飲湯新潮流~ Sourpb
星期六，放假的日子，相約朋友到上環文青一番
下午三點三，打算食個輕盈的，找到這間喝湯
Souprb
簡約的設計
SIMPLY IS GOOD ~
話說當時都已經係下午3點
午膳時間都過了大半
但為何仲咁人頭湧湧？ (之前仲猜測有冇生意添~@@)
入到黎呢度，地方的確少迫
但唔知點解，好似去左朋友屋企食野咁~XD
可能係OPEN KITCHEN 和長餐枱
感覺都好隨意，好NICE 的~
除左年青人，當日都見有唔少AUNTIE / UNCLE 黎幫襯喎
又真係估佢唔到~
係度想多謝2位讓出座位俾我同囡囡既AUNTIE/UNCLE，佢地去坐左高櫈
真係唔好意思。再次感激~
MENU 好似好複雜
其實不難，只要揀好一個SET
再跟住SET 去揀湯/STEW/DRINK 就 OK
(SALAD 暫時得一款, CAESAR SALAD)
WEEKEND 更有BRUNCH SET添～
飲品方面，除了普通的飲品外，
最吸晴當然是這幾款SIGNATURE 冷搾果汁
看圖識字，睇圖就知有咩生果MIXTURE啦~
(48蚊/杯 ，跟餐加30蚊)
真係睇住佢用新鮮蔬果放入後面個慢磨機度磨出黎的~
飲品完全隔渣，無人工糖，好清甜，就連冰都無, 但又飲到涼涼地
好健康又好飲 (而且份量仲唔細)
朋友的 ORANGE RELIEVER
由橙/甘荀/紅石榴
橙味較濃，過後飲到淡淡的甘荀味
我囡叫的RED REFRESHER
西瓜/MINT/ LIME
因為有MINT，飲落清清涼涼，就好似飲雪凍左既西瓜汁咁~
叫了一個STEW SET ( 88蚊)
點了CLAM CHOWDER /BEEF CHILI CON CARNE
湯有五款可揀，其實本身想點另一個磨菇湯，但點錯了~
錯有錯著，囡囡很愛這個湯~
湯內有大大隻蜆肉/仲有一D蔬果粒，中和CREAMY的餓滯感~
好滑，亦好奶~ 唔會成口麵粉水咁
我覺得似汁多過似湯，因為CREAMY 度超高的，
杰過平時飲開的白湯，反而似白汁多D
亦因為咁，好好送飯~XD
呢度既白飯口感煙韌，軟硬適中
用埋個白汁一齊食，阿囡一個差唔多食哂成碗~@@
STEW其實得兩個揀
一個CURRY CHICKEN/ 一個BEEF CHILI CON CARNE
CURRY 阿囡唔食得，咁叫個BEEF啦～
不過原來個BEEF 都有少少辣，囡囡食唔到~
呢個BEEF 其實係肉碎MIX埋好多洋蔥/豆/蕃茄粒
好有印度風味~
用黎撈飯都認真一流~
(不過D飯差唔多俾阿囡食哂~@@)
我同阿囡2個人一齊食呢個stew set 加杯冷搾果汁都夠
阿囡應該係10成飽，而我都有七成飽~
之前仲驚飲湯會好餓，但原來咁豐富~
如果唔LIKE 飯，可以叫 SALAD SET
SALAD SET 包括一個湯，一個沙律 (連飲品)
HKD82
呢個就係我本黎想叫的湯
PORTABELLO & CHESTNUT
有大菇同栗子磨成蓉再煮成湯
湯的SIZE 比我的蜆湯大，但亦比蜆湯稀
似番平時飲既蘑菇湯
第一啖，唔係飲到磨菇味，而係栗子既味好重喎~
估佢唔到~
湯入面有粒粒菇蓉同栗子蓉，有D咬口
跟餐的飽，有D實同韌~
要浸落湯一陣，等佢浸軟先好食~
沙律自己加煙肉粒同麵包粒
就連沙律醬都係自己加，可以自己控制熱量~
呢度既沙律醬幾好味，甜甜地，唔太酸
(但唔明點解沙律要用紙盒，用番隻碗OR碟會環保D)
之前同阿囡話去飲湯
佢即刻 "噢" 左一聲
我話，唔係婆婆煲個D，係蘑菇湯個D，佢先至開懷
的確，平時話去飲湯，都係以為飲中湯
好少會為一個西湯而黎~
當然SOUPRB 唔止西湯好飲
其他食品/飲品都好健康又好味
而且價錢又唔係貴~
不妨黎試一試最近的飲食新潮流
"飲湯"
Sourpb
上環蘇杭街100號地下
如要聯絡本人，請電郵至： smonkichi@hotmail.com
Fanpge : www.facebook.com/smonkich
Instagram : https://instagram.com/smonkichi/
留言
張貼留言