一人一鍋最開心~但馬屋 TAJIMAYA

APM 又開左新鋪,日日都爆多人排隊

但馬屋
TAJIMAYA


呢度食日式半自助打邊爐,見佢唔係貴,同女女去試下先~

成間鋪以白木為主,好悠和舒服~


地方光猛,感覺好乾淨衛生


半自助放題
每人一窩,限時90分鐘, 包飲包食
呢度主打係有質素的肉,有來自澳洲和日本的和牛,任食價錢就睇你揀邊款肉黎決定,有平有貴
肉都係任食的,不過就會由待應送上,唔係自己出去攞~ 


今日就揀左個中價既 249蚊
北海道夢之大地豚放題
 (小朋友只係109 ,抵呀) 

餐具設計都好靚,橙白色好醒目~ 

呢度每人一鍋,小童都有自己一個鍋
阿女可以自己玩煮飯仔啦~ 

湯底共有五款,都幾有特色
佢仲會教你配搭埋肉同菜,變成個SABU SABU添


我揀左甘露鍋
係甜豉酒湯底,真係幾甜,清清地,用黎淥野味道都甜D 


女女的意式蕃茄芝士鍋
呢個鍋就濃味好多,食到蕃茄的酸味,芝士味又唔算好濃
整個鍋味道偏重, 食完狂飲水~


坐低後,待應會送上一盤牛同一盤豬,食哂先可以再ORDER 

北海道夢之大地豚肉,花紋幾靚,薄切快熟


不得不讚下呢度既爐好夠力,好快滾~ 


牛係最普通的嚴選牛
沒有很多雪花,但入口依然嫩滑不痴牙


呢個就係自助櫃位,唔算好大~
但都有唔少選擇


混醬方面,有四款汁 (大阪黃金燒汁,酸汁,醬麻,醬油)


連個豉油兜和其他餐具都係一套的,很可愛~


至於任攞的選擇都唔少~ 


菜方便有羽衣甘藍同蟲草花,比較驚喜


仲有秋葵,蓮耦,萵苣,木耳等等...... 

而且每款樣子都乾淨新鮮~


呢度既響鈴都好鬆化,而且唔太油,推介推介


每人會有一個木兜出去裝野食,食完就用番個木兜去REFILL ~
呢度的自助食物無咩醬料,所以個兜都KEEP住好乾淨,唔會用到核核突突~ 

肉類就有魚肉同雞肉自己添


丸的選擇雖然唔算太多,但質素唔錯~
白魚蛋好彈牙,扁扁的炸魚蛋入面仲有芝士
豬肉丸都好爽口~


當然,仲有飽肚的麵食~



至於飲品方便,有呢D一樽樽的飲品
味道幾清,濃淡適中,亦唔會太甜
最重要係好夠凍~ 


仲有一個冰櫃放罐裝飲品,都係任攞


熱飲都有~ 


我地開動啦~ 



食飽飽,仲有Haagen- Dazs雪糕任食~


除雪糕外,仲有朱古力醬同草莓醬任加


呢度環境唔算好大,但迫得黎都算坐得舒服
設計乾淨企埋
呢度既待應都唔少,定時定候就會有人REFILL 都KEEP住好快,唔會無野食
以呢個價錢同食物質素,係幾抵食同好食既~

但馬屋 
Tajimaya
觀塘觀塘道418號創紀之城五期(apm)4樓22號舖


如要聯絡本人,請電郵至: smonkichi@hotmail.com


Blog Link : The Ztyle *  Beauty Qooza * She.com *  U Beauty *  Beautylife


SKIN CARE

Make Up

Food

親子