厚厚芝士玉子燒 ~ 一鳴燒 AMAZING BBQ
約了朋友銅記SOGO 交收，順便食個飯
SOGO 隔離既澳門逸園中心成幢都變左做食肆了。
見到呢間新開有折，即管上去試試~
一鳴燒 AMAZING BBQ
門口全木裝修, 好日式~
內部同樣都係木，無論牆，枱，椅，到地面都給人一種日式潔淨，整齊的感覺
雖然係BBQ 串燒，但完全無串燒的烤味~
配以落地大玻璃窗，可俯覽銅鑼灣最繁忙的地段~
餐廳佔地不少，有2邊，另一邊同樣好寬敞~
七點未到，我地係第一枱客人
(香港人收工真係咁夜~T.T )
串燒食物供應由海鮮到肉類到燒瓜果都有
價錢屬正常價，由最平廿十幾到過百都海鮮都有~
先來個冷冷的前菜
辣酒花螺冷食 HKD 48
48元價有成15粒花螺，每粒SIZE 都大過隻手指公，好抵食
花螺唔單止大，肉質都係實實的，而且每隻花螺都有肉架~
最重要係辣味的調味不錯，不是超級辣的那種，初食少少辣，但越食越有辣勁~
最近大熱的玉子卷，呢度都有唔少選擇
有明太子/鰻魚/蟹肉/帶子粒 不同餡料揀。
加芝士仲係免費, 當然要加埋啦。
我地最後揀左明太子玉子卷
HKD 98
成個玉子燒大約有成20CM咁長
厚度約有3-4CM ~
芝士雖然係免費，但滿滿的，一切開就流哂出黎~
明太子的份量都唔少，我地將玉子燒一開四，每塊都有2舊明太子
明太子咸味適中~唔會咸過籠~
蛋味唔算好濃，但都幾滯
2個人食，都飽左一半~
再黎燒腩肉
HKD 48
腩肉薄切，面燒得幾脆
因為薄切，所以肉汁唔算太豐富
同埋瘦味部份有少少乾~
香草燒羊架
HKD 72/2件
羊架羊羶味唔算好勁
不過落ORDER 時好似無講幾成熟，燒出黎後約六成度，肉質幾滑,
尤幸醃料唔太勁， 可以食到羊肉香混合淡淡的香草
但燒烤個隻肉感同質感就唔係好夠~ 如果再燒耐少少就更好~
京蔥雞肉卷
HKD 28
雞肉味略淡，反而京蒽味更突出
如果加多少少燒汁黎燒，效果更好~
雖然話係燒物，但食物上枱好快
可能亦因為咁，燒物好似燒得唔太夠火喉
如果燒耐少少，有個陣焦焦地BBQ香味應該更正~
一鳴燒
Amazing BBQ
銅鑼灣軒尼詩道525號澳門逸園中心10樓
如要聯絡本人，請電郵至： smonkichi@hotmail.com
留言
張貼留言