親子 飯店~ DIY 章魚小丸子


近年好多親子煮食DIY,蛋糕,PIZZA,
呢D親子DIY, 一黎就係要去到鬼咁遠既農莊
二黎加上親子後,價錢通常都有番咁上下~

想平平地又近近地玩下親子煮食
不妨去我今日介紹既呢間

大阪李朝園

呢間位於銅鑼灣鵝頸橋的韓日式食店~
主打既係 DIY 的章魚小丸子~

佢既格局同平時的小店差唔多
有一排矮櫈同一排高櫈位
如果帶小朋友黎,最好坐矮櫈啦~



話明係小店,座位上有少少迫擠,有椅背貼椅背的情況
都係土地問題啦~

枱面上一早已放滿左好多一枝枝的醬汁
呢D就係整小丸子的材料啦~

其實一入門口,已經見到好多關於小丸子的野
仲有成張POSTER 教你點整添~

當然,最重要係工具同食材啦~
工具就係呢個好似雞蛋仔模既鐵板
食材包括:泡菜,洋蔥粒,紅蘿蔔粒,章魚粒同埋木魚絲~

雖然有POSTER教點整,不過店員都好有心機咁講解一次~

1. 首要落油煮滾
2. 加入七成漿
3. 跟住按自己口味加入唔同的食材落去
呢個時候,小朋友就可以幫手啦~
D食材都係切哂粒粒,容易畢,又好玩~
4. 之後再加漿至全滿, 等佢燒熟
5. 轉起90度,再加入漿後燒熟就搞掂啦~
最後,加埋木魚絲同淋上醬就搞掂啦~

整出黎係咪似模似樣呢~XD



味道同出面街買個D一樣~ 睇黎,我都可以去開鋪啦~HAHA 

溫馨提示:落漿時要由一邊到一邊順住
咁就唔怕唔記得邊D熟左,邊D未熟啦~

燒得太耐個皮會硬同燶,會無咁好食架~

最開心係食呢個可以乙水到阿囡食洋蔥同紅蘿蔔



不過成盤小丸子都有成十八粒架,食哂都幾飽~XD
其實呢個小丸子仲有個2人套餐


除左一盤小丸子外,仲有跟一個飯 同一個小食

雖然飯都係跟有泡菜,但只要拎開佢就唔辣架啦~
小朋友都食到


呢個石鍋好堅架,好快D飯就會變成焦
所以要快手加醬搞勻佢~
隨飯有跟韓式拌飯醬, 不過我就覺得呢隻醬太甜,唔夠辣~
基本上呢度既辣味都好溫和,就算係泡菜既辣都好輕微~

之前因為怕阿囡食唔到石鍋飯,小食就叫左呢個
火腿芝士飯卷~ 好啱小朋友食
除左火腿同芝士啱小朋友口味外
就連D飯都係軟軟地~
阿囡自己一個人食左六舊~ 食左成碗飯啦~@@


呢度除左韓食,其實都有好多日式食物
我就叫左個鐵板燒帆立貝~
上枱時鐵板唔算熱,D帆立貝就太淋了,一D都唔彈牙
不過只係四十幾蚊咁多隻,味道都唔差,算抵啦~

呢個咁新鮮好玩的DIY ,好適合一家大細去玩
最重要係價錢唔貴,平平地就有得親子
又有得玩,仲有小朋友最愛的章魚小丸子~好滿足呀~


大阪李朝園 Richouen
銅鑼灣駱克道447-449號中威商業大廈地舖

如要聯絡本人,請電郵至: smonkichi@hotmail.com











SKIN CARE

Make Up

Food

親子