水準以上的工廈餐廳~ Bro's Cuisine

星期一的夜晚,媽媽唔煮飯
於是又出街食飯啦~HAHA 

今日黎呢間,真係好有文青FEEL ~ 

Bro's Cuisine 


就連一D小擺設都好精緻可愛~ 


餐廳唔算非常大,但係感覺非常寬敞開揚~ 

呢度包場最低5000蚊起,一星期前訂定就得


餐牌黑底白字,有型有設計~
由前菜,小食,主菜,甜品,飲品一應備全。
價錢都算大眾化,由幾十到百幾~
一個MAIN COURSE 都係百幾蚊度~


仲有每日推介


呢度採取開放式廚房,可以見到一眾忙碌的大廚埋頭苦幹~ 


唯坐得太近廚房的位置,可以會有少少油煙問題~

先來一個士多啤梨YOGURT
HKD 38  

首先份量係超乎想像的大杯~ 


YOGURT 是想不到的幼滑,冰塊都被打得全碎了,完完全全融合在乳酪裏
士多啤梨味是超清新的,因為是新鮮的士多啤梨打成呀,還喝到那些士多啤梨籽籽呢
味道係超鮮甜,但是生果的新甜,不是死甜~
這杯乳酪,我俾滿分~ 來這裏一定要必試~ 

帕爾馬火腿野菌意大利粉
HKD 108


火腿有好多,鋪滿成個意粉面~ 
意粉入面都好多料,混和左唔少既野菌,茄醬加有香草,味道很清新


就是意粉質感淋左少少,煮少半分鐘應該會更彈牙爽口。

西班牙辣肉腸薄餅
HKD 118 

呢個PIZZA 的份量唔細~ 應該有12吋或以上~


而且那個芝士更是滿滿的~ 芝士濃香而不膩~


薄餅底係脆脆的乾干底~而且唔會好快變淋~ 
呢隻辣肉腸唔算辣,有似D潤腸的質感,我麻麻鐘意,不過呢個就個人口味啦~

是日推介
西班牙黑毛豬架  HKD168

最近出街食扒,我都首選黑毛豬
牛扒唔係間間餐廳都HANDLE 到,反而黑毛豬水準還可以

今次呢個黑毛豬依然有水準~

鮮嫩的粉肉色很引人~
外皮烤得香香,內裏依然肉汁飽滿~ 

配菜方面值得一讚,但薯仔片處理得好好
香香的外皮但有滑滑的薯肉~
就連平時少食薯仔的我都覺得好好味~


我試左薄切同厚切既食法,個人認為厚切更能突顯黑毛豬的爽口彈牙特質~


少少意見,上枱時個汁太多了,浸住左個豬扒,而且成PAT 汁既賣相都麻麻
或者可以用汁淋幾下,剩番汁再另上,成件事可能會更美好~


最後的甜品,係免費架~ 
呢個焦糖雪糕同個糖漿都係餐廳自己整架~ 
雪糕同糖醬既焦糖味都出,不過2者加埋就有D過甜,
如果雲呢嗱配呢隻糖漿或黑朱古力醬配焦糖雪糕可能會更適合。
底個蛋白餅好脆脆又好香,估唔到送既雪糕都有蛋白餅,都係一個驚喜~ 

呢度既仲有主打甜薄餅,可惜今日太飽食唔落,下次會再黎試下


一間餐廳有冇用心做,其實好睇得出
呢間餐廳無論環境同食物都好出色
以上意見只係希望佢地做得更完美,加油呀~

Bro's Cuisine
觀塘成業街19-21號成業工業大廈2樓13室

如要聯絡本人,請電郵至: smonkichi@hotmail.com

SKIN CARE

Make Up

Food

親子