE 個隻,唔係YOGURT 個種滑滑感 
食甜品,我還是愛原裝的甜
甚麼少甜,少糖的,就係欠缺了那種味覺的衝擊~

另一個就係朱古力窩夫加雪糕
其實窩夫有很多選擇,有紅豆抹茶,焦糖,草莓曲奇
但阿囡就係愛朱古力~ 
於是雪糕呢,我自私地揀了我愛的綠茶 HAHA~
HKD 45 


窩夫不是平時的格格,而是一個水泡咁
中間是空心的,放了一個雪糕球~
窩夫外不是脆,但內就實在鬆軟,感覺有點像雞蛋糕,亦沒有朱古力味
朱古力味可能係係指D DRESS 吧~ XD
綠茶係普通口味的綠茶,就係沒有苦澀的
囡囡當然很愛,我就有點兒失望~
ANY肥,呢個甜品 無論視覺,味覺,都係值回票值的~

跟餐, 其實係包一個飲品
當然唔係COFFEE OR TEA 咁老土
有蜂蜜檸檬/黑糖姜茶/美式COFFEE

平時夜晚食飯的餐茶飲檸茶,奶茶會瞓唔著
朱古力/好立克個D又好飽

BEANS 既跟餐飲品真係幾好,而且仲好啱女生飲啦~
味道嘛,亦沒有因為跟餐而變差
味道夠濃,不是稀稀的沒有味道那種~不錯呀~

當然,黎呢BEANS, 當然要試佢既立體拉花咖啡啦~
(我可是冒著夜晚失眠的危機去試呀~)
呢個拉花咖啡係特飲,不過點主食的話可以減8蚊
而且仲有好多味道揀架~



第一次飲3D 立體拉花,囡囡看到超開心
不停話要合照,叫佢食D泡泡啦,又話唔捨得食
雖然,我睇左好耐都估唔到佢究竟係貓定河馬
不過望住呢位咁得意既咖啡,心情都開朗D~

我呢杯係法式焦糖燉蛋LATTE, 真係夠焦糖
沒有了咖啡的濃香~換來是甜品般的甜美~

話說下單時沒有醒起,這杯COFFEE很早便到了,但我習慣飯後一杯啡
於是放到後來己變涼不好喝了~
如果幫客人落單時問一問甚麼時候上,就更好了~  

食品水準是不錯的
尤其甜品有很多選擇,有機會真的想再試埋其他~

唯一不LIKE的是感覺很趕
上菜快,收碟快,催著你食,催著你走
感覺食飯也不能放鬆呀~@@

荳子 BEANS The Backyard
將軍澳唐賢街9號PopCorn商場1樓F95號舖

如要聯絡本人,請電郵至: smonkichi@hotmail.com






SKIN CARE

Make Up

Food

親子