季節限定, 不時不食 ~ 鮨豊 Sushi Toyo

一直好鐘意天后D 街名,清風街,琉璃街
好有意境,好有詩意,仲好亦舒FEEL 
而且比起銅鑼灣,呢度顯得好幽靜,好閑息~
連帶開係呢度既小店都特別有氣質~

鮨豊  SUSHI TOYO 


門面設計已經十分日式FEEL 


入面裝潢一樣日系
簡單2塊紅簾,唔單止可以製造到私人空間
還有一簾幽夢的氣氛,心情都平靜下來


這裏除左有ORDER枱外,當然仲有最拿手的 OMASAKE~ 廚司發板

呢個枱就係整個餐廳的心臟地帶呀~ 


枱入面已經放左好多新鮮魚生等大家~ 



起筷啦~ 


今日叫左兩款Omasake

一款以丼為主,一款以壽司為主
Omasake 其實都即係季節限定既意思
因為師傳會揀選當做的食材入饌,不時不食
所以每次食到既都係當下最好的~ 

先黎一個很爆的前菜
白子 / 冰菜 / 蕃茄


白子,聽聞過,入冬時期係最肥美的,但其實未真正品嘗過 
估唔到入口很滑,似七成熟的蛋白。
味道清淡,師傳加上了少少的醬油調味~
 CREAMY 之餘亦無想像中咁漿口

冰菜加上少少醬油,口感很清新, 無諗過冰菜可以加入日式料理而又咁夾~ 

Sushi Toyo special set 
HKD 800 

主要有3款黑鮪魚壽司,蝦丸和三款丼~ 

賣相方面有D西日的感覺~ 
鮮紅翠綠的顏色配搭得很靚,七彩繽紛,令人食指大動~


三款黑鮪魚刺身由赤身,中拖羅,大拖羅
每款魚生片都色澤明亮,充滿光澤,當然要加上師傳好有心機的刀功呀~


赤身,中拖羅到大拖羅,味道由淡到濃,大拖羅,滿口油香,回味鮮甜~ 

烏魚子海膽蝦丸


烏魚子帶有的咸香,提升了蝦丸的海鮮味
蝦丸除左超級大粒外,仲超級彈牙
食到一舊舊的蝦肉之餘,仲有傾瀉而出的濃香海膽汁~ 


牡丹蝦刺身
富膠質的蝦肉配以爽口的嫩海帶,爽,滑兼而有之
再加上那D粒粒綠色的蝦子,口感更複雜有層次!


三文魚子丼

無錯,呢個係一個丼黎,以 DRY MARTINI 既高腳杯盛載
日式的三文魚子 下是飽滿的日本飯粒
有FUSION 菜的感覺


三文魚子SIZE 非常大粒,師傳早已把三文魚子調過味,每粒爽脆之餘仲帶有咸香~ 
含在口中爆開的一刻,就好似呷了一啖DRY MARTINI 般刺激~

海膽丼
超大的海膽放得滿滿的,幼滑無比,入口溶化,口內甘香久久未散~


黑鮪魚腩蓉丼一直都是我的最愛
腩蓉沒有切得太溶,還食到魚肉的質感
魚脂豐厚,滿口油香,還幸有香蒽的鮮味清新味蕾~


這裏的WASABI 也是鮮磨的
但那個酸姜我更要推介,都是師傳自家醃製的
超嫩,無渣,好似荀芯般嬌嫩的口感,一試難忘~ 


另一款的套餐
有10件師傳發板的壽司和一個手卷
HKD 880

先來一個牛鰍魚配梅醬
平時阿媽會買牛鰍煲湯,但咁樣食牛鰍真係第一次
估唔到牛鰍魚的味道比想像中清淡好多,配上梅醬一新口感


有成5CM 厚的帆立貝一開二,配上清香柚子汁,實在忍唔住要放左入口先
所以相都唔記得左影~@@ 

鰤魚
呢種魚都算係油甘魚的一種,係油甘魚的成長版,平時都唔常有得食
冬季正是鰤魚的當造季節,佢和油甘一樣都係肉質彈牙而油脂豐富
甚至比油甘魚既油脂更豐富
食完一舊後,滿滿的油香在口腔內徘徊良久~


剝皮魚 配酸汁啫喱
剝皮魚細個成日都食,但近呢幾年反而少見左
魚生食法就真係第一次
呢個做法有D份子料理的概念,將剝皮魚混合左香草和醬,將酸汁製成啫喱
成個感覺,好似食緊沙律~  


花竹蝦
超大的一隻呀,平時通常都係食牡丹蝦多
估唔到花竹蝦的肉質比牡丹蝦更實在


鯖魚加上昆布和姜蓉,味道即刻變得多變,姜蓉更担升了鯖魚鮮味~
比起其他魚生,靖魚多左一份咬口的質感~


火炙鰈魚邊 (左口魚)
用左鰈魚的邊邊,經師傳火炙後變得半熟
估唔竟然肥美非常,仲好似食緊魚雲咁滑


再黎一個海膽壽司,整片厚厚的海膽
和海膽丼一樣甘香幼滑~


話說,幾年前開始香港食到的海膽,都有一陣難聞的味道
唔知係種既問題,定係處理問題,所以呢幾年都少左食海膽~ 
不過鮨豊的海膽非常鮮甜美味,令我又回想起係北海渡食海膽那種鮮味~

最後再來一個吞拿魚手卷,細細份,但紫菜夠香,吞拿蓉夠滑

不得不讚下呢度既壽司飯,用上日本米,煙韌有口感
少少醋味帶出了本身的飯香~ 
唔會過酸搶左魚生的鮮味~ 作為陪襯,真係非常稱職~ 

甜品的小小蛋糕也是自製的呀,沒有麵粉,像日式千層蛋糕的實實的口感
但有很濃的蛋香~ 


最後一個"吸" 即係湯
本以為係普通的昆布或紫菜湯
估唔到係一個如此濃郁的魚湯
無味精,無添加,如奶般滑的口感,像喝上了千萬條魚的精華~ 



尾隨的甜品亦很精緻
本以為要先食水果再食奶凍
但師傳話要食左奶凍先,原來個蜜瓜係超甜超水潤架,唔怪得~


奶凍係金鉑日式紅豆配綠茶奶凍,當然又係自家出品
甜味很清,奶凍好幼滑,比起很多甜品店還要好食~


另一個餐的甜品,蜜瓜換上了雪糕~


原來係豆腐雪糕黎,凍凍的口感配合濃濃的豆香~
淡淡的清甜口味~


臨走時見牆上掛有一張證書,寫明所有材料真係堅日產架~


食一餐Omasake雖然價錢唔太平民,但整晚都由師傳為你專人服務
睇住你食野既進度黎上菜,食得舒舒服服,唔怕趕頭趕命~
除左食到一D獨特的食材,仲食到D有水準的用料

生活咁辛苦,耐唔耐對自己好D,食餐好既都好應該啦~

鮨豊 
Sushi Toyo
天后琉璃街4號地下

如要聯絡本人,請電郵至: smonkichi@hotmail.com





SKIN CARE

Make Up

Food

親子