估佢唔到咁出色~NON-KITCHEN

星期六同阿囡學完英文
近近地去左舊公司隔離既餐廳開餐

NON-KITCHEN 

呢間餐廳既門口勁細,唔留意都好易錯過~
但估唔到上到黎係勁大
據說呢度有5000呎~@@


除左一個大廳外,仲要另一邊的偏廳
最癲既係竟然有張乒乓枱~XD 仲有飛標板添
我估老闆原意係俾大家中午食飯時間有得郁動娛樂下~
(大陸工廠食堂好多都有呢D~HAHA) 


呢度好鐘意用黑板寫字,換MENU 可以擦,幾環保~

就連廁所門口都整得好靚呀~ 


今日黎呢度係食SEMI BRUNCH~ 
每位 168, 仲要免加一

沙律/熟食BUFFET + 一個MAIN COURSE
最近好似都好流行SEMI - BUFFET這種做法,我都食過幾間~


沙律方面,中規中舉~
粟米混入左藜麥,有D 驚喜~

呢度既冷盤拼盤種煩唔算多,普通野啦~

估唔到前菜任食竟然有煙鴨胸~
平時食個煙鴨胸意粉都係得3-4舊仔,呢度係俾你任食
而且鴨胸處理得唔錯,生熟度剛好


另外的熟食都幾有驚喜~
有Benedict 和小棠菜~  真係估佢唔到~ 


不過個煙肉就認真麻麻,全瘦得黎又勁硬~

PIZZA 望落去感覺都係麻麻,同埋放耐左,個底淋左~ 

跟餐可以轉特飲 (半價)
我囡揀左呢個美人魚
(芒果橙汁雪碧特飲)

一上枱,嘩嘩嘩,呢個20蚊真係加得抵呀~

飲品放係一個類似金魚缸的器皿度,好可愛~
最重要係,佢有燈呀,燈仲識轉色架~好夢幻囉~@@ 


就連飲品入面的士多啤梨都係心型架~冧爆~
味道似平時飲開FRUIT PUNCH~
但份量,係超多的~ 

朋友的水果茶TEA
綠寶石
朋友叫左少冰,感覺有D甜左~茶味太淡,唔係好飲到,
覺得可以加多少少茶落去,有d 茶味既after taste~


但呢度既特飲餐牌只得名, 綠寶石,戀愛世紀,其實都唔知係咩~@@ 
建議寫番入面有D咩 會易ORDER D~

跟湯的飽都有賣相又有水準
就咁睇呢張相,同五星酒店出品係咪一樣呢?


呢個青豆湯就認真GOOD~
好清香的豆味,湯亦好CREAMY~ 加有豆蓉混合,增加口感~
濃淡稀稠都好適中~
連一向唔食菜既囡都鐘意飲呢個豆豆湯~ 

主角出場
2款扒既賣相真係好有驚喜
老實講,初上黎呢度,我真係唔EXPECT 有咩高質既扒食~
但一見呢個賣相就知係好野~ 
勁有大酒店功架~
未放低已經聞到陣陣好香既烤肉味~

炭燒美國天然飼養帶骨豬扒 (配紅酒洋蔥)

清晰有致既格仔烤紋,係咪好似影餐牌個D相咁~ 


豬扒係用鹿兒島的黑豬肉,嫩口之餘亦有肉既纖維和質感~
肉質仲好粉紅,好吸引~


呢個紅酒洋蒽真係超正呀~
甜甜地咁,開頭無為意,覺得好似紅菜頭之類既蔬菜
原來係洋蔥,無左洋蔥既辛辣但保留既洋蒽甜味~ 好得呀~ 



希臘式紐西蘭羊扒

朋友既烤羊扒,平時都係得2塊度,但呢度竟然有3塊~

同樣的烤得好香好靚~

生熟度一流,外層熟哂,入面仲係嫩滑的粉紅,但又唔會血淋淋


羊無好勁既羶味,但食到羊味~ 

呢度既扒真係超水準之作,好有大師級既手藝
後尾走個時望到出面既雜誌介紹,原來呢度既廚師係五星酒店出身
唔怪得啦~ 火喉完全拿捏得好好~ 十足功架~

嘆完個扒就上埋跟餐既甜品

個甜品,又係另一個驚喜~

呢個格仔窩夫,本身已經係一個可獨賣的甜品
出面食個呢D講緊係58蚊~68蚊~


呢樣都仲未算~ 窩夫並唔係普通的淨窩夫
而係入面暗藏大量熱辣辣的吉士


那種冷熱交煎的感覺,超級爽呀~ 
整個甜品都唔係太甜,食完都唔覺得膩

估唔到係官塘工廠都搵到酒店級既扒食
而且價錢仲唔係貴,百幾蚊一個 SEMI BRUNCH~
前菜+熱盤 老實講可以不要
由頭盤既飽/湯到尾既甜品,完全同出面五百幾蚊一個餐既水準係一樣~
真係隱世~


提外話,呢度既員工個個都好高大靚仔~XD
而且仲好NICE, 服務又好,講野又有禮貌又斯文
搞到我呢D姐姐紅都面哂~XD


Non Kitchen
觀塘鴻圖道12精棉工業大廈1樓

如要聯絡本人,請電郵至: smonkichi@hotmail.com





SKIN CARE

Make Up

Food

親子