學生價的韓食 ~ JK Brother's

阿媽今晚去左玩,我呢D無飯煮婦唯有出街食飯啦~
當然,又係官塘工廠區啦~ 
JK Brother's 


今次食韓野先~
工廠區既餐廳真係間間都咁大,又寬敞~


裝修以木為主,不論牆同枱都係用木~


呢個水管造型既單車燈又幾得意喎~



呢間韓間餐廳都好多野食
而且價錢比以前食既韓食餐廳都平


一個晚餐,講緊只係68蚊,真係好抵呀~


呢個既DRINK LIST 都好有特色
五顏六色,好靚呀~
而且,一JAR 既價錢只係68蚊~


叫左個墨爾本的翡翠
好夢幻既顏色呀~ 


仲可以俾阿囡學到 黃加藍,變綠添~XD 


呢款係菠蘿味特飲,感覺好似細個食既菠蘿雪條~

先黎一個芝士年糕~
HKD 24 


外皮炸得香脆,有D似平時食既咸水角皮
入面包有軟軟的,溶了的芝士
芝士味不算太濃,但很煙韌~


只係皮有少油,最好吸下油先食~ 

再來呢個,餐廳的招牌菜


芝士果醋醬烤雞


炸雞以鐵鏟盛載,符合餐廳工人既主題


原來呢個鐵鏟仲有實質用途架~
佢可以成個直接放係爐上面燒~ 燒溶D芝士~

工作人員會幫我地燒溶D芝士
將D芝士拉絲,長長的,再捲住雞
好似睇緊佢表演咁~HAHA 


燒雞加入左果醋醬
酸酸甜甜的,很開胃, 亦無咁溜,食多2舊都唔怕
最鐘意佢伴有大量的生果/洋蒽等蔬果配料,
可以中和食肉的飽滯感~
雞肉有D係帶骨的,所以很嫩滑,唔似一舊舊雞胸咁嚡霎霎


跟碟仲有韓式年糕
不過年糕感覺好膠,好韌~唔知係咪煮得唔夠時間~


本黎諗住叫芝士熔岩蛋漿炒飯~ 
原來呢個飯係泡菜炒飯底
工作人員見我地有小朋友,好醒目咁提一提我地,
好彩者,唔係就餓死阿囡啦~ 

在工作人員介紹下轉左呢個
~工人的革命~
HKD 68 

因為革命,所以要食好飽
因此,個飯係成個湯碗咁大呀

最可愛係加埋2隻用春卷皮做的鏟
真係可以食架~HAHA ~


飯有紫菜/蟹子/粟米/青瓜絲/肉鬆同沙律醬~ 
將佢撈混後食
味道好清新,剛巧食過濃味的炸雞,再食番呢個就好MATCH~


阿囡自已一個食左半碗~@@ 
仲叫我回家依樣葫整俾佢食~HAHA 

呢間韓式餐廳係我食過咁多間韓食中價錢最抵的~
68蚊就可以食到一個晚餐

而且味道係美味的,唔係食垃圾~ 
家下呢個時勢,真係好難搵到~~

JK Brother's
觀塘開源道54號豐利中心5樓507室


如要聯絡本人,請電郵至: smonkichi@hotmail.com





留言

這個網誌中的熱門文章

灰甲小知識 ~ Emtrix®安甲適®

帶女女徹底驗眼 ~ 理大護眼中心

輕輕鬆鬆踢走肚腩~ 【Kakki 活気-腹周燃燒 EX 錠】