環境完勝~

五一黃金週長假,和囡囡的同學仔睇完話劇
行行下就行到去北角
 
行到攰攰地嘛,當然要搵地方食野啦~ 


離遠見到呢間門面幾靚咁,就行埋去睇下
原來係一間舊式火車主題餐廳黎
啱哂小朋友啦,即刻入去

呢度既裝修幾有特色,有唔少舊火車的配件攞設~

 

至於價錢就普通西餐廳價錢
有得MAIN COURSE 加錢轉套餐
亦有2人套餐 HKD288 及HKD428 2款


我地2大2小,就揀左個平平既$288 2人套餐再另叫一個散叫雞翼~

雞翼三重奏


有三唔同的味道
玫瑰味,有玫瑰乾花係上面,充滿了玫瑰的香味,就連糖漿都有玫瑰花味,
又香又甜又脆~ 2個小朋友食唔停口


檸檬雞翼,有香香的檸檬味,還有蜜糖的清香,很滋味
水牛城雞翼 就有點兒奇怪,皮變淋了,而且也不辣不咸~

先黎2個跟湯的包
竟然係牛角包呀,2個小朋友見到超開心,我見到都好有驚喜


包是暖的,很軟,亦有很香的牛油味。

湯係薯仔湯,有D似KFC的薯蓉咁~ 


蕃茄手工肉丸

肉丸彈牙,有肉味,有嚼勁,好味過 XX傢俬個D啦~
蕃茄加芝士都~ 少少酸中和少少芝士的溜~


帶子卡邦尼長通粉


呢個醬汁唔似平時的白汁,長通粉有少許硬,同埋個質感都幾粉
比想像中失色了~

唔知點解由個湯到個意粉,D食物都唔係好熱,
唔似啱啱整起咁熱辣辣~有D奇怪~

而呢個松露PIZZA 就係最熱個個,應該都真係啱啱整起~


薄餅底,個餅底好脆
黑松露醬都好不惜工本,如果鐘意黑松露醬的就開心C
黑松露配個菇都幾香,
不過原來係D餸底仲有個類似磨菇汁的獻
如果將呢個配搭配意粉應該幾野味
但加落個PIZZA度有少許奇怪~

梳打, 唔記得係咩梳打,因為係朋友叫的~


SO FAR 朋友無投訴,飲哂,應該係OK的~XD

十勝紅豆奶茶


奶味好重,茶味略嫌太淡
因為少冰,所以感覺幾濃
紅豆煮得幾爛,亦唔算太甜
不過不失

跟餐的甜品

士多啤梨奶凍
士多啤梨醬香甜,奶凍很滑,唔死甜

總括呢間餐廳似西餐格局幾靚

不話少嘈似街坊茶記,唔係平時靜靜地個d cafe

食物賣相唔錯,但味道食材有進步空間

La Kaffa
北角明園西街2-6號明苑中心地下4號舖
TEL :3153 2972

如要聯絡本人,請電郵至: smonkichi@hotmail.com




SKIN CARE

Make Up

Food

親子