毒你唔死再黎過~ 蜂毒緊緻抗皺隱形面膜
大陸乜鬼都有毒，最近單新聞連跑道都可以有毒~
點解D強國人可以黑心到咁
毒死人，你自己仲可以晚晚瞓得安樂咩~ ><
話說回來，如果懂得用，其實毒都可以造褔人羣
就好似近年興起的蛇毒美容
家下仲出埋蜂毒添~
Timeless Truth
蜂毒緊緻抗皺隱形面膜
咁又唔使咁驚，佢既毒其實是嚴選自韓國的Bee-Tox蜂萃，再加上蜂巢複合精粹、蘆薈、傳明酸與海藻呢D天然材料混合而成，能全方位緊緻肌膚彈性，仲有增強保濕及亮澤肌膚的功效~
再將精華合"冰羽灵"面膜，以逹到更佳的效果
"冰羽灵"面膜是咩？其實係生產於日本宮崎縣生產之冰羽靈隱形布膜，以比棉花更細緻的棉籽絨為原料製成，可將精華液有效滲入肌膚，使肌膚保持青春活力。
估唔到一盒台灣出的面膜，竟然係用韓國的原料同日本的出品，都算是亞洲大同了~
每一盒面膜入面有5塊30ML 的獨立包裝面膜~
可以隔日用，亦可以天天用~
每片面膜後面都印番哂所有產品資料，仲有出產日期打左係度，
唔怕掉左個盒就咩都唔記得啦~
袋入面因為包裝停留左一陣，所以會有黃色的少少精華係入面，配合番蜜蜂的形象喎~XD
我會先將呢D精華搽上面按摩下再搽面膜，唔好浪費嘛~
其實只要係擺塊面膜出黎之前搖幾搖，按幾按，塊面膜其實係可以吸收哂D精華架~
面膜有3層，當然我地要敷既只係中間薄到透明個層"冰羽灵"面膜啦~
因為好薄，所以最好跟住佢指示
1 先撕出珍珠膜
2.將成塊MASK 敷上面
3. 最後先將藍色個層撕走
因為太薄，如果一下子將前後的紙撕走，塊面膜貼埋左一齊就好難撕番開啦~
可以見到呢款"冰羽灵"面膜是好透薄, 所以貼面度好高
眼，鼻剪裁位都唔錯，係嘴個度有D細，可以敷埋上唇囉~XD
呢款面膜同好多台灣面膜一樣，都係以水潤為主，即係D精華感覺好清爽
唔係痴立立個D。
敷左15分鐘度，張面膜的上唇位已經開始有D干 (可能係太氣干的原故)
所以除左個面膜紙啦
(如果面膜紙變干，會反吸番皮膚的水份，會越敷越干架，所以唔好成敷住唔捨得)
敷完個咁水份的膜，皮膚的水份眼見都升左唔少
毛孔收細了，而且因干燥而出現的泛紅都撫平了~
明膚即時變得淨白透亮
頭3日 日日敷，之後再隔日敷
抗皺呢，如果水份足可以減少幼紋，咁佢就做到了~
作為一個可以日日敷的水份面膜，佢就好合格了。
不過如果要滋潤的，呢款的精華就稍遜了。
所以敷完面膜後，我都建議搽番D 滋潤型的精華或面霜。
以上產品於Colourmix有售
以上產品由COLOURMIX 提供
如要聯絡本人，請電郵至： smonkichi@hotmail.com
Fanpge : www.facebook.com/smonkich
Instagram : https://instagram.com/smonkichi/
留言
張貼留言