價錢抵食但仍須努力 ~ ~麵屋豚豚拍子
曾經因為人頭湧湧的嘉蘭圍，隨住利是商場的没落而變得冷冷清清~
好一陣子無黎尖沙咀的嘉蘭圍呢邊食LUNCH
今日約左朋友食LUNCH，見到佢GRAND OPENING
拉麵店唔算十分大，一面係開放式廚房~
呢一邊就係卡位，LUNCH 時間都幾多人~ 要搭枱
不過暫時等位都好快~
呢度既LUNCH 餐牌簡潔明快
有麵同飯，基本SET 再有追加~
追加既食物選擇都好多，除左一般日式小食，仲可以追加飯添~
枱面都放滿了不少的調味料~
最特別係呢個 " 香蒜辣油"
有很濃香的蒜味，加落拉麵度味道相當夾~
朋友點的白豚拉麵~亦係最基本的拉麵
HKD 62
豬骨湯底加上兩片日式叉燒~
另追加了一個溏心日本蛋 (一隻 12蚊)
註：呢度既拉麵本身係無蛋跟的~
溏心蛋好流心。蛋味都好濃郁~
而我就點左個辛 豚拉麵
其實就係白豚拉麵的辣版，湯底加辣~
HKD 68
2款拉麵的麵底都一樣，麵條幾煙韌~ 有淡淡的麵粉香 ~
那一條條細切木耳絲，為麵添上了爽勁。
2片跟麵的叉燒都不賴，厚薄適中，看似好瘦，但食落唔太O鞋~
呢度跟麵既配菜好正，除左有大量的蒽和木耳絲外，仲有呢D好正既荀
荀條唔止爽口，仲有好濃郁的荀味~
敗筆處就係個湯底竟然唔夠熱，唔知係放左耐上菜定太多人既關係
上到枱已經無左熱騰騰的蒸氣，食落其實都係熱，但唔係剛煲熱個種滾熱~
食拉麵，湯要滾熱辣先夠味道，唔夠熱的湯底真係要扣分
小食加左18蚊來個燒雞翼~
雞翼一開二，仲攤開哂黎燒
快熟又方便食~
有很香的燒烤味，雞皮燒得略乾，尤幸雞肉部份仍然算嫩滑~
另加 18蚊的餃子有4隻，都算抵食
外皮煎得幾脆，餡既味道就中規中舉啦~
跟餐有野飲的~ 以價錢黎講 68蚊包埋野飲，算係幾抵~
不過呢個熱奶茶就係行貨的茶包奶茶
下次揀其他可能更好~
其實上2個星期前我已經黎食過一次
個時應該未GRAND OPENING
還在試業階段，人流不太多
亦因為咁，水準反而唔錯，起碼個湯底夠熱
今日唔知係咪爆場做唔切，水準有D下降
希望可能KEEP番個水準啦~
麵屋豚豚拍子
Menya Tontonbyoushi
尖沙咀加連威老道嘉蘭圍22-22A號地下
如要聯絡本人，請電郵至： smonkichi@hotmail.com
留言
張貼留言